மும்மூர்த்திகள் உருவாக்கும் புதிய நிறுவனத்திற்குத் தலைவர் ஒரு இந்தியர்..!

உடல் மற்றும் சுகாதாரம்

இந்த 3 நிறுவனங்களில் இருக்கும் ஊழியர்களின் உடல் மற்றும் சுகாதாரத்தை மேம்படுத்தவும், குறைந்த செலவில் நிறைவான சேவையை அளிக்க உதவும் வகையில் திட்டமிட ஒரு புதிய நிறுவனத்தை இந்த 3 நிறுவன தலைவர்கள் இணைந்து உருவாக்கியுள்ளனர்.

அதுல் கவான்டே

ஜூலை 9ஆம் தேதி பாஸ்டன் பகுதியை தலைமையிடாமாகக் கொண்டு துவங்க இருக்கும் இந்நிறுவனத்திற்குத் தலைமை நிர்வாக அதிகாரியாக அதுல் கவான்டே பணியாற்ற உள்ளார்.

அறுவை சிகிச்சை நிபுணர்

அதுல் கவான்டே அறுவை சிகிச்சை நிபுணர் மற்றும் பத்திரிக்கையாளர் என்பது குறிப்பிடத்தக்கது. மேலும் இவர் அமெரிக்க ஹெல்த்கேர் குறித்துப் பலமுறை பல முக்கியமான கட்டுரைகளை எழுதியுள்ளார்.

அமெரிக்க ஹெல்த்கேர்

இவர் அமெரிக்க ஹெல்கேர் முறை செலவுகளை அதிகரிக்கும் வழியிலேயே உள்ளது, அதைக் கட்டுப்படுத்துவதில் எவ்விதமான பணிகளும் செய்யப்படவில்லை எனக் குற்றம்சாட்டியுள்ளார்.

புதிய நிறுவனம்

இப்புதிய நிறுவனத்தின் மூலம் அமேசான், பெர்ஷைர் ஹேத்தவே மற்றும் ஜேபி மோர்கன் சேஸ் ஆகிய நிறுவன ஊழியர்களுக்குக் குறைந்த செலவில் நிறைவான சேவையை அளிப்பதை முதற்கட்ட பணியாக அதுல் கவான்டே தலைமையில் துவங்க உள்ளது.

அதன் பின்னர் இந்நிறுவனம் உருவாக்கப்படும் சிறப்பான மாடலை பிற நிறுவனங்களுக்குக் கொண்டு சேர்ப்பதன் மூலம் இந்நிறுவனம் தனது பணியை அடுத்தகட்டத்திற்குக் கொண்டு செல்ல உள்ளது.