உலகப் பணக்காரர்கள் பட்டியலில் டெக்னாலஜி நிறுவனத்தைச் சேர்ந்தவர்கள் ஆதிக்கம் செய்வதும் நமக்குத் தெரிந்த ஒன்றாக இருந்தாலும், கடந்த சில வருடத்தில் உலகப் பணக்காரர்கள் பட்டியலில் டாப் 5 இடத்தில் மட்டுமே பல மாற்றங்கள் நிகழ்ந்துள்ளது.
ஜெப் பீசோஸ்
கடந்த வருடம் 4வது இடத்தில் இருந்த அமேசான் நிறுவன தலைவர் ஜெப் பீசோஸ், 3வது இடத்திற்கு முன்னேறி வாரன் பபெட் அவர்களுக்குக் கடுமையான போட்டி கொடுத்தார். இதன் பின் சில மாதங்களிலேயே வாரன் பபெட்டை பின்னுக்குத் தள்ளி முதல் இடத்தில் இருக்கும் பில் கேட்ஸ் உடன் நீண்ட காலம் போட்டி போட்டுத் தற்போது நிலையான முதல் இடத்தைப் பிடித்தார்.
மார்க் ஜூக்கர்பெர்க்
இந்நிலையில் தான் பேஸ்புக் நிறுவன தலைவர் மார்க் ஜூக்கர்பெர்க் நிலையான வர்த்தக உயர்வின் மூலம் தனது பேஸ்புக் பங்குகளின் மதிப்பு அதிகளவில் உயர்ந்து வாரன் பபெட் அவர்களை 4வது இடத்திற்குத் தள்ளி 3வது இடத்தைத் தட்டிச் சென்றார்.
இதன் மூலம் உலகப் பணக்காரர்கள் பட்டியலில் முதல் 3 இடத்தையுமே டெக் துறையைச் சார்ந்தவர்கள் கைப்பற்றியுள்ளனர்.
முதல் 3 இடம்
ஜெப் பீசோஸ், அமேசான்.காம் நிறுவனத்தின் நிறுவனர் மற்றும் தலைவர் - 142 பில்லியன் டாலர்
பில் கேட்ஸ், மைக்ரோசாப்ட் நிறுவனத்தின் நிறுவனர் - 94.2 பில்லியன் டாலர்
மார்க் ஜூக்கர்பெர்க், பேஸ்புக் இன்க் நிறுவனத்தின் நிறுவனர் மற்றும் தலைவர் - 81.6 பில்லியன் டாலர்
இவர்கள் மூவரும் உலகப் பணக்காரர்கள் பட்டியலில் முதல் 3 இடத்தில் உள்ளனர்.