ஹாங்காங்: 2016ஆம் நிதியாண்டில் முதல் 6 மாத காலத்தில் எச்எஸ்பிசி வங்கியின் மொத்த லாபத்தில் 29 சதவீதம் சரிவை சந்தித்துள்ளது. இந்த மிகப்பெரிய சரிவிற்குச் சீன பொருளாதாரம் மற்றும் பங்கு சந்தைச் சரிவு மிகமுக்கிய காரணமாகப் பார்க்கப்படுகிறது.
சீனா பொருளாதாரம் ஒருபக்கு எச்எஸ்பிசி வர்த்தகத்தை வாட்டி வதைக்கும் நிலையில், பிரிட்டன் மற்றும் ஐப்ரோப்பிய சந்தையில் இந்நிறுவனத்தின் வர்த்தகம் மிகப்பெரிய அளவில் பாதிப்பை சந்தித்துள்ளது.
ஜூன் 30ஆம் தேதி முடிவில் எச்எஸ்பிசி ஹோல்டிங்ஸ் பிஎல்சி நிறுவனத்தின் மொத்த லாபம் 9.7 பில்லியன் டாலராகக் குறைந்துள்ளது, கடந்த நிதியாண்டில் இதன் மதிப்பு 13.6 பில்லியன் டாலராக இருந்தது குறிப்பிடத்தக்கது.
அதேபோல் வருவாய் அளவுகளும் 29.5 பில்லியன் டாலரில் இருந்து 10.5 பில்லியன் டாலராகக் குறைந்துள்ளது.
இந்த வர்த்தகச் சரிவில் இந்நிறுவனத்தின் பங்கு மதிப்பு அதிகளவில் குறைந்துள்ளது. இதனால் அடுத்த 6 மாத காலத்தில் 2.5 பில்லியன் பங்குகளைச் சந்தையில் இருந்து திரும்பப்பெற உள்ளதாக எச்எஸ்பிசி தெரிவித்துள்ளது.