இன்ஃபோசிஸ் தான் டாப்.. ஒரு வாரத்தில் 3 நிறுவனங்களின் சந்தை மதிப்பு ரூ.98,622.89 கோடி அதிகரிப்பு!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

மும்பை: இந்தியாவில் நிலவி வரும் நெருக்கடியான நிலைக்கு மத்தியில் பங்கு சந்தைகள் ஏற்ற இறக்கத்தினை கண்டு வருகின்றன.

இந்த நிலையில் முதல் 10 இடத்தில் உள்ள நிறுவனங்களில் மூன்று நிறுவனங்களின் சந்தை மதிப்பு மட்டும் கடந்த வாரத்தில் 98,622.89 கோடி ரூபாய் அதிகரித்துள்ளது.

இது குறித்து வெளியான அறிக்கையில் முன்னணி ஐடி நிறுவனமான இன்ஃபோசிஸ் நிறுவனம் தான் டாப் லிஸ்டில் உள்ளது.

இன்ஃபோசிஸ் நிறுவனத்தின் சந்தை மூலதனம்
 

இன்ஃபோசிஸ் நிறுவனத்தின் சந்தை மூலதனம்

இதில் கடந்த வாரத்தில் இன்ஃபோசிஸ் நிறுவனத்தின் சந்தை மதிப்பு மட்டும் 52.046.87 கோடி ரூபாய் அதிகரித்து, 3,85,027.58 கோடி ரூபாயாக அதிகரித்துள்ளது. இதே இந்த நிறுவனத்தின் பங்கு மதிப்பானது 9 சதவீதம் அதிகரித்துள்ளது. இதற்கு முக்கிய காரணம் இந்த நிறுவனத்தின் காலாண்டு முடிவுகள் வெளியானதையடுத்து இந்த பங்கின் விலையானது தாறுமாறாக ஏற்றம் கண்டது. இன்ஃபோசிஸ் நிறுவனத்தின் நிகரலாபம் எதிர்பார்த்ததை விட கடந்த ஜூன் காலாண்டில் 12.4% அதிகரித்துள்ளது.

ஹிந்துஸ்தான் யூனிலீவர் லிமிடெட் சந்தை மூலதனம்

ஹிந்துஸ்தான் யூனிலீவர் லிமிடெட் சந்தை மூலதனம்

இதே வேகமாக நுகரும் நுகர்வோர் விற்பனை பொருட்கள் நிறுவனமான ஹிந்துஸ்தான் யூனிலீவர் லிமிடெட் நிறுவனத்தின் சந்தை மூலதனம் 25,751.07 கோடி ரூபாயாக அதிகரித்து, 5.48.232.26 கோடி ரூபாயாக அதிகரித்துள்ளது. இதே ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பானது 20,824.95 கோடி ரூபாய் அதிகரித்து, 12,11,682.08 கோடி ரூபாயாக அதிகரித்துள்ளது. இது கடந்த வாரத்தில் அதன் வருடாந்திர பொதுக்குழு கூட்டம் நடைபெற்றதையடுத்து அதன் பங்கு விலையானது புதிய உச்சத்தினை தொட்டது.

ஹெச்டிஎஃப்சி சந்தை மூலதனம் வீழ்ச்சி

ஹெச்டிஎஃப்சி சந்தை மூலதனம் வீழ்ச்சி

எனினும் ஹெச்டிஎஃப்சி-யின் சந்தை மூலதனம் 13,920.21 கோடி ரூபாய் குறைந்து, 3,13,269.70 கோடி ரூபாயாக குறைந்துள்ளது. இதுவே முன்னணி ஐடி நிறுவனமான டாடா கன்சல்டன்ஸி சர்வீசஸ் 7,617.34 கோடி ரூபாய் குறைந்து 8,26,031.21 கோடி ரூபாயாக குறைந்துள்ளது.

இதே ஐசிஐசிஐ வங்கியின் சந்தை மதிப்பானது 4,205.71 கோடி ரூபாய் குறைந்து 2,29,156.24 கோடி ரூபாயாக குறைந்துள்ளது. இதுவே கோடாக் மகேந்திராவின் சந்தை மூலதனம் 4,175.28 கோடி ரூபாய் குறைந்து, 2,62,864.37 கோடி ரூபாயாக குறைந்துள்ளது.

பார்தி ஏர்டெல் சந்தை மூலதனம்
 

பார்தி ஏர்டெல் சந்தை மூலதனம்

இதே தனியார் தொலைத் தொடர்பு துறையினை சேர்ந்த பார்தி ஏர்டெல் நிறுவனத்தின் சந்தை மூலதனம் 4,009.83 கோடி ரூபாய் குறைந்து, 3,09,521.05 கோடி ரூபாயாக குறைந்துள்ளது. ஹெச்டிஎஃப்சி வங்கியின் சந்தை மூலதனம் 3,403.97 கோடி ரூபாய் குறைந்து, 6,03,463.97 கோடி ரூபாயாக குறைந்துள்ளது. இதுவே ஐடிசி-சியின் சந்தை மதிப்பு 368.76 கோடி ரூபாய் குறைந்து, 2,38,469.29 கோடி ரூபாயாக குறைந்துள்ளது.

ரிலையன்ஸ் தான் டாப்

ரிலையன்ஸ் தான் டாப்

எனினும் மொத்த சந்தை மதிப்பில் ரிலையன்ஸ் இண்டஸ்ட்ரீஸ் நிறுவனம் தொடர்ந்து முதல் இடத்தில் உள்ளது. இதனையடுத்து, டிசிஎஸ், ஹெச் டி எஃப் சி வங்கி, ஹெச் யு எல், ஹெச் டி எஃப் சி, இன்ஃபோசிஸ், பார்தி ஏர்டெல், கோட்டக் மகேந்திரா, ஐடிசி மற்றும் ஐசிஐசிஐ வங்கின் சந்தை மூலதனம் உள்ளது.

கடந்த வாரத்தில் பிஎஸ்இ இண்டெக்ஸில் 30 பங்குகளின் மதிப்பு 425.81 புள்ளிகள் அதிகரித்துள்ளது குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Infosys and other 2 companies market capitalisation add Rs.98,622.89 cr

Market capitalisation.. Infosys and other 2 companies market capitalisation add Rs.98,622.89 cr
Story first published: Sunday, July 19, 2020, 17:06 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X