ரிலையன்ஸின் கடன் ரூ.1.95 லட்சம் கோடி! ஜியோ & இ-காமர்ஸில் முதலீடு செய்ய 70,000 கோடி வேண்டுமாம்..!

ரிலையன்ஸ் ஆயில்

இந்த 2018 - 19-ல் ரிலையன்ஸ் குழுமத்தின் மொத்த வருவாயில் எண்ணெய் வியாபாரத்தில் இருந்து வரும் வருவாய் 77% ஆக குறைந்திருக்கிறதாம். கடந்த 2017 - 18 நிதி ஆண்டில் ரிலையன்ஸ் குழுமத்தின் மொத்த வருவாயில் 83 சதவிகிதம் வரை வருமானத்தைக் கொட்டிக் கொண்டிருந்தது ரிலையன்ஸின் எண்ணெய் சுத்தீகரிப்பு நிறுவனங்கள் தானாம்.

10 ஆண்டுகள்

ரிலையன்ஸ் நிறுவனத்துக்கு கடந்த 10 ஆண்டுகளுக்கு மேல் மிகப் பெரிய வருவாய் ஊற்றுவாயாக இருப்பது அதன் எண்ணெய் சுத்தீகரிப்பு வியாபாரம் தான். அதில் கிடைத்த வருமானத்தைத் தான் பெரிய அளவில் ஜியோவுக்கும், ரிலையன்ஸ் ரீட்டெயிலுக்கும் (இ-காமர்ஸ்) முதலீடாகச் செய்து கொண்டிருக்கிறது.

ஜியோ தொடக்கம்

கடந்த செப்டம்பர் 2016-ல் தான் ரிலையன்ஸ் குழுமம் தன் செல்ல பிள்ல்ளை ஜியோ-வை அறிமுகப்படுத்தினார்கள். இன்று கிட்ட தட்ட இந்திய டெலிகாம் சந்தையில் நம்பர் 1. அதுவும் மூன்றே ஆண்டுகளில். அதே போல ரிலையன்ஸ் குழுமம் நுகர்வோர் துறையையும் அழுத்தமாகவும், நம்பிக்கையாகவும் பார்க்கிறார்களாம். அதற்கு ரிலையன்ஸ் ஜியோவையும் பலமாக பயன்படுத்திக் கொண்டிருக்கிறார்கள்.

இந்திய அமேஸான்

அமேஸானைப் போல இந்தியாவில் ரிலையன்ஸை வளர்த்து எடுக்க இந்திய இ-காமர்ஸ் கொள்கைகளில் மாற்றம் கொண்டு வந்ததில் (டிசம்பர் 2018 இ-காமர்ஸ் பாலிசி மாற்றங்கள்) இருந்து, அஜியோவை பிரம்மாண்டமாக கட்டமைத்து வருகிறது ரிலையன்ஸ்.

மார்கன் ஸ்டான்லி கணிப்பு

அதற்கு பக்க பலமாக Radisys Corp தொடங்கி Vakt Holdings Ltd போன்ற இ - காமர்ஸ் நிறுவனங்களை 2.5 பில்லியன் டாலர் வரை விலை கொடுத்து வளைத்துவிட்டது. இதை எல்லாம் கணக்கில் எடுத்துக் கொண்ட மார்கன் ஸ்டான்லி ஒரு கணிப்பை வெளியிட்டிருக்கிறது. அதன் படி இந்தியாவின் இ-காமர்ஸ் ஃப்ளிப்கார்ட், அமேஸான் மற்றும் ரிலையன்ஸ் என மூன்று பேரும் சேர்ந்து 2028-ல் இந்தியாவின் 2019-ல் 30 பில்லியன் டாலராக இருக்கும் 200 பில்லியன் டாலருக்கு கொண்டு செல்வார்கள் எனச் சொல்லி இருக்கிறது.

ரிலையன்ஸ் கணிப்பு

வரும் 2028-ம் ஆண்டில் ரிலையன்ஸ் குழுமத்தின் மொத்த வருவாயில் சுமார் 75 - 80 சதவிகிதம் இந்த இ - காமர்ஸ் நுகர்வோர் துறையில் இருந்து வரும் எனச் சொல்கிறார்கள் ரிலையன்ஸ் அதிகாரிகள்.

கடன் தொல்லை

தற்போது முகேஷ் அம்பானிக்கு நுகர்வோர் (இ-காமர்ஸ்) துறையையும், ஜியோவையும் மேம்படுத்த பணம் தேவைப்படுகிறது. ஏற்கனவே ரிலையன்ஸ் நிறுவனத்துக்கு சுமார் 1.95 லட்சம் கோடி ரூபாய் கடன் இருக்கிறது. இந்த நேரத்தில் மேலும் கடன் வாங்குவதற்கு பதிலாக தன் ரிலையன்ஸ் நிறுவன பங்குகளில் ஒரு பகுதியை Saudi Aramco நிறுவனத்துக்கு விற்று சுமார் 10 - 15 பில்லியன் டாலர் (70,000 - 1,00,000 லட்சம் கோடி ரூபாய்) வரை திரட்ட பேச்சு வார்த்தை நடத்தி வருவதாகச் செய்திகள் வளம் வந்து கொண்டிருக்கின்றன.

ஆக இந்தியாவில் ஒரு அசுர அமேஸான் ரிலையன்ஸி அஜியோ வடிவில் உருவாகிக் கொண்டிருக்கிறது. இன்னும் சில வருடங்களில் இந்தியாவையே ஆளப் போவதை நம்மால் உணர முடிகிறது.