6 லட்சம் கோடி ரூபாயோடு சாதனை படைத்த HDFC Bank..!

மும்பை: நேற்று மார்ச் 14, 2019 வியாழக்கிழமை அன்று காலையிலேயே HDFC Bank இந்திய பங்குச் சந்தைகளில் ஒரு புதிய சாதனை படைத்திருக்கிறது.

ஒரு நிறுவனத்தின் மொத்த பங்குகள் * விலை = மார்க்கெட் கேப்பிட்டலைசேஷன் எனச் சொல்வார்கள்.

இந்த மார்க்கெட் கேப்பிட்டலைசேஷன் என்பது ஒரு நிறுவனத்துக்கு இந்திய பங்குச் சந்தையில் கொடுக்கும் ஒரு லைவ் மதிப்பு.

20 வருட சம்பளத்தை ஒரே நாளில் பெற்ற ஊழியர்..! உங்களுக்கும் வேண்டுமா..? 20 வருட சம்பளத்தை ஒரே நாளில் பெற்ற ஊழியர்..! உங்களுக்கும் வேண்டுமா..?

மூன்றாவது நிறுவனம்

இதுவரை இந்திய பங்குச் சந்தைகளில் ரிலையன்ஸ், டாடா கன்சல்டன்சி ஆகிய இரண்டு நிறுவனங்கள் தான் 6 லட்சம் கோடி ரூபாய் மதிப்போடு முறைய முதல் இரண்டு இடங்களைப் பிடித்திருக்கிறது. இப்போது மூன்றாவது நிறுவனமாக HDFC Bank 6 லட்சம் கோடி ரூபாய் மார்க்கெட் கேப்பிட்டலைசேஷன் உடன் மூன்றாவது இடத்தில் இருக்கிறது.

தற்போதைய மதிப்பு

இன்று வர்த்தக நேர முடிவில் சுமாராக டாடா கன்சல்டன்சி சர்வீசஸ் 7.50 லட்சம் கோடி ரூபாயாகவும், ரிலையன்ஸ் இண்டஸ்ட்ரீஸ் லிமிடெட் 8.53 லட்சம் கோடி ரூபாயாகவும் இருக்கிறது.

யாருக்கு 4-வது இடம்

இந்தியாவில் FMCG - Fast Moving Consumer Goods துறையில் வியாபாரம் செய்யும் ஹிந்துஸ்தான் யுனிலிவருக்குத் தான் நான்காவது இடம். இந்த நிறுவனத்தின் மார்க்கெட் கேப்பிட்டலைசேஷன் 3.77 லட்சம் கோடி ரூபாயாக நான்காமிடத்தில் இருக்கிறது.

5-வது இடம்

ஹிந்துஸ்தான் யுனிலிவரைத் தொடர்ந்து 3.61 லட்சம் கோடி ரூபாய் மார்க்கெட் கேப்பிட்டலைசேஷன் உடன் ஐந்தாவது இடத்தில் இருப்பது ஐடிசி. இதுவும் இந்தியாவில் FMCG - Fast Moving Consumer Goods துறையில் வியாபாரம் பார்க்கும் நிறுவனம் என்பது குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க