இந்தியாவின் சிறு, நடுத்தரத் தொழில்கள் டிஜிட்டல் மயமாக்க $1 பில்லியன் முதலீடு.. அமேசான் திட்டம்!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

டெல்லி: இந்தியாவுக்கு வருகை தந்துள்ள அமேசான் நிறுவனத்தின் தலைவர் ஜெஃப் பேசோஸ், இந்தியாவில் சிறு மற்றும் நடுத்தரத் தொழில்களை டிஜிட்டல் மயமாக்க இங்கு 1 பில்லியன் டாலர்கள் வரை முதலீடு செய்ய திட்டமிட்டுள்ளதாக தெரிவித்துள்ளார்.

மூன்று நாள் பயணமாக இந்தியா வந்திருக்கும் ஜெஃப் பேசோஸ், டெல்லியில் நடந்த சிறு மற்றும் நடுத்தர நிறுவனங்களுக்கான அமேசான் ஸ்ம்பாவ் நிகழ்வில் கலந்து கொண்டு அங்கு உரையாற்றினார்.

இந்தியாவின் சிறு, நடுத்தரத் தொழில்கள் டிஜிட்டல் மயமாக்க $1 பில்லியன் முதலீடு.. அமேசான் திட்டம்!

 

அங்கு 21ம் நூற்றாண்டு இந்திய நூற்றாண்டாகப் போகிறது என்றும் கூறியுள்ளார். மேலும் 2025ம் ஆண்டில் 10 பில்லியன் டாலர் மதிப்புள்ள மேக் இன் இந்தியா பொருட்களை அமேசான் நிறுவனம் ஏற்றுமதி செய்யும் என்றும் ஜெஃப் உறுதிப்படுத்தியுள்ளார்.

இந்திய ஜனநாயகத்தை பற்றி பாராட்டி பேசிய பேசோஸ், 21ம் நூற்றாண்டு இந்தியாவுக்கு சொந்தமானது என்று கூறியுள்ளார். மேலும் உலகின் மிகப்பெரிய பழமையான ஜனநாயக நாடுகளான இந்தியாவும் அமெரிக்காவும் இந்த நூற்றாண்டில் மிக முக்கியமான கூட்டணியாக இருக்கும் என்றும் கூறியுள்ளார்.

சுறு சுறுப்பு, ஆற்றல், வளர்ச்சி என்ற சிறப்பு இந்த நாட்டிற்கு உள்ளது. அது ஒரு சிறந்த ஜனநாயகம் என்றும் பேசோஸ் கூறியுள்ளார். மேலும் அமேசான் ஏற்கனவே 1,000 மின்சார வினியோக வாகனங்களை ஆர்டர் செய்துள்ளது என்றும் கூறியுள்ளார்.

மூன்று நாள் பயணமாக வந்துள்ள பேசோஸ், பிரதமர் மற்றும் இந்திய சிறு மற்றும் நடுத்தர வர்த்தக நிறுவனர்களை சந்தித்து பேசலாம் என எதிர்பார்க்கப்படுகிறது.

ஏற்கனவே அமேசானுக்கு எதிராக போர்கொடி தூக்கி வரும் இந்திய வர்த்தகர்கள் மத்தியில், இந்த சந்திப்பு மிக முக்கியத்துவம் வாய்ந்ததாக கருதப்படுகிறது. ஏனெனில் ஆன்லைன் சில்லறை வர்த்தக நிறுவனங்கள் ஆழ்ந்த தள்ளுபடிகளை வழங்கி வருவதாக பலத்த எதிர்ப்புகள் நிலவி வருகின்றது. இந்த நிலையில் பிரதமர் மோடியை எதற்காக சந்திக்க உள்ளார், ஆன்லைன் சில்லறை வர்த்தகம் தொடர்பான விதிமுறைகள். பற்றி இந்த சந்திப்பில் பேசப்படுமா? அல்லது இது ஒரு மரியாதை நிமித்தமான சந்திப்பா? என இன்னும் இரண்டு நாட்கள் கழித்தே தெரியவரும். ஆக பொறுத்திருந்து தான் பார்க்க வேண்டும் என்னதான் நடக்கிறது என்று.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Amazon says invest $1 billion to digitizing small and medium businesses in India

Amazon says invest $1 billion to digitizing small and medium businesses in India, and expects to export $10 billion worth of India made goods by 2025.
Story first published: Wednesday, January 15, 2020, 16:19 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more