வங்கி ஃபிக்சட் டெபாசிட் பற்றி நாம் தெரிந்து கொள்ள வேண்டியவை!!

முக்கியமான விஷயம்

வங்கி ஃபிக்சட் டெபாசிட்களில் நம்பிக்கையுள்ள முதலீட்டாளர்களில் நீங்களும் ஒருவரா? அப்படியானால் நீங்கள் தெரிந்து கொள்ள வேண்டிய சில தகவல்கள், இதோ!

காப்பீடு

இந்தியாவில் ரிசர்வ் பேங்க் ஆஃப் இந்தியா அளித்துள்ள டெபாசிட் காப்பீடு திட்டத்தின் கீழ், வங்கியில் 1 லட்ச ரூபாய் வரை வைக்கப்படும் ஃபிக்சட் டெபாசிட்களுக்கு காப்பீடு உள்ளது. அதனால் 1 லட்ச ரூபாய்க்கு மேல் முதலீடு செய்ய வேண்டுமானால், உங்கள் தொகையை பல்வேறு வங்கியில் பிரித்து முதலீடு செய்யவும்.

கூடுதல் வட்டி

பல வங்கிகளில், மூத்த குடிமகன்களுக்கு கூடுதல் வட்டி விகிதங்கள் அளிக்கப்பட்டு வருகிறது.

 

நிறுவன ஃபிக்சட் டெபாசிட்

ஃபிக்சட் டெபாசிட்களுக்கு வங்கி ஃபிக்சட் டெபாசிட்களை காட்டிலும் நிறுவன ஃபிக்சட் டெபாசிட்கள் அல்லது NBFC-க்கள் அதிக வட்டி விகிதத்தை அளிக்கிறது. இதனால் குழம்பி போகாதீர்கள். நிறுவன ஃபிக்சட் டெபாசிட்களில் அடங்கியுள்ள இடர்பாட்டை நன்றாக ஆய்வு செய்யுங்கள். "கூடுதல் வருவாய் என்றால் கூடுதல் இடர்பாடு" என்பதை மறந்து விடாதீர்கள்.

கூட்டு வட்டி

வங்கி ஃபிக்சட் டெபாசிட்களின் வட்டி விகிதங்கள், எப்போதுமே காலாண்டு என்ற முறையில் கூட்டு வட்டியாக கணக்கிடப்படும். வேண்டுமென்றால் விசாரித்து பாருங்கள்.

ஸ்மார்ட் வொர்க்

உங்கள் அசலை நீண்ட நாட்கள் முடக்கி வைத்திருப்பது மட்டுமே வங்கி ஃபிக்சட் டெபாசிட்டில் இருக்கும் இடர்பாடு. ஒரு வேளை, உங்களின் வட்டி விகிதம் அதிகமாக இருந்தால், உங்கள் அசல் குறிப்பிட்ட காலம் வரை முடக்கப்படும். முதிர்வு காலத்திற்கு முன்பே அதனை எடுக்க வேண்டும் என்றால் பல வங்கிகள் அதற்கு தண்டத் தொகையை வசூலிக்கும். அதனால் "அதிக வட்டி விகிதத்துடன் குறைந்த காலத்திற்கு முதலீடு செய்வது தான் நல்லது".

வரி வதிப்பு

ஒரு ஆண்டின் வட்டி வருமானம் ரூ.10,000/-ஐ தாண்டினால், வங்கி டெபாசிட்கள் அதற்கு TDS பிடித்தம் செய்யும். உங்களின் பிற வருமான மூலத்தோடு இந்த வட்டி வருமானத்தையும் சேர்த்துக் கொண்டு, உங்களின் வரி பாளத்தை பொறுத்து வரியை கட்டவும்.

வரி சேமிப்பு

அதிக வரி கட்டாமல் சேமிக்க வேண்டுமானால், வேலையில் இல்லாத கணவன் / மனைவியின் பெயரில் ஃபிக்சட் டெபாசிட்டை போடலாம்.