செம சான்ஸ் போங்க.. தங்கம் விலை பவுனுக்கு ரூ.736 குறைஞ்சிருக்கு.. !

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

நாம் என்ன தான் முதலீடு செய்தாலும், அதில் கொஞ்சமேனும் தங்கத்தின் முதலீடு செய்யாமல் இருக்க மாட்டோம். அந்தளவுக்கு நம் வாழ்வில் அங்கம் வகிக்கும் தங்கத்தின் இன்றைய நிலவரம் பற்றித் தான் பார்க்கப் போகிறோம்.

உலகமே கொரோனா பாதிப்பின் காரணமாக அரண்டு போய் கிடந்தாலும், மறுபுறம் தங்கம் அதன் வேலையை சரிவர செய்து கொண்டே தான் இருக்கிறது. அதாவது, கடந்த வாரம் சில வாரங்களாக மனம் தளராமல் ஏறிக் கொண்டே தான் இருகிறது.

செம சான்ஸ் போங்க.. தங்கம் விலை பவுனுக்கு ரூ.736 குறைஞ்சிருக்கு.. !

 

இந்தியாவினை பொறுத்தவரையில் இன்றைய அளவில் ஆபரணத் தங்கம் தேவையானது பெரிய அளவில் இல்லாததால், ஆபரண தங்கத்தின் விலை குறைந்தாலும் சரி, அதிகரித்தாலும் சரி, அது அவ்வளவாக மக்களிடம் பாதிப்பினை ஏற்படுத்தவில்லை என்றே கூறலாம்.

எனினும் உலகளவில் முதலீட்டாளர்கள் தங்களது முதலீடுகளை, பாதுகாப்பினை காரணம் காட்டி தங்கத்தின் பக்கம் முதலீடுகளை திருப்பி வருகின்றனர். இதன் காரணமாக தங்கம் விலையானது தொடர்ந்து அதிகரித்து வந்தது. எனினும் கடந்த 4 தினங்களாக சர்வதேச சந்தையில் தங்கம் விலையானது தொடர்ந்து குறைந்து வருகிறது.

இதற்கு முக்கிய காரணம் சீனா தேசிய பாதுகாப்பு சட்டத்தினை அமல்படுத்த தயாராகி வருவது தான். சீன அரசு ஹாங்காங் மீது கொண்டு வர உள்ள புதிய பாதுகாப்பு சட்டத்தை தொடர்ந்து முன்னெடுத்தால், அந்த நாட்டின் மீது பொருளாதார தடைகள் விதிக்கப்படும் என்று அமெரிக்கா கடும் எச்சரிக்கை விடுத்துள்ளது.

,மேலும் இவ்வாறு தடை விதித்தால் பொருளாதார மையமாக விளங்கும் ஹாங்காங் பெருமளவு பாதிக்கப்படும் எனவும் அமெரிக்கா எச்சரித்துள்ளது. இச்சட்டத்தின் மூலம் ஹாங்காங் தனித்துவமாக செயல்முடியாத சூழ்நிலை உருவாகியுள்ளதாக அமெரிக்க வெளியுறவுத்துறை செயலாளர் மைக் பாம்பியோ சில தினங்களுக்கு முன்பு குற்றம் சாட்டியிருந்தார்.

இதே அமெரிக்க ஜனாதிபதி டொனால்டு டிரம்ப், சீனாவின் புதிய பாதுகாப்பு சட்டத்திற்கு எதிராக வலுவான பதிலை வைத்துள்ளதாகவும் தெரிவித்துள்ளார். ஆக இத்தகைய அக்கப்போர்களுக்கு மத்தியிலும், அமெரிக்காவின் பொருளாதாரத்தினை மேம்படுத்தவும், சைலண்டாக ஒருபுறம் அமெரிக்கா வேலை பார்த்துக் கொண்டே தான் இருக்கிறது. ஆக இதுபோன்ற பல காரணிகள் தங்கம் விலை குறைய காரணமாக அமைந்துள்ளன.

சர்வதேச சந்தையில் இன்று அவுன்ஸூக்கு தங்கம் விலையாது 6.50 டாலர் குறைந்து, 1,699.05 டாலராக வர்த்தகமாகி வருகிறது. இது தொடர்ச்சியான 4வது நாள் வீழ்ச்சியாகும்.

இதுவே இந்தியாவின் கமாடிட்டி வர்த்தகத்தில் தங்கம் விலையானது (10 கிராம் ) 217 ரூபாய் குறைந்து, 46,115 ரூபாயாக வர்த்தகமாகி வருகிறது. இது கமாடிட்டி வர்த்தகத்தில் இரண்டாவது நாள் சரிவாகும்.

இதே தங்க ஆபரண விலையை பொறுத்தவரையில், சென்னையில் கிராமுக்கு 92 ரூபாய் குறைந்து, 4,431 ரூபாயாகவும், இதே சவரனுக்கு 736 ரூபாய் குறைந்து 35,448 ரூபாயாகவும் வர்த்தகமாகி வருகிறது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Gold jewellery price slashed today Rs.736 to per 8 gram

Chennai Gold jewellery price slashed today Rs.736 to per 8 gram
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more