சிங்க பாதையில் ஏர்டெல்.. ஜியோ உடனான போட்டியில் பெரிய வெற்றி..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

இந்திய டெலிகாம் சந்தையில் ஜியோவின் மலிவான கட்டண சேவையின் மூலம் சக போட்டி நிறுவனங்களான ஏர்டெல், வோடபோன் ஐடியா நிறுவனங்கள் அதிகளவிலான வர்த்தகச் சரிவையும், வாடிக்கையாளர்கள் இழப்பையும் எதிர்கொண்டு வந்தது. இதுமட்டும் அல்லாமல் ஏர்டெல் மற்றும் வோடபோன் ஐடியா நிறுவனங்களின் வருமானத்தில் பெரிய அளவிலான பாதிப்பு ஏற்பட்டு இருக்கும் இந்த வேளையில் கட்டணத்தை உயர்த்தும் முடிவில் இரு நிறுவனங்களும் இறங்கியுள்ளது.

இந்தக் கடுமையான போட்டி நிறைந்த சூழ்நிலையில் சேவையின் தரம் முக்கிய விவாத பொருளாக மக்கள் மத்தியில் மாறியுள்ளது. இதற்கு ஏற்றார் போல் செப்டம்பர் மாதத்தில் ரிலையன்ஸ் ஜியோவை விடவும் 2 மடங்கு அதிக வாடிக்கையாளர்களை ஈர்த்துள்ளது ஏர்டெல்.

டிராய் அமைப்பு
 

டிராய் அமைப்பு

இந்திய டெலிகாம் கட்டுப்பாட்டு ஆணையமான டிராய் அமைப்பு வாடிக்கையாளர் குறித்து வெளியிட்ட செப்டம்பர் மாத தரவுகள் அடிப்படையில், இந்தியாவில் வேகமாக வளர்ந்து வரும் முகேஷ் அம்பானியின் ரிலையன்ஸ் ஜியோ 14.6 லட்சம் வாடிக்கையாளர்கள் பெற்றுள்ளது.

ஆனால் ஏர்டெல் யாரும் எதிர்பார்க்காத வகையில் ரிலையன்ஸ் ஜியோவை விடவும் 2 மடங்கு அதிக வாடிக்கையாளர்கள் பெற்றுள்ளது.

பார்தி ஏர்டெல்

பார்தி ஏர்டெல்

டிராய் அமைப்பு வெளியிட்டுள்ள அறிக்கையில் செப்டம்பர் மாதத்தில் பார்தி ஏர்டெல் சுமார் 37.7 லட்சம் வாடிக்கையாளர்களைப் பெற்று அசத்தியுள்ளது. ஜியோ உடன் நடக்கும் இந்தக் கடுமையான வர்த்தகப் போட்டியில் ஏர்டெல் நிறுவனத்திற்கு இது மாபெரும் வெற்றியாகவே பார்க்கப்படுகிறது.

வோடபோன் ஐடியா

வோடபோன் ஐடியா

VI என ரீ பிராண்டிங் செய்யப்பட்ட வோடபோன் ஐடியா இதே செப்டம்பர் காலாண்டில் 46.5 லட்சம் வாடிக்கையாளர்களை இழந்துள்ளது. இந்திய வர்த்தகத்தைக் காப்பாற்றிக்கொள்ளப் பெரிய அளவிலான முதலீட்டைத் திரட்டி வரும் வோடபோன் தொடர்ந்து வாடிக்கையாளர்களை இழந்து வருவது சந்தையில் போட்டி தன்மையை அதிகளவில் குறைக்கிறது.

சிங்கப்பாதையில் ஏர்டெல்
 

சிங்கப்பாதையில் ஏர்டெல்

டெலிகாம் சேவையில் ஜியோ உடனான போட்டியில் ஏர்டெல் வெற்றி பாதையில் பயணிக்கத் துவங்கியுள்ளதாகக் கூறப்படுகிறது. வோடபோன் ஐடியா வர்த்தகம் சரிவு பாதையை நோக்கி செல்ல துவங்கியுள்ள நிலையில் இனி வரும் காலத்தில் இந்திய டெலிகாம் சந்தையில் இருமுனை போட்டியாக மட்டுமே இருக்கும்.

அப்போ யார் கெத்து..?

அப்போ யார் கெத்து..?

புதிய வாடிக்கையாளர்கள் சேர்க்கை எண்ணிக்கை குறைவாக இருந்தாலும் ரிலையன்ஸ் ஜியோ சுமார் 404.12 மில்லியன் வாடிக்கையாளர்கள் கொண்டு சுமார் 35.19% சந்தை வர்த்தகத்தை வைத்துக்கொண்டு ஆதிக்கம் செலுத்துகிறது.

இதைத் தொடர்ந்து ஏர்டெல் 326.61 மில்லியன் வாடிக்கையாளர்களைக் கொண்டு 28.44 சதவீத சந்தையைக் கொண்டுள்ளது. வோடபோன் ஐடியா 295.49 மில்லியன் வாடிக்கையாளர்களைக் கொண்டு 25.73 சதவீத சந்தையைக் கொண்டுள்ளது.

மேலும் பிஎஸ்என்எல் 10.35%, எம்டிஎன்எல் 0.29% சந்தையைக் கொண்டுள்ளது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Airtel gets twice of Reliance Jio New subscribers : TRAI

Airtel gets twice of Reliance Jio New subscribers : TRAI
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X