அமெரிக்க கனவு காண்பவர்கள் மனதை திடப்படுத்தி கொள்ளுங்கள், H1-B விசா-க்கான விண்ணப்ப விலை அதிகரிப்பு..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

வாசிங்டன்: இத்தனை நாட்கள் இந்தியர்களுக்கு H1-B விசா கொடுப்பதில் விதிகளை மாற்றி விளையாடிக் கொண்டிருந்த அமெரிக்க அதிபர் டொனால்ட் ட்ரம்ப், தற்போது கட்டணங்களை உயர்த்தி விளையாட இருப்பதாகச் சொல்லி இருக்கிறார்.

அட ஆமாங்க. ட்ரம்பின் அரசு H1-B விசாக்களுக்கான விண்ணப்பக் கட்டணத்தை உயர்த்தப் போகிறார்களாம். இந்த கூடுதல் கட்டணம் மூலம் வரும் பணத்தை, அமெரிக்க இளைஞர்களுக்கு டெக்னாலஜி துறையில் பயிற்சி கொடுக்கப் பயன்படுத்தப் போகிறார்களாம்.

அமெரிக்க கனவு காண்பவர்கள் மனதை திடப்படுத்தி கொள்ளுங்கள், H1-B விசா-க்கான விண்ணப்ப விலை அதிகரிப்பு..!

 

இதை அமெரிக்க தொழிலாளர் துறைச் செயலர் அலெக்சாண்டர் அகோஸ்டா அதிகாரபூர்வமாக அமெரிக்க காங்கிரஸ் கமிட்டியிடம் இந்த விஷயத்தைச் சொல்லி இருக்கிறார். இந்த புதிய H1-B விசா கட்டண உயர்வால் எவ்வளவு டாலர் அமெரிக்காவுக்கு கூடுதலாக கிடைக்கும் என்கிற விவரங்களைச் சொல்லவில்லை. அதே போல் ஒரு விண்ணப்பத்துக்கு எவ்வளவு விலை உயர்த்தப் போகிறார்கள் என்கிற விஷயத்தையும் சொல்லவில்லை.

வழக்கம் போல, இந்தியாவின் ஏதோ ஒரு கிராமத்தில் படித்து முடித்துவிட்டு, டெக்னாலஜி அறிவை வைத்துக் கொண்டு இந்தியாவில் இருந்து அமெரிக்காவுக்குச் செல்ல துடித்துக் கொண்டிருக்கும் இந்திய இளைஞர்களுக்கு சட்டங்கள், விதிகள், புதிய கோட்டா மாற்றங்களில் குடைச்சல்களைக் கொடுத்துக் கொண்டிருந்த ட்ரம்ப், இப்போது பணம் வழியாகவும் குடையத் தொடங்கி இருக்கிறார். அங்கு ஒரு டாலர் விலை ஏற்றினாலும் இங்கு 70 ரூபாய் கூடுதலாக செலுத்த வேண்டுமே..? பின் இந்தச் செய்தியைப் பார்த்தால் அமெரிக்க கனவோடு இருப்பவருக்கு பதறுமா..? பதறாதா..?

01 அக்டோபர் 2019 முதல் 30 செப்டம்பர் 2020 வரையான காலத்தில் அமெரிக்க இளைஞர்களுக்கு டெக்னாலஜி துறையில் பயிற்சி அளிக்க 160 மில்லியன் டாலர் பட்ஜெட் அறிவித்திருக்கிறார்கள். அதோடு கூடுதலாக H1-B விசாவுக்கான இந்தக் கூடுதல் கட்டணத்தையும் கூட்டி, இன்னும் அதிக அளவில் அமெரிக்க இளைஞர்களுக்கு டெக்னாலஜி துறையில் பயிற்சி கொடுக்கப் போகிறார்களாம்.

பினாமிகள் மூலம் ஆர்டர் செய்யும் முதலீட்டாளர்கள்.. அம்புஜா சிமெண்ட் நிறுவனம் புகார்

தற்போதைய கணக்குப்படி, ஒரு ஆண்டில் 60,000 (பொது) + 25,000 (அமெரிக்காவில் உயர் கல்வி படித்தவர்களுக்கான சிறப்புக் கோட்டா) = 85,000 H1-B Visa வழங்குகிறது அமெரிக்க அரசு. ட்ரம்ப் வந்த பின் 60,000 பொதுக் கோட்டா விசாவில் கூட அமெரிக்காவில் மேற்படிப்பு படித்தவர்களுக்கு இடங்களை ஒதுக்க H1-B விசா திட்டத்தில் மாற்றம் கொண்டு வந்தார்கள். இதனால் அமெரிக்காவில் மேற்படிப்பு படித்திருக்க வேண்டிய கட்டாயம் வலுபெற்று வருவதால், அமெரிக்கா மீதான மோகமும் கொஞ்சம் குறையத் தொடங்கி இருப்பதாகச் சொல்கிறார்கள்.

ஆனால், அமெரிக்கா செல்ல இந்த 2019 - 20-ம் ஆண்டுக்கு விண்ணப்பித்தவர்களின் எண்ணிக்கை அப்படியே நேர் மாறாக இருக்கிறது. H1-B விசா-க்கான விண்ணப்பங்கள் ஏப்ரல் 01, 2019 முதல் ஏப்ரல் 05, 2019-க்குள்ளேயே சில லட்சங்களுக்கு மேல் விண்ணப்பித்து தள்ளிவிட்டார்கள். இதற்குப் பெயர் தான் அமெரிக்க மோகம் குறைவாம்..? இன்னும் இந்த ட்ரம்ப் நம் இந்தியர்கள் மீது எத்தனை வெறுப்பு உமிழ்வாரோ தெரியவில்லை.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

usa is going to charge more for H1-B visa application

USA is going to charge more for H1-B visa application and use that money to train USA youth in technology
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more