பாதுகாப்பான முதலீட்டில் அதிக வட்டியுடன் மாத வருமானம் பெற சூப்பர் திட்டம்!!

சென்னை: நீங்கள் ஓய்வு பெற்றவரா? முதலீட்டாளரா? அல்லது, மாதா மாதம் தொடர்ந்து நல்லதொரு வருமானத்தை எதிர்பார்க்கிறீர்களா? அருமையான வட்டி விகிதங்களுடன் 4 சூப்பர் மாத வருமானத் திட்டங்கள் இதோ...

காலாண்டு, அரையாண்டு, மற்றும் முழு ஆண்டுத் திட்டங்களில் கிடைக்கும் வட்டிகளைவிட மாத வருமானத் திட்டங்களில் வரும் வட்டிகள் குறைவுதான் என்பதும் நினைவில்கொள்ள வேண்டியவை.

ஹெச்.டி.எஃப்.சி.

இந்தியாவின் தனியார் வங்கித்துறையில் ஹெச்.டி.எஃப்.சி. வங்கிக்கும் சிறப்பான மதிப்புடையது, இவ்வங்கியில் 15 மற்றும் 22 மாத கால மாத வருமானத் திட்டத்திற்கு எச்.டி.எஃப்.சி. நிறுவனம் 9.25 சதவீதம் வட்டி அளிக்கிறது. ஆனால், 33 மாத கால மாத வருமானத் திட்டத்திற்கு வட்டி 9.15 சதவீதம் தான்! இத்திட்டத்தின் மூலம் முதலீட்டுத் தொகையில் 75 சதவீதம் வரை லோன் கிடைக்கும்.

யூகோ வங்கி (UCO BANK)

யூகோ வங்கி மாத வருமானத் திட்டத்தில் ஆண்டுக்கு 9 சதவீதம் வட்டி கிடைக்கும். சீனியர் சிட்டிசன்கள் எனப்படும் முதியவர்களுக்கான பிரிவில் தங்களது முதலீட்டு தொகைக்கு 9.5 சதவீதம் வட்டி கிடைக்கும். முதலீடு செய்த அடுத்த மாதத்திலிருந்தே எந்தத் தள்ளுபடியும் இன்றி சாதாரண வட்டி விகிதத்தில் பணம் கிடைக்கும்.

கனரா ரொபேகோ

இந்த மியூச்சுவல் ஃபண்டு திட்டம் 5 ஆண்டு காலத்திற்கு 9.58 சதவீதம் வரை வட்டி அளிக்கிறது. சமீபத்திய எதிர்காலத்தில் கிடைக்கும் டிவிடெண்டுகளுக்கு இத்திட்டம் சிறந்தது. ஆனால் ஒன்று, வைப்பு நிதித் திட்டங்களில் கிடைக்கும் கியாரண்டி ரிட்டன்கள் இதில் கிடைப்பதில்லை. இத்திட்டம் எதிர்காலத்தில் நன்றாகச் செயல்படும் என்றும் தோன்றவில்லை.

எஸ்.பி.ஐ. மேக்னம்

கடந்த ஓராண்டில் இத்திட்டத்தில் 10.68 சதவீதம் வட்டி வழங்கியுள்ளது இத்திட்டம். எஸ்.பி.ஐ. மியூச்சுவல் ஃபண்டிலிருந்து வரும் கடன் சார்ந்த இந்தத் திட்டத்திலும் வைப்பு நிதித் திட்டங்களில் கிடைக்கும் கியாரண்டி ரிட்டன்கள் கிடைப்பதில்லை. இத்திட்டமும் எதிர்காலத்தில் சிறப்பாகச் செயல்படும் என்று தோன்றவில்லை.