டெல்லி, இந்தியா: இந்தியாவின் எட்டு முக்கிய துறைகளான நிலக்கரி, கச்சா எண்ணெய், இயரற்கை எரிவாயு, சுத்தீகரிப்புப் பொருட்கள், உரங்கள், ஸ்டீல், சிமெண்ட், மின்சாரம் போன்ற துறைகளின் வளர்ச்சி ஜூன் 2019-ல் வெறும் 0.2 சதவிகிதமாகத் தான் இருக்கிறது.
இந்த எட்டு முக்கிய துறைகள் தான் இந்தியப் பொருளாதாரத்தில் 40.27 சதவிகிதத்தை பிரதிபலிக்கும் துறைகள் என்பது குறிப்பிடத்தக்கது. கடந்த ஜூன் 2018-ல் இந்த எட்டு முக்கிய துறைகளின் வளர்ச்சி 7.8 சதவிகிதமாக இருந்தது குறிப்பிடத்தக்கது.
இந்தியாவின் கச்சா எண்ணெய் உற்பத்தி கடந்த ஜூன் 2018-ல் -3.4 சதவிகிதமாக இருந்தது. ஆனால் இப்போது ஜூன் 2019-ல் -6.8 சதவிகிதமாக சரிந்து இருக்கிறது. இந்தியாவின் நிலக்கரி உற்பத்தி கடந்த ஜூன் 2018-ல் 11.5 சதவிகிதமாக இருந்தது. ஆனால் இப்போது இந்த ஜூன் 2019-ல் 3.2 சதவிகிதமாக சரிந்து இருக்கிறது.
அதே போல இந்தியாவின் இயற்கை எரிவாயு உற்பத்தி கடந்த ஜூன் 2018-ல் -2.7 சதவிகிதமாக இருந்தது. ஆனால் இப்போது இந்த ஜூன் 2019-ல் -2.1 சதவிகிதமாக மேலும் சரிந்து இருக்கிறது. இந்தியாவின் சுத்தீகரிப்பு பொருட்கள் உற்பத்தி கடந்த ஜூன் 2018-ல் 12.1 சதவிகிதமாக இருந்தது. ஆனால் இப்போது இந்த ஜூன் 2019-ல் -9.3 சதவிகிதமாக சரிந்து இருக்கிறது.
இந்தியாவின் உரங்கள் உற்பத்தி கடந்த ஜூன் 2018-ல் 1.0 சதவிகிதமாக இருந்தது. ஆனால் இப்போது இந்த ஜூன் 2019-ல் 1.5 சதவிகிதமாக தேறி இருக்கிறது. இந்தியாவின் ஸ்டீல் உற்பத்தி கடந்த ஜூன் 2018-ல் 4.2 சதவிகிதமாக இருந்தது. ஆனால் இப்போது இந்த ஜூன் 2019-ல் 6.9 சதவிகிதமாக அதிகரித்து இருக்கிறது.
இந்தியாவின் சிமெண்ட் உற்பத்தி கடந்த ஜூன் 2018-ல் 14.2 சதவிகிதமாக இருந்தது. ஆனால் இப்போது இந்த ஜூன் 2019-ல் -1.5 சதவிகிதமாக சரிந்து இருக்கிறது. இந்தியாவின் மின்சார உற்பத்தி கடந்த ஜூன் 2018-ல் 8.4 சதவிகிதமாக இருந்தது. ஆனால் இப்போது இந்த ஜூன் 2019-ல் 7.3 சதவிகிதமாக சரிந்து இருக்கிறது.
ஒட்டு மொத்தத்தில் ஏற்கனவே மேலே சொன்னது போல ஜூன் 2018-ல் 7.8 சதவிகிதமாக இருந்த முக்கிய எட்டு துறைகளின் வளர்ச்சி தற்போது ஜூன் 2019-ல் வெறும் 0.2 சதவிகிதமாக சரிந்திருக்கிறது.