முகேஷ் அம்பானி வெளியேற்றம்.. உலக டாப் 10 பணக்காரர்கள் பட்டியலில் பின்னடைவு.. காரணம் இதுதான்..!

ஓரே இந்தியர்

2020ஆம் ஆண்டு முடியும் நேரத்தில் முகேஷ் அம்பானி டாப் 10 பட்டியில் இருந்து ஓரே இந்தியர் வெளியேற்றப்பட்டு உள்ளார். முகேஷ் அம்பானி உலகப் பணக்காரர்கள் பட்டியலில் 4வது இடத்திற்கு முன்னேறியதிற்கும், தற்போது டாப் 10 பட்டியலில் இருந்து வெளியேற்றப்பட்டத்திற்கும் ஓரே காரணம் என்பது தான் குறிப்பிடத்தக்கது.

பியூச்சர் குரூப் நிறுவன ஒப்பந்தம்

முகேஷ் அம்பானி தனது ரீடைல் வர்த்தகத்தை விரிவாக்கம் செய்யப் பியூச்சர் குரூப் நிறுவனத்தைச் சுமார் 24,713 கோடி ரூபாய்க்குக் கைப்பற்ற ஒப்பந்தம் செய்யப்பட்டது. இந்த ஒப்பந்தத்திற்குப் பின்பு தான் ரிலையன்ஸ் இண்டஸ்ட்ரீஸ் பங்குகள் 2,309 ரூபாய் வரையில் உயர்ந்தது. ஆனால் அமேசான் ரிலையன்ஸ் ரீடைல் - பியூச்சர குருப் ஒப்பந்தத்திற்குத் தடை அறிவிக்கச் சிங்கப்பூர் நடுவர் அமைப்பில் உத்தரவு பெற்றது.

முதலீட்டாளர்கள் நம்பிக்கை

இதன் பின்பு ரிலையன்ஸ் இண்டஸ்ட்ரீஸ் சில பல வர்த்தக விரிவாக்கம், முதலீடுகள் குறித்து அறிவிப்பு வெளியிட்டும் முதலீட்டாளர்கள் மத்தியில் ரிலையன்ஸ் நம்பிக்கையைப் பெறவில்லை. இதன் வாயிலாக 2020 ரிலையன்ஸ் இண்டஸ்ட்ரீஸ் பங்குகள் தனது உச்ச விலையில் இருந்து சுமார் 16 சதவீதம் வரையில் வீழ்ச்சி அடைந்துள்ளது.

சொத்து மதிப்புச் சரிவு

இதனால் முகேஷ் அம்பானியின் சொத்து மதிப்பு 88.4 பில்லியன் டாலரில் இருந்து 76.5 பில்லியன் டாலர் வரையில் குறைந்து உலகின் டாப் 10 பணக்காரர்கள் பட்டியலில் இருந்து வெளியேற்றப்பட்டு உள்ளார்.

உலகப் பணக்காரர்கள் பட்டியல்

தற்போது உலகப் பணக்காரர்கள் பட்டியலில் முதல் 3 இடத்தில் ஜெப் பிசோஸ், எலான் மஸ்க், பில் கேட்ஸ் ஆகியோர் இருக்கும் நிலையில், 9வது மற்றும் 10வது இடத்தில் ஆரக்கிள் நிறுவனத்தின் தலைவரான லேரி எலிசன் மற்றும் கூகிள் நிறுவனத்தின் நிறுவனர் செர்ஜி பிரின் ஆகியோர் உள்ளனர்.

முகேஷ் அம்பானியின் நிலை

இதன் வாயிலாக முகேஷ் அம்பானியின் சொத்து மதிப்பு இந்த வருடம் 33 சதவீதம் வளர்ச்சி அடைந்திருந்தாலும், உச்ச அளவான 88.4 பில்லியன் டாலர் சொத்து மதிப்பில் இருந்து தற்போது 76.5 பில்லியன் டாலர் அளவிற்குக் குறைந்துள்ள நிலையில் உலகப் பணக்காரர்கள் பட்டியிலில் 11வது இடத்திற்குத் தள்ளப்பட்டு உள்ளார்.