வெளிநாடுகளிலும் பயன்படும் என்ஆர்ஐ கிரெட் கார்டு வாங்குவது எப்படி?

சென்னை: இந்தியாவில் கிரெடிட் கார்டுகளைப் பெற வெளிநாட்டு வாழ் இந்தியர்களும் (என்ஆர்ஐ) தற்போது விண்ணப்பிக்கலாம். அவ்வாறு பெறும் கிரெடிட் கார்டுகளை அவர்கள் இந்தியாவிலும் மற்றும் வெளி நாடுகளிலும் பயன்படுத்த முடியும். இந்த என்ஆர்ஐ கிரெடிட் கார்டுகள் இந்தியாவிலும் மற்றும் வெளிநாடுகளிலும் வங்கி வசதியை பயன்படுத்திக் கொள்ள வழிவகை செய்கின்றன.

என்ஆர்ஐ கிரெடிட் கார்டுகள் வழங்கும் வசதிகள்

1. ஒரு வெளிநாட்டு வாழ் இந்தியர் இந்தியாவில் இருக்கும் போது இந்த என்ஆர்ஐ கிரெடிட் கார்டு மூலம் கடைகளுக்கு சென்று பொருட்களை வாங்கலாம், உணவு விடுதிகளுக்குச் செல்லலாம் மற்றும் பயணம் மேற்கொள்ளலாம். மற்ற கிரெடிட் கார்டுகளைப் போலவே இந்த கார்டும், இந்திய ரூபாயில் கட்டணங்களைச் செலுத்தும்.

ஆனால் செலுத்தாத கட்டணங்களை என்ஆர்ஒ, என்ஆர்இ அல்லது எப்சிஎன்ஆர் மூலம் செலுத்த வேண்டும். என்ஆர்ஐ கிரெடிட் கார்டுகளை லாட்டரி சீட்டுகளைப் போலவோ அல்லது குதிரைப் பந்தய சீட்டுகளைப் போலவோ பயன்படுத்த முடியாது.

என்ஆர்ஐ கிரெடிட் கார்டுகளுக்கான கட்டணங்கள்

இந்த என்ஆர்ஐ கிரெடிட் கார்டுகளைப் பயன்படுத்த சில அடிப்படையான கட்டணங்களைச் செலுத்த வேண்டும். அதாவது ஆண்டு கட்டணம், சேர்க்கைக் கட்டணம், உறுப்பினர் கட்டணம், வித்டிராவல் கட்டணம், வரி(சுங்க வரி) போன்ற கட்டணங்களை செலுத்த வேண்டும்.

என்ஆர்ஐ கிரெடிட் கார்டுகளுக்கான வட்டி விகிதம்

இந்த என்ஆர்ஐ கிரெடிட் கார்டுகளுக்கான வட்டி வங்கிகளுக்கு வங்கி மாறுபடுகிறது.

எஸ்பிஐ வங்கியின் என்ஆர்ஐ கிரெடிட் கார்டு மூலம் ஒருவர் அடிப்படை தொகையிலிருந்து எவ்வளவு தொகையை வேண்டும் என்றாலும் செலுத்தலாம். ஆனால் திருப்பிச் செலுத்தாத தொகை அடுத்த மாதத்திற்கு எடுத்துச் செல்லப்படும். அதற்கு மாதத்திற்கு 1.99 சவீத வட்டி வசூலிக்கப்படும்.

எஸ்பிஐ வங்கியின் கிரெடிட் கார்டை உலகம் முழுவதும் 1 மில்லியன் விசா ஏடிஎம்களில் பயன்படுத்த முடியும். இந்தியாவில் 18,000 விசா ஏடிஎம்களில் பயன்படுத்தலாம்.

இந்தியாவில் பெரும்பாலான வங்கிகள் என்ஆர்ஐ கிரெடிட் கார்டுகளை வழங்குகின்றன.

அவற்றில் முக்கியமானவை கீழே கொடுக்கப்பட்டுள்ளன.

கோட்டக் மஹிந்திரா வங்கி
ஹெச்எஸ்பிசி வங்கி
ஹெச்டிஎப்சி வங்கி
ஆக்சிஸ் வங்கி
ஐசிஐசிஐ வங்கி

ஒருசில என்ஆர்ஐ கிரெட் கார்டுகளில் டிராவல் இன்சூரன்ஸ் வசதியும் வழங்கப்படுகிறது.