நாட்டின் மிகப் பெரிய தொலைத்தொடர்பு நிறுவனமான ஏர்டெல் சமீபத்தில் ஒரு புதிய ரீசார்ஜ் திட்டத்தை அறிமுகம் செய்துள்ளது. குறிப்பாக ஜியோவிற்குப் போட்டியாக இந்தத் திட்டத்தை நடைமுறைக்குக் கொண்டு வந்துள்ளது ஏர்டெல். விளையும் ஜியோவை விடக் குறைவு தான் ஆனால் செல்லுபடியாகும் நாட்களும் ஜியோவை விடக் குறைவு. இப்போது ஏர்டெல் அறிமுகம் செய்துள்ள திட்டத்தை ஜியோ மற்றும் வோடபோன் உடன் ஒரு ஒப்பீட்டைப் பார்ப்போம்.
ஏர்டெல்லின் 419 திட்டம்
இந்த 419 ரீசார்ஜ் திட்டத்தில், ஏர்டெல் 105 ஜிபி டேட்டா வழங்குகிறது, அதாவது ஒரு நாளைக்கு 1.4 ஜிபி டேட்டா 75 நாட்களுக்கு. பிறகு அளவில்லா லோக்கல் மற்றும் எஸ்டிடி கால்கள், நாள் ஒன்றுக்கு 100 எஸ்எம்எஸ்-களும் இலவசம்.
வோடாபோனின் 399 திட்டம்
வோடாபோனின் இந்த 399 ரீசார்ஜ் திட்டத்தில் மொத்தம் 98 ஜிபி டேட்டா வழங்கப்படுகிறது, இதில் ஒரு நாளைக்கு 1.4 ஜிபி டேட்டா அளவில் 70 நாட்களுக்குச் செல்லுபடியாகும். அது போக அளவில்லா லோக்கல் மற்றும் எஸ்டிடி கால்கள் உடன் நாள் ஒன்றுக்கு 100 எஸ்எம்எஸ் வழங்கப்படுகிறது.
ஜியோவின் 449 திட்டம்
இதே போல ஜியோவில் 449 திட்டத்தில் நாள் ஒன்றுக்கு 1.5 ஜிபி என்ற முறையில் மொத்தம் 136 ஜிபி டேட்டா 91 நாட்களுக்கு வழங்கப்படுகிறது. இந்தப் பேக்கில் அளவில்லா கால்களும் மற்றும் ஒரு நாளைக்கு இலவசமாக 100 எஸ்எம்எஸ்-களும் அனுப்பலாம்.