ஒரு லிட்டர் பெட்ரோலுக்கு 49 ரூபாய் வரியாக செலுத்துகிறோம் தெரியுமா?

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

கொரோனா வைரஸ் வந்ததால் என்ன தான் நல்லது நடந்து இருக்கிறது..? என்று கேட்டால் கச்சா எண்ணெய் விலை தாறு மாறாக சரிந்து இருப்பதைச் சொல்லலாம்.

ஆனால் இந்த விலை சரிவை, இந்திய அரசும் சரி, மாநில அரசுகளும் சரி, தங்கள் இஷ்டத்துக்கு வரிகளை அதிகரித்து மக்களுக்குச் சேர விடவில்லை.

இப்போது ஒரு கேள்வி. நாம் ஒரு லிட்டர் பெட்ரோலுக்குச் செலுத்தும் பணத்தில் எவ்வளவு ரூபாய் வரியாகப் போகிறது..? முதலில் பெட்ரோல் டீசல் வரி அதிகரிப்பில் இருந்து தொடங்குவோம்.

வரி அதிகரிப்பு
 

வரி அதிகரிப்பு

மத்திய அரசு, ஒரு லிட்டர் பெட்ரோல் மீது 10 ரூபாய் கலால் வரியை அதிகரித்து இருக்கிறது. ஒரு லிட்டர் டீசல் மீது 13 ரூபாய் கலால் வரியை அதிகரித்து எல்லோரையும் கலங்கடித்து இருக்கிறது. இந்த புதிய வரி உயர்வால் மட்டும் அரசுக்கு சுமார் 1.6 லட்சம் கோடி ரூபாய் வசூலாகும் என்கிறார்கள். இதனால், கச்சா எண்ணெய் விலைச் சரிவு பெரிதாக மக்களைச் சென்று அடையாது.

டெல்லி

டெல்லி

இந்தியா முழுமைக்கு பெட்ரோல் டீசலை விலையை கணக்கில் எடுத்துக் கொள்வது சிரமம். எனவே, தலைநகரான டெல்லியின் விலையை மட்டும் கணக்கில் எடுத்துக் கொள்வோம். ஒரு லிட்டர் பெட்ரோல் விலை சுமாராக 71.26 ரூபாய்க்கு விற்பனை ஆகி வருகிறது. ஒரு லிட்டர் டீசல் விலை 69.39 ரூபாய்க்கு விற்பனை ஆகிறது. இந்த தொகையில் எவ்வளவு ரூபாய் வரியாக மட்டுமே செல்கிறது எனக் கணக்கிட்டுப் பார்ப்போம்.

எவ்வளவு வரி

எவ்வளவு வரி

ஒரு லிட்டர் பெட்ரோல் விலை = 17.96 ரூபாய்

போக்குவரத்து செலவுகள் = 0.32 ரூபாய்

எல்லா வகையான கலால் வரி (Excie Duty) = 32.98 ரூபாய்

டீலர் கமிஷன் = 3.56 ரூபாய்

வாட் வரி (டீலர் கமிஷனுக்கும் சேர்த்து) = 16.44

டெல்லியில் ஒரு லிட்டர் பெட்ரோல் விலை = 71.26 ரூபாய்

விளக்கம்
 

விளக்கம்

ஆக 18.28 ரூபாய் + 3.56 ரூபாய் டீலர் கமிஷனுக்கு வர வேண்டிய ஒரு லிட்டர் பெட்ரோல், தற்போது கலால் வரி 32.98 + வாட் வரி 16.44 ரூபாய் செலுத்துகிறோம். ஆக 18.28 ரூபாய் பெட்ரோலுக்கு 49.42 ரூபாய் வரி செலுத்துகிறோம். இது சுமாராக 270 % வரி என்பது கவனிக்கத்தக்கது. ஒட்டு மொத்தமாக 71.26 ரூபாயில் சுமாராக 69.35 % பணத்தை வரியாக மட்டுமே செலுத்திக் கொண்டு இருக்கிறோம்.

டீசல் நிலவரம்

டீசல் நிலவரம்

ஒரு லிட்டர் டீசல் விலை = 18.49 ரூபாய்

போக்குவரத்து செலவுகள் = 0.29 ரூபாய்

எல்லா வகையான கலால் வரி (Excie Duty) = 31.83 ரூபாய்

டீலர் கமிஷன் = 2.52 ரூபாய்

வாட் வரி (டீலர் கமிஷனுக்கும் சேர்த்து) = 16.26

டெல்லியில் ஒரு லிட்டர் டீசல் விலை = 69.39 ரூபாய்

விலை விளக்கம்

விலை விளக்கம்

ஆக 18.78 ரூபாய் + 2.52 ரூபாய் டீலர் கமிஷனுக்கு வர வேண்டிய ஒரு லிட்டர் டீசல், தற்போது கலால் வரி 31.83 + வாட் வரி 16.26 ரூபாய் செலுத்துகிறோம். ஆக 18.78 ரூபாய் டீசலுக்கு 48.09 ரூபாய் வரி செலுத்துகிறோம். இது சுமாராக 256 % வரி என்பது கவனிக்கத்தக்கது. ஒட்டு மொத்தமாக 69.39 ரூபாயில் சுமாராக 69.30 % பணத்தை வரியாக மட்டுமே செலுத்திக் கொண்டு இருக்கிறோம்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

For 1 liter petrol we are paying Rs 49 as tax in india

In india, the consumers are paying Rs 49 as tax for one liter of petrol and Rs 48 as tax for one liter of diesel.
Story first published: Wednesday, May 6, 2020, 12:24 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X