டெபிட் கார்டு தொலைந்துவிட்டதா? நீங்களாகவே அதை ப்ளாக் செய்யலாம்..!

படி#1

உங்களது பயனர் எண் மற்றும் கடவுச்சொல்லை (User id and password) பயன்படுத்தி இணையவங்கிக்கணக்கில் உள்நுழையுங்கள்.

படி#2

'இணைய சேவைகள்'(e-services) எனும் பிரிவில்,ஏடிஎம் கார்டு சேவைகள் என்பதற்கு கீழே 'ப்ளாக் ஏடிஎம் கார்டு'(Block ATM card) என்பதை தேர்வு செய்யவும்.

படி#3

பின்னர் எந்த வங்கிக்கணக்கிற்கான டெபிட் கார்டை ப்ளாக் செய்ய வேண்டும் என்பதை தேர்வு செய்ய வேண்டும்.உங்களின் ஏடிஎம் அட்டை எண்ணின் முதல் மற்றும் கடைசி 4 இலக்க எண்கள் காண்பிக்கப்படும். அத்துடன் செயல்பாட்டில் உள்ள மற்றும் தடை செய்யப்பட்ட அனைத்து டெபிட் கார்டுகளும் காண்பிக்கப்படும்.

படி#4

நீங்கள் ப்ளாக் செய்ய விரும்பும் டெபிட் கார்டை தேர்வு செய்து,அதை சரி பார்த்த பின்னர் சமர்பிக்கவும்.

படி#5

அதை உறுதி செய்யும் வகையில், வங்கிகணக்கின் கடவுச்சொல் அல்லது குறுஞ்செய்தி வாயிலாக அனுப்பப்படும் ஓடிபி எனும் அங்கீகாரத்தை தேர்வு செய்யவும்.

படி#6

வங்கிகணக்கின் கடவுச்சொல் அல்லது குறுஞ்செய்தி வாயிலாக அனுப்பப்படும் ஓடிபி-ஐ உள்ளீடு செய்த பின்னர், அதை உறுதி செய்ய(Confirm) வேண்டும்.

படி#7

கடைசியாக ஏடிஎம் கார்டை ப்ளாக் செய்யக்கோரும் உங்களின் சேவை கோரிக்கையை வெற்றிகரமாக சமர்பித்த பின்னர் வழங்கப்படும் சேவை எண்ணை, எதிர்கால தேவைக்காகவும் மீண்டும் அதுதொடர்பாக விளக்கங்களை வங்கியில் கோரவும் குறித்து வைத்துக்கொள்ளவும்.

படி#8

டெபிட் கார்டை ப்ளாக் செய்வதற்கான சேவை எண்ணை குறித்து வைத்துக்கொண்டு, வங்கிக்கு சென்று அந்த எண்ணை வழங்கி புதிய டெபிட் கார்டை பெற்றுக்கொள்ளலாம். அந்த சமயத்தில் வங்கிகள் உடனடியாக கையில் டெபிட் கார்டை உங்களுக்கு வழங்கும்.அது உடனடியாக செயல்பாட்டிற்கு வரும் அல்லது அதிகபட்சமாக 2 வேலை நாட்களுக்குள் செயல்பட ஆரம்பிக்கும்.