பொய்த்துப்போன பருவமழை... உணவுப்பொருள் விலையேற்றம் - சில்லறை பணவீக்கம் 3.18% ஆக உயர்வு

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

டெல்லி: நடப்பு பருவத்தில் தென்மேற்கு பருவ மழை பொய்துப்போன காரணத்தினால், காய்கறிகள், பழங்கள் மற்றும் அசைவ உணவுப் பொருட்களின் விலை உயர்ந்து கடந்த ஜூன் மாதத்திய சில்லறை பணவீக்க விகிதம் 3.18 சதவிகிதமாக அதிகரித்துள்ளதாக மத்திய புள்ளியியல் துறை தரவுகள் தெரிவிக்கின்றன.

 

கடந்த மே மாதத்தில் சில்லறை பணவீக்க விகிதம் 3.05 சதவிகிதமாக இருந்தது. இதனையடுத்து மொத்த பணவீக்க விகிதத்தை கட்டுப்படுத்தும் விதமாக ரிசர்வ் வங்கி வட்டி விகிதத்தை குறைத்தது. இருந்தாலும் சில்லறை பணவீக்க விகிதம் தொடர்ந்து அதிகரித்து வருகிறது.

பொய்த்துப்போன பருவமழை... உணவுப்பொருள் விலையேற்றம் - சில்லறை பணவீக்கம் 3.18% ஆக உயர்வு

நடப்பு கரீப் பருவத்தின் தொடக்க மாதமான ஜூன் மாதத்தின் தொடங்க வேண்டிய தென்மேற்கு பருவமழை நாட்டின் எதிர்பார்த்த அளவில் இல்லை. இப்பொழுதுதான் வடக்கு மற்றும் வடகிழக்கு மாநிலங்களில் சற்று எட்டிப்பார்க்க ஆரம்பித்துள்ளது. இதன் காரணமாக விவசாய விளைபொருட்களின் விளைச்சல் வழக்கத்தை விட குறைந்துபோனது.

கூடவே, ஜூன் மாதத்தில் அதிக சுபநிகழ்ச்சிகள் அதிக அளவில் நடைபெற்றதால் காய்கறிகள், இறைச்சி மற்றும் மீன் போன்ற அசைவு உணவுப்பொருட்களின் விலையும் அதிகரித்துக் காணப்பட்டது. இதை உத்தேசித்தே பணவீக்க விகிதத்தை கட்டுப்படுத்தும் முடிவில் ரிசர்வ் வங்கி, நடப்பு 2019ஆம் ஆண்டில் மூன்றாம் முறையாக கடந்த ஜூன் மாதத் தொடக்கத்தில் வட்டி விகிதத்தை 0.25 சதவிகிதம் வரை குறைத்தது.

வங்கி வட்டி விகிதம் குறைக்கப்பட்டாலும் ரிசர்வ் வங்கி எதிர்பார்த்தது போல் சில்லறை பணவீக்க விகிதம் குறைந்தபாடில்லை. கடந்த மே மாதத்தில் சில்லறை பணவீக்க விகிதம் 3.05 சதவிகிதமாக இருந்தது. ஆனால், ஜூன் மாத சில்லறைப் பணவீக்க விகிதம் 3.18 சதவிகிதமாக அதிகரித்துள்ளதாக மத்திய புள்ளியியல் துறை தரவுகளை வெளியிட்டுள்து.

ஜூன் மாதத்திய சில்லறை பணவீக்க விகிதம் அதிகரித்தது குறித்து புள்ளியில் துறை விளக்குகையில், உணவுப் பொருட்களின் மதிப்பீட்டு மாதத்தின் அடிப்படையில், அதற்கு முந்தைய மே மாதத்தில் இருந்ததைக் காட்டிலும் சுமார் 1.83 சதவிகிதம் வரை உயர்ந்து 2.17 சதவிகிதிமாக அதிகரித்தது. இதன் காரணமாகவே ஜூன் மாதத்திய சில்லறை பணவீக்க விகிதம் அதிகரிப்பதற்கு முக்கிய காரணமாகும்.

 

அதேபோல், ஜூன் மாதத்தில் அதிக அளவில் சுபநிகழ்ச்சிகள் நடைபெறும் காலம் என்பதால், காய்கறிகள், பழங்கள் போன்றவை சிறிய அளவிலேயே அதிகரித்து காணப்பட்டது. ஆனால் அசைவ உணவு வகைகளான முட்டை, இறைச்சி, மீன் வோன்றவற்றின் தேவையும் வழக்கத்தைவிட அதிகரித்து காணப்பட்டதால், விலையும் வழக்கத்தை விட அதிகரித்து காணப்பட்டது. இதுவும் ஜூன் மாத சில்லறை பணவீக்க விகிதம் சற்று கூடியுள்ளதாக புள்ளியில் துறை அலுவலகம் தெரிவித்துள்ளது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Retail Inflation rises in June month

Rising prices of vegetables, fruits and non-vegetarian food items, due to Southwest monsoon fails in the current season, Retail inflation rose to 3.18 percent in June, according to data from the Central Statistics Office.
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X