இந்தியாவின் நம்பர் 1 ஐடி சேவைகள் நிறுவனமான டிசிஎஸ் ஒரே மாதத்தில் இரண்டு நிறுவனங்களை வாங்க முடிவு செய்திருப்பது போட்டி நிறுவனங்களை வாயை பிளக்க வைத்துள்ளது.
அமெரிக்காவை தலைமையிடமாகக் கொண்டு செயல்பட்டு வரும் பிரிட்ஜ் பாயிண்ட் குழுமம் என்ற நிர்வாகக் கன்சல்டண்ட் நிறுவனத்தினை வாங்குவதாக டிசிஎஸ் புதன்கிழமை உறுதி செய்துள்ளது.
ஊழியர்கள்
டிசிஎஸ் நிறுவனத்திற்குப் பிரிட்ஜ் பாயிண்ட் குழுமம் விலை போனதை அடுத்து அந்த நிறுவனத்தின் மொத்த ஊழியர்களும் விரைவில் டிசிஎஸ் கீழ் பணிக்குச் சேருவார்கள் என்று கூறப்படுகிறது.
டிசிஎஸ்
டிசிஎஸ் நிறுவனம் தற்போது அமெரிக்காவின் டாப் 10 வங்கிகளில் 8 நிறுவனங்கள், நிதி சேவை மற்றும் காப்பீட்டு நிறுவனங்களுக்குத் தங்களது ஐடி சேவையினை வழங்கி வருகிறது.
பிரிட்ஜ் பாயிண்ட்
டிசிஎஸ் நிறுவனத்துடன் இணைந்திருப்பது தங்களது வாடிக்கையாளர்களுக்கு மேலும் நன்மை அளிக்கும், தங்களது வாடிக்கையாளர்கள் புதிய தீர்வுகளுக்காகக் காத்திருக்கின்றனர், டிசிஎஸ் நிறுவனத்துடன் இணைந்து பிரிட்ஜ் பாயிண்ட் டிஜிட்டல் பரிமாற்றத்திற்கு உதவும் என்று குறிப்பிட்டுள்ளார்.
சந்தை மதிப்பு
பிர்ட்ஜ் பாயிண்ட் நிறுவனம் அமெரிக்க ஓய்வூதிய சேவை சந்தையில் 1 டிரில்லியன் டாலர் மதிப்பினை கொண்டுள்ளது. அது டிசிஎஸ் நிறுவனத்துடன் இணையும் போது இன்னும் வேகமான வளர்ச்சியைப் பெறும் என எதிர்பார்க்கப்படுகிறது.
W12 ஸ்டூடியோஸ்
2018 நவம்பர் 1-ம் தேதி தான் டாடா கன்சல்டன்ஸி நிறுவனம் லண்டனை தலைமையிடமாகக் கொண்டு செயல்பட்டு வரும் டிஜிட்டல் ஸ்டூடியோவான W12 ஸ்டூடியோஸை வாங்குவதாக அறிவித்ததும் குறிப்பிடத்தக்கது.