Richard Tongi ரூ. 200 கடனை திருப்பி கொடுக்க இந்தியா வந்த கென்ய MP! கண்ணீருடன் வாங்க மறுத்த இந்தியர்!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

ஒளரங்காபாத்: Richard Tongi இன்று கென்ய நாட்டின் ஒரு மக்களவை உறுப்பினர். அதோடு கென்ய பாதுகாப்பு மற்றும் வெளியுறவு விவகார கமிட்டியின் துணைத் தலைவரும் கூட.

சில தினங்களுக்கு முன் தான் இந்திய பிரதமரைச் சந்தித்து இரு நாடுகளுக்கிடையிலான விவகாரங்களை எல்லாம் பேசி இருக்கிறர். கூட்டம் எல்லாம் முடிந்த உடன் தன் குழுவினரிடம் ஒளரங்காபாத் செல்ல வேண்டும் எனச் சொல்லி இருக்கிறார்.

ஏன்..? என்ன என Richard Tongi-ன் மனைவி விசாரித்திருக்கிறார். அப்போது தான் தனக்கு உதவிய ஒரு இந்தியருக்கு 200 ரூபாய் கடன் பாக்கி வைத்திருப்பதைச் சொல்கிறார்.

Ruby Roman Grapes: ஒரு கொத்து திராட்சைக்கு ரூ. 7.5 லட்சமா..? உலக சாதனை படைத்த திராட்சை பழம்..!

காசிநாத்
 

காசிநாத்

நம் Richard Tongi-ன் 1985 - 1989 வரையான கல்லூரி காலம், இந்தியாவில் தான் கழிந்திருக்கிறது. ஒளரங்காபாத்தில் உள்ள மெளலானா ஆசாத் கல்லூரியில் தான் நிர்வாகவியலில் பட்டம் பெற்று இருக்கிறார். Richard Tongi-ன் கல்லூரி காலங்களில் காசிநாத் அவ்வப் போது பல உதவிகளைச் செய்திருக்கிறார். சொல்லப் போனால், காசிநாத் தான் Richard Tongi தங்குவதற்கான இடத்துக்கு கூட உதவி செய்தாராம். Richard Tongi உட்பட வெளிநாட்டவர்கள் அதிகம் பொருட்களை வாங்கும் மளிகைக் கடைகளில் காசிநாத் கடையும் ஒன்றாம்.

அந்த ரூ.200 பாக்கி

அந்த ரூ.200 பாக்கி

Richard Tongi-க்கு பல சமயங்களில் பல உதவிகளைச் செய்திருக்கிறார் காசிநாத். அப்படி உதவும் போது சுமார் 200 ரூபாய் காசிநாத்துக்கு கடன் பாக்கி வைத்து விட்டு தன் கென்ய நாட்டுக்கு பறந்துவிட்டார். ஆனால் இந்த பணத்தை எப்படியாவது திருப்பிக் கொடுக்க வேண்டும் என்பதில் உறுதியாக இருந்திருக்கிறார். அதன் பிறகு 30 ஆண்டுகளில் ஒரு முறை கூட காசிநாத்தும் Richard Tongi-யும் சந்தித்துக் கொள்ளவில்லை.

2 நாள் அலைச்சல்

2 நாள் அலைச்சல்

இந்திய பிரதமருடனான சந்திப்பு முடிந்த பின் தன் மனைவியோடு ஒளரங்காபாத்துக்கு வந்து, இரண்டு நாட்கள் காசிநாத்தைத் தேடி அலைந்திருக்கிறார் Richard Tongi. ஒருவழியாக கடந்த திங்கட்கிழமை (ஜூலை 08, 2019) தனக்கு தேவையான நேரங்களில் உதவிய காசிநாத்தைக் கண்டு பிடித்து அவரின் பெரிய வீட்டுக்கே சென்று, தன்னை அறிமுகப்படுத்திக் கொண்டு தன் பழைய பாக்கி 200 ரூபாயைக் கொடுத்திருக்கிறார். இருவருக்குமே கண்ணீர் வந்துவிட்டது.

கடன் வாங்கிக் கோங்க
 

கடன் வாங்கிக் கோங்க

Richard Tongi கொடுத்த 200 ரூபாய் கடனை திரும்ப வாங்க மறுத்துவிட்டார் பழைய கடைக்காரர் காசிநாத். அதே புன்னகையோடு, காசிநாத்தின் குடும்பத்துக்கு பல பரிசுகளைக் கொடுத்து தன் நன்றியைத் தெரிவித்திருக்கிறார் அந்த கென்ய மக்களவை உறுப்பினர் Richard Tongi. "Richard Tongi-ன் நேர்மை என்னைத் தொட்டுவிட்டது" என கண்ணீர் விட்டு மகிழ்ந்திருக்கிறார் காசிநாத். Richard Tongi-யோ "எனக்கு நேர்மையைச் சொல்லிக் கொடுத்ததே இந்தியர்கள் தான் என்பதை நான் ஒப்புக் கொள்ள வேண்டும்" என மெய் சிலிர்க்க வைத்திருக்கிறார்.

பிரியாவிடை

பிரியாவிடை

காசிநாத்தின் குடும்பமே ஒன்று சேர்ந்து, இந்திய வழக்கப்படி வீட்டுக்கு வந்த விருந்தாளிகளை உபசரித்து, நல்ல சுவையான இந்திய உனவுகளை விருந்து போட்டு அசத்தி இருக்கிறார்கள். Richard Tongi-ன் மனைவிக்கு பட்டு சேலைகளையும், Richard Tongi-க்கு இந்திய காந்தி தொப்பிக்களையும் பரிசாகக் கொடுத்து மகிழ்ச்சியாக வழியனுப்பி வைத்திருக்கிறார்கள். அன்பும், மனிதமும் எல்லாவற்றையும் விடப் பெரியது என மீண்டும் உரக்கச் சொல்லி இருக்கிறத் இந்த சம்பவம்.

தமிழ் குட்ரிட்டன்ஸ் செய்திகளை உடனுக்குடன் படிக்க

Read more about: loan money கடன்
English summary

Richard Tongi a Kenya MP repaid his rs 200 loan after 30 years to the Indian kasinath

Richard Tongi a Kenya mp repaid his rs 200 loan after 30 years to the Indian kasinath
Story first published: Thursday, July 11, 2019, 13:05 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X