இந்திய மாணவர்களிடம் இருந்து மட்டும் அமெரிக்க அரசுக்கு ஆண்டுக்கு 80,000 கோடி ரூபாய் வருவாய்க் கிடைக்கிறது என்றால் உங்களால் நம்ப முடிகின்றதா?
இதில் ஆச்சரியம் என்னவென்றால் மத்திய அரசு ஐஐடி, என்ஐஐடி மற்றும் ஐஐஎம் உள்ளிட்ட பல்கலைக்கழகங்களுக்காகச் செலவு செய்வதை விட இரண்டு மடங்கு அதிகம் என்பதே ஆகும்.
இந்திய கல்வி பட்ஜெட்
மத்திய அரசு 2018-2019 பட்ஜெட்டின் போது உயர் கல்விக்காக ஒதுக்கிய தொகை 35,000 கோடி ரூபாய். ஆனால் இந்திய மாணவர்கள் அமெரிக்காவில் வாரி இறைத்த தொகை 80,000 கோடி ரூபாய்.
இந்திய மாணவர்கள்
அமெரிக்காவில் இந்த ஆண்டு 1,96,271 மாணவர்கள் படித்து வருகிறார்கள் என்று அறிக்கை கூறுகிறது. ஒவ்வொரு ஆண்டும் அமெரிக்கா சென்று படிக்கும் இந்தியர்களின் எண்ணிக்கை அதிகரித்தும் வருகிறது என்கிறது ஆய்வுகள்.
மேலும் அமெரிக்கச் சென்று படிக்கும் மாணவர்களில் 66 சதவீதத்தினர் தனியார் கல்வி நிறுவனங்களில் படிப்பதாகவும், நியூ யார்க், காலிபோர்னியா மற்றும் மாசசூசெட்ஸ் உள்ளிட்ட மாகாணங்களில் தங்கி இருப்பதாகவும் கூறுகின்றனர்.
அதிகக் கட்டணம்
உலகளவில் அமெரிக்கப் பல்கலைக்கழகங்கள் வெளிநாட்டு மாணவர்களிடம் இருந்து அதிகக் கட்டணத்தினை வசூலிக்கின்றன. குறைந்தபட்சம் ஆண்டுக்கு 3 லட்சம் ரூபாய் முதல் 35 லட்சம் ரூபாய் வரை மாணவர்கள் கட்டணமாகச் செலுத்துகின்றனர்.
சராசரி
அதிலும் சராசரியாக 23.5 லட்சம் ரூபாயினை இந்திய மாணவர்கள் சராசரியாக அமெரிக்க கல்வி நிறுவனங்களில் கட்டணமாகச் செலுத்துகின்றனர்.
செலவு
ஆண்டுக்குக் குறைந்தபட்ச செலவு என்று பார்த்தால் ஒரு மாணவருக்கு 7.61 லட்சம் ரூபாய் வரை செலவாகிறது என்கின்றனர். மேலும் அதிகபட்சமாக ஆண்டுக்கு 42 லட்சம் ரூபாய் வரை செலவாகிறது. 1,96,271 மாணவர்கள் என்றால் ஆண்டுக்கு 85,010 கோடி ரூபாயினை இந்திய மாணவர்கள் அமெரிக்காவில் செலவு செய்கிறார்கள்.
படிப்பு
அமெரிக்கா வரும் 90 சதவீத வெளிநாட்டு மாணவர்கள் கணினி, கணக்கு, நிர்வாக அறிவியல் மற்றும் மருத்துவம் உள்ளிட்ட படிப்புகளைத் தான் தேர்வு செய்கின்றனர்.
ஊக்கத்தொகை
அமெரிக்கச் சென்ற சில ஆயிரம் மாணவர்கள் உதவித்தொகை மூலம் சென்று இருந்தார்கள் என்று வைத்துக்கொண்டு இருந்தாலும் அமெரிக்காவிற்கு இந்த ஆண்டு மட்டும் 80,000 கோடி ரூபாய் வருவாய் இந்திய மாணவர்களால் கிடைத்துள்ளது.
மாணவர்கள்
இந்திய மாணவர்களில் 18 சதவீதத்தினர் சீனர்களுக்கு அடுத்தபடியாகத் தான் கல்லூரிகளில் அமருவதாகவும், முதுகலைப் பட்டம் பெறுபவர்களில் இந்தியா முதல் இடத்திலும், இளங்கலை பட்டம் பெறுபவர்களில் இந்தியா 4-ம் இத்தினையும் பிடித்துள்ளது.