கூகுளின் தாய் நிறுவனமான ஆல்பாபெட்டின் வருவாய் 73% உயர்வு.. செலவும் அதிகரிப்பு..!

கூகுள் தேடுபொறி

தேடுபொறி சேவையில் முதன் நிறுவனமாக உள்ள நிலையில் சென்ற காலாண்டில் அதிகளவில் செலவும் செய்துள்ளது. ஆல்பாபெட்டில் கூகுள் 2018-ம் ஆண்டின் முதல் காலாண்டில் 7.669 பில்லியன் டாலர் செலவு செய்துள்ளதாக அறிவித்துள்ளது.

செலவு

இதுவே 2017-ம் ஆண்டு முதல் காலாண்டில் கூகுள் நிறுவனம் 2.409 பில்லியன் டாலர் மட்டுமே செலவு செய்திருந்தது. 2017-ம் ஆம் ஆண்டின் 4-ம் காலாண்டுடன் (3.805 பில்லியன் டாலர்) ஒப்பிடும் போது இரண்டு மடங்கு கூடுதாகச் செலவு செய்துள்ளது.

வல்லுநர்கள் கூகுள் நிறுவனம் 2018-ம் ஆன்ஈண் முதல் காலாண்டில் 3.5 பில்லியன் டாலர் வரையில் மட்டுமே செலவு செய்து இருக்கும் எதிர்பார்த்தனர்.

வருவாய்

கூகுள் நிறுவனத்தின் தாய் நிறுவனம் ஆல்பாபெட்டின் நிகர வருவாய் முதல் காலாண்டில் 73 சதவீதம் உயர்ந்து 9.4 பில்லியன் டாலர் ஆக உள்ளது. சென்ற வருடத்துடன் ஒப்பிடும் போது 25 பில்லியன் டாலர் ஆக இருந்த வருவாய் 26 சதவீதம் உயர்ந்து 31 பில்லியன் டாலர் ஆக உள்ளது.

கூகுள் - பேஸ்புக்

தரவு திருட்டில் ஈடுபட்டதாகப் பேஸ்புக் நிறுவனம் மீது விசாரணை நடைபெற்றதாக விசாரணை நடைபெற்று வரும் நிலையில் கூகுளின் யூடியூப் கூடத் தான் தரவுகளை விற்கிறது என்று பொறுமை இழந்த மார்க் ஜூக்கர்பெர்க் தெரிவித்த போது கூகுள் நிறுவனத்திற்குப் பெரிய பாதிப்பினை ஏற்படுத்தவில்லை. பங்குகள் உயர்வில் தான் உள்ளது.

எச்டிசி

எச்டிசி நிறுவனத்தில் இருந்து மொபைல் வணிகத்தினை மேம்படுத்த 2,000 ஊழியர்களைப் பணிக்கு எடுத்த நிலையில் கூகுளின் ஆப்ரேட்டிங் மார்ஜின் சரிவை சந்தித்துள்ளது.

எப்படிச் செலவு அதிகரித்துள்ளது

ஊழியர்களுக்குப் பங்குகள் அளித்தது மற்றும் யூடியூப் டிவியில் ஸ்ட்ரீமிங் ரைட்ஸ் அளித்த போன்றவற்றில் கூகுள் நிறுவனத்திற்குச் செலவு அதிகரித்துள்ளதாகவும், அமேசான் போட்டியாகக் கூகுள் ஹோம் திட்டத்திற்கு அதிகம் செலவு செய்துள்ளதாகவும் தெரிவிக்கப்பட்டுள்ளது.