சீனாவில் சிங்கிள் பசங்க அதிகம் போல.. 56 பில்லியன் டாலருக்கு ஷாப்பிங்..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

சீனாவின் முன்னணி ஆன்லைன் ஷாப்பிங் தளமாக அலிபாபா குழுமத்தின் ஈகாமர்ஸ் தளத்தில் ஒவ்வொரு வருடமும் சிங்கிள்ஸ் டே சிறப்பு விற்பனை மிகப்பெரிய அளவில் நடத்தப்படுகிறது. இந்த வகையில் இந்த வருடத்தின் சிங்கிள்ஸ் டே விற்பனையில் சுமார் 56 பில்லியன் டாலர் அளவிலான வர்த்தக்தை அலிபாபா குழுமம் பெற்றுள்ளது.

உலகமே எதிர் பார்த்து வந்த அலிபாபாவின் நிதியியல் சேவை பிரிவு ஆன்ட் குரூப்-ன் 35 பில்லியன் டாலர் வரலாற்று ஐபிஓ திடீரெனச் சீன அரசு முடக்கிப் பல கோடி முதலீட்டாளர்கள் அதிர்ச்சி அடைந்தனர்.

இதுமட்டும் அல்லாமல் ஆன்ட் குரூப் 35 பில்லியன் டாலர் ஐபிஓ திட்டத்திற்குச் சுமார் 3 டிரில்லியன் டாலர் மதிப்பிலான ஐபிஓ கோரிக்கை வந்த நிலையில் சீனா, ஹாங்காங் சந்தை முதலீட்டாளர்கள் மட்டும் அல்லாமல் உலக நாடுகளில் அனைத்து முதலீட்டாளர்களும் கவனத்தை ஈர்த்தது.

76 பில்லியன் டாலர் மாயம்
 

76 பில்லியன் டாலர் மாயம்

சீன அரசின் ஆன்ட் குரூப்-ன் திடீர் தடையின் காரணமாக அலிபாபா குழுமத்தின் மதிப்பு சீன பங்குச்சந்தையில் சுமார் 76 பில்லியன் டாலர் சரிந்தது. அரசே இந்நிறுவனத்தை எதிர்த்த நிலையில் ரீடைல் முதலீட்டாளர்கள் அரசின் மீது உள்ள பயத்தின் காரணமாகப் பங்குகளை விற்று ஓடினர். இதன் காரணமாகவே அலிபாபா குழுமத்தின் சந்தை மதிப்பு 76 பில்லியன் டாலர் சரிந்தது.

2 சிறப்பு விற்பனை

2 சிறப்பு விற்பனை

அலிபாபா தளத்தில் நவம்பர் மாதம் மட்டும் சிங்கிள்ஸ் டே பெயரில் 2 சிறப்பு விற்பனை அறிவிக்கப்பட்டுள்ளது. முதல் விற்பனை நவம்பர் 1 முதல் 3ஆம் தேதி வரையிலும் 2வது விற்பனை நவம்பர் 11ஆம் தேதி மட்டும் அறிவிக்கப்பட்டது.

56 பில்லியன் டாலர்

56 பில்லியன் டாலர்

சீனா நேரத்தின் படி நவம்பர் 11ஆம் தேதி 12.30 மணியளவில் கணக்கிட்ட போது சுமார் 372.3 பில்லியன் யுவான் அதாவது டாலர் மதிப்பில் 56.3 பில்லியன் டாலர் அளவிலான வர்த்தகத்தை அலிபாபா தளம் செய்துள்ளது.

இதுமட்டும் அல்லாமல் ஒரு நொடிக்கு 5,83,000 ஆர்டர்கள் அலிபாபா தளத்தில் வந்து குவிந்து வருவதாக இந்நிறுவனம் தெரிவித்துள்ளது.

20 லட்சம் புதிய பொருட்கள்
 

20 லட்சம் புதிய பொருட்கள்

இந்தச் சிறப்பு விற்பனைக்காக அலிபாபா புதிதாகத் தனது ஈகாமர்ஸ் தளத்தில் சுமார் 20 லட்சம் பொருட்களைப் புதிதாகப் பட்டியலிட்டு வாடிக்கையாளர்களைக் கவர்ந்துள்ளது.

சராசரியாக ஒரு வாடிக்கையாளர் 1000 யுவான் முதல் 10000 யுவான் வரையில் இந்தச் சிங்கிள்ஸ் டே விற்பனையில் செலவு செய்வதாக ஆய்வுகள் கூறுகிறது.

சோகத்திலும் நன்மை

சோகத்திலும் நன்மை

அலிபாபா குழுமம் ஆன்ட் குரூப்-ன் ஐபிஓ தடையும், அதனால் ஏற்பட்டுள்ள 76 பில்லியன் டாலர் மதிப்பிலான சந்தை மதிப்பு பாதிக்கப்பட்டு உள்ள இந்தச் சூழ்நிலையில், 56 பில்லியன் டாலர் மதிப்பிலான வர்த்தகம் அலிபாபாவை மகிழ்ச்சியில் ஆழ்த்தியுள்ளது தெரிகிறது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Alibaba single's day sale cross $56 billion GMV

சீனாவில் சிங்கிள் பசங்க அதிகம் போல.. 56 பில்லியன் டாலருக்கு ஷாப்பிங்..!
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X