அசரடிக்கும் முகேஷ் அம்பானி! கூகுள் நிறுவனரையே முந்திட்டாரே!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

நம் ஊரில் பேச்சு வாக்கில், யாராவது ஒருவர் சட்டென சில வருடங்களுக்குள் பணக்காரர் ஆகிவிட்டால் "அவனுக்கு என்னப்பா அம்பானி ஆயிட்டான்" எனச் சொல்வார்கள்.

 

உலக அழகி என்றால் வெகு ஜன மக்களுக்கு எல்லாம் எப்படி ஐஸ்வர்யா ராய் தான் நினைவுக்கு வருவாரோ, அப்படி பணக்காரர் என்றாலே நமக்கு எல்லாம் அம்பானி தான் நினைவுக்கு வருகிறார்.

அப்படி பெயரும் புகழும் பெற்ற முகேஷ் அம்பானி, தற்போது இன்னொரு புகழையும் பெற்று இருக்கிறார்.

முகேஷ் அம்பானி

முகேஷ் அம்பானி

இந்தியாவின் நம்பர் 1 பணக்காரராக இருக்கும் முகேஷ் அம்பானியின் சொத்து மதிப்பு நாளுக்கு நாள் அதிகரித்துக் கொண்டே போகிறது. உதாரணமாக கடந்த ஏப்ரல் 2020-ல் வெறும் 36.8 பில்லியன் டாலராக இருந்த முகேஷ் அம்பானியின் சொத்து மதிப்பு இன்று 71 பில்லியன் டாலராக அதிகரித்து இருப்பதாகச் சொல்கிறது பிரபல ஃபோர்ப்ஸ் பத்திரிகை. ப்ளூம்பெர்க் கணக்குப் படி, முகேஷ் அம்பானியின் சொத்து மதிப்பு நேற்று 72.4 பில்லியன் டாலராக அதிகரித்து இருக்கிறது.

சமீபத்தைய முந்தல்

சமீபத்தைய முந்தல்

சமீபத்தில் தான் உலகின் முன்னனி பங்குச் சந்தை முதலீட்டாளர்களில் ஒருவரான வாரன் பஃபெட்டை, சொத்து மதிப்பு கணக்கில் முந்தினார் அம்பானி. வாரன் பஃபெட்டின் சொத்து மதிப்பு நேறைய தேதிக்கு 69.7 பில்லியன் டாலராக இருப்பதாகச் சொல்கிறது ப்ளூம்பெர்க் பத்திரிகை. அப்படி மீண்டும் ஒரு முக்கியமான பணக்காரர் ஒருவரை முந்தி இருக்கிறார் முகேஷ் அம்பானி.

லாரி பேஜ்
 

லாரி பேஜ்

இவர் பெயரை நாம் அடிக்கடி கேட்டு இருப்போம். உலகின் பிரபலமான கூகுள் கம்பெனியின் தாய் நிறுவனான Alphabet கம்பெனியின் துணை நிறுவனர் மற்றும் இயக்குநர் குழுவில் ஒருவரான லாரி பேஜ். இவரின் சொத்து மதிப்பு ப்ளூம்பெர்க் கணக்குப் படி, 71.6 பில்லியன் டாலராக இருக்கிறது. இவரைத் தான் அம்பானி ஓவர் டேக் செய்து இருக்கிறார்.

ரிலையன்ஸ் பங்குகள்

ரிலையன்ஸ் பங்குகள்

நேற்று ரிலையன்ஸ் நிறுவன பங்குகளின் விலை சுமாராக 1,900 ருபாயைத் தாண்டி வர்த்தகமானது. இதனால் முகேஷ் அம்பானி, லாரி பேஜையும் பின்னுக்குத் தள்ளி, உலகின் 6-வது பெரிய பணக்காரர் என்கிற பட்டத்தைப் பெற்று இருக்கிறார். இதற்குப் மேலும் அம்பானி முன்னேறுவது கொஞ்சம் சிரமம் தான்.

டாப் 5 பேர்

டாப் 5 பேர்

உலகின் டாப் 5 பணக்காரர்கள் பட்டியலில் ஜெஃப் பிசாஸ் 184 பில்லியன்,

பில் கேட்ஸ் 115 பில்லியன்,

பெர்னார்ட் அர்னால்ட் 94 பில்லியன்,

மார்க் சக்கர் பெர்க் 90 பில்லியன்,

ஸ்டீவ் பால்மர் 74.6 பில்லியன் டாலருடன் இருக்கிறார்கள். இதில் ஸ்டீவ் பால்மரைக் கூட நம் அம்பானி முந்த வாய்ப்பு இருக்கிறது.

இந்தியாவுக்கு பெருமை தான்

இந்தியாவுக்கு பெருமை தான்

அப்படி ஒருவேளை ஸ்டீவ் பால்மரை முந்திவிட்டு, உலகின் டாப் 5 பணக்காரர்களில் ஒருவராக முகேஷ் அம்பானி வந்தால், இந்தியாவைச் சேர்ந்த ஒருவர், உலகின் டாப் 5 பணக்காரர்களில் ஒருவராக இருக்கிறார் எனப் பெருமையாகச் சொல்லலாம். நடக்குமா? ரிலையன்ஸ் இண்டஸ்ட்ரீஸ் பங்குகள் விலை தான் பதில் சொல்ல வேண்டும்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

mukesh ambani surpassed larry page due to RIL share price rise

The indian industrialist mukesh ambani surpassed larry page due to reliance industries share price zoomed to Rs 1945 in the recent days.
Story first published: Tuesday, July 14, 2020, 13:09 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X