நுகர்வோர் பணவீக்கம் மற்றும் தொழிற்துறை உற்பத்தி விவரங்கள்

2019 ஜனவரி மாதத்துக்கான நுகர்வோர் பணவீக்கம் (Consumer Price Inflation) இன்று பிப்ரவரி 12, 2019 மாலை வெளியாகி இருக்கிறது. நுகர்வோர் பணவீக்கம் 2.05 சதவிகிதமாக குறைந்திருக்கிறது. கடந்த டிசம்பர் 2018-ல் நுகர்வோர் பணவீக்கம் 2.19 சதவிகிதமாக இருந்திருக்கிறது. ஜனவரி 2018 காலத்தில் நுகர்வோர் பணவீக்கம் 5.07 சதவிகிதமாக இருந்திருக்கிறது.

நுகர்வோர் உணவுக் பணவீக்கம் ஜனவரி 2019 காலத்துக்கு -2.17 சதவிகிதம் என கடந்த டிசம்பர் 2018 காலத்தில் இருந்த -2.65 அளவை விட கொஞ்சம் அதிகரித்திருக்கிறது. ஜனவரி 2018 காலத்தில் நுகர்வோர் உணவுப் பணவீக்கம் 4.70 சதவிகிதமாக இருந்திருக்கிறது.

இந்திய தொழிற்துறை உற்பத்தியோ டிசம்பர் 2018 காலத்தில் 2.4 சதவிகிதம் அதிகரித்திருக்கிறது. சுரங்கத் துறை -1.0%, உற்பத்தித் துறை 2.7%, மின்சாரம்த் துறை 4.4%, ஒட்டு மொத்தத்தில் 2.4%, முதன்மைப் பொருட்கள் -1.2%, மூலதனப் பொருட்கள் 5.9%, இடைநிலைப் பொருட்கள் -1.5%, கட்டுமானத் துறை பொருட்கள் 10.1% என தொழிற்துறை உற்பத்தி அதிகரித்திருக்கிறது.

சமீபத்தில் தான் ஆர்பிஐ இந்திய வங்கிகளுக்கு கொடுக்கும் கடனுக்கான வட்டித் தொகையை 0.25 சதவிகிதம் குறைத்துக் கொண்டது. அதனைத் தொடர்ந்து மீண்டும் பணவீக்கம் கட்டுபாட்டில் இருப்பதோடு, இந்திய தொழிற்துறையும் அதிகரித்திருப்பது கவனிக்கத் தக்கது.