“பாஜக வங்கிகளை நிர்வகிக்கும் லட்சணம் தெரிந்துவிட்டது” ப சிதம்பரம்!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

யெஸ் பேங்க்-ன் வாடிக்கையாளர்கள், 50,000 ரூபாய்க்கு மேல் பணத்தை எடுக்கக் கூடாது என்கிற சிக்கலான கட்டுப்பாடு தான் நேற்று மாலை முதல் ஹாட் நியூஸாக பரவிக் கொண்டு இருக்கிறது.

 

இந்த செய்தியைக் குறித்து பல அரசியல்வாதிகளும் தங்கள் கருத்துக்களைச் சொல்லத் தொடங்கி இருக்கிறார்கள்.

அந்த வரிசையின் முன்னணியில் இடம் பிடித்து இருக்கிறார் முன்னாள் நிதி அமைச்சர் மற்றும் தமிழகத்தின் மூத்த காங்கிரஸ் தலைவர் ப சிதம்பரம்.

யெஸ் பேங்க் கட்டுப்பாடுகள்

யெஸ் பேங்க் கட்டுப்பாடுகள்

யெஸ் பேங்க் வாடிக்கையாளர்கள் 50,000 ரூபாய்க்கு மேல் பணத்தை எடுக்க முடியாது என்பதைத் தாண்டி, வங்கிக்கே சில கட்டுப்பாடுகள் இருக்கின்றன. யெஸ் பேங்க் இந்த கட்டுப்பாடு காலத்தில் எந்த ஒரு புதிய கடனையும் கொடுக்கவோ அல்லது பழைய கடனை புதுப்பிக்கவோ முடியாது. புதிதாக எங்கும் முதலீடு செய்ய முடியாது. இப்படி பல கட் அண்ட் ரைட் கட்டுப்பாடுகளை விதித்து இருக்கிறது ஆர்பிஐ.

ப சிதம்பரம் 1

ப சிதம்பரம் 1

இந்த யெஸ் பேங்க் செய்தியைக் குறித்து ப சிதம்பரம் தன் டிவிட்டர் பக்கத்தில் "பாரதிய ஜனதா கட்சி தான் கடந்த ஆறு ஆண்டுகளாக ஆட்சியில் இருக்கிறது. இவர்கள் இந்தியாவின் நிதி நிறுவனங்கள் மற்றும் வங்கிகளை நிர்வகிக்கும் மற்றும் முறைப்படுத்தும் லட்சணம் தற்போது தெரிந்துவிட்டது" என காட்டமாக பதிவு செய்து இருக்கிறார்.

 

ப சிதம்பரம் 2

மேலும் தொடர்ந்து பதிவிட்டு இருந்த முன்னாள் நிதி அமைச்சர் ப சிதம்பரம் "முதலில் பஞ்சாப் அண்ட் மகாராஷ்டிரா கூட்டுறவு வங்கி சிக்கலுக்கு உள்ளானது. இப்போது யெஸ் பேங்க் சிக்கலுக்கு உள்ளாகி இருக்கிறது. இந்த அரசுக்கு இதைப் பற்றி ஏதாவது வருத்தம் இருக்கிறதா? அரசு தன் பொறுப்பில் இருந்து விலகி விட முடியுமா? அடுத்து மூன்றாவது வங்கி ஏதாவது இருக்கிறதா?" என கேள்விக் கணைகளைத் தொடுத்து இருக்கிறார்.

தோல்வி

தோல்வி

மேலும் யெஸ் பேங்கின் பிரச்சனை ஒரு முழு நிர்வாக தோல்வி எனச் சொல்லி இருக்கிறார். இத்தனை நடந்து கொண்டிருக்கும் போதும் மத்திய அரசு தொடர்ந்து அமைதியாக இருக்கிறது. ஏற்கனவே, மும்பை ஆர்பிஐ அலுவலகத்தில் பிஎம்சி வங்கி வாடிக்கையாளர்கள் தங்கள் பணத்தை கேட்டுக் கொண்டு இருக்கிறார்கள். இதுவரை அரசு அதற்கு பதில் சொல்லவில்லை எனவும் சொல்லி இருக்கிறார் ப சிதம்பரம்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

BJP ability to govern and regulate banks stands exposed

Former finance minister and Tamil nadu senior congress leader P chidambaram said that the BJP ability to govern and regulate banks stands exposed.
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X