பிஎஃப் கணக்கின் ஈ-பாஸ்புக்கை டவுன்லோட் செய்வது எப்படி?

சென்னை: தொழிலாளர் வைப்பு நிதி அல்லது பிஎஃப் கணக்கு வைத்திருப்போர் தற்போது தங்கள் கணக்கின் இருப்பு மற்றும் பரிவர்த்தனைகளைத் தெரிந்துகொள்ள ஈ-பாஸ்புக் எனப்படும் மின்னணு கணக்குப் புத்தகத்தைப் பயன்படுத்த வசதி செய்து தரப்பட்டுள்ளது. இதனை எத்தனை முறை வேண்டுமானாலும் டவுன்லோட் செய்துகொள்ளலாம்.

இந்தச் சேவையைப் பெற ஒருவர் பிஎஃப் அலுவலக இணையதளத்தில் தங்கள் விவரங்களைப் பதிவுசெய்துகொள்ள வேண்டும். உங்களுடைய பிஎஃப் கணக்கு எண், உங்கள் சம்பளப் பட்டியலில் குறிப்பிடப்பட்டுள்ள நிறுவனத்தின் குறியீட்டு எண் மற்றும் பெயர் ஆகிய விவரங்களைக் கொண்டு ஈபாஸ்புக்கைப் பெற இயலும்.

ஈ-பாஸ்புக்கை பெற எவ்வாறு பதிவு செய்வது?

பிஎஃப் கணக்கு வைத்துள்ள எந்த ஒரு உறுப்பினரும் பிஎஃப் அலுவலக இணையத் தளத்தில் புகைப்படத்துடன் கூடிய பான் கார்டு, ஆதார் அட்டை, தேசிய மக்கள் தொகை கணக்கெடுப்புப் பதிவேடு, பாஸ்போர்ட், வாக்காளர் அடையாள அட்டை மற்றும் குடும்ப அட்டை ஆகியவற்றின் உதவியுடன் பதிவுசெய்து கொண்டு உங்கள் மொபைல் எண்ணை பாஸ்வேர்டாகப் பயன்படுத்திக் கொள்ளலாம்.

படிகள்

1. பிஎஃப் அலுவலக இணையதளத்திற்குச் செல்லவும்
2. உங்கள் மொபைல் எண், பிறந்த தேதி மற்றும் பெயர் ஆகிய விபரங்களை ஆதார் ஆவணங்களில் உள்ளவாறு நிரப்பவும்.
3. கட்டத்தில் கொடுக்கப்பட்டுள்ள எழுத்துக்களையும் டைப் செய்யவும்
4. கெட் பின் (Get PIN) என்று சொல்லப்பட்டிருக்கும் வார்த்தையினை அழுத்தவும்.

ரகசிய எண்

நீங்கள் பதிவு செய்த மொபைல் எண்ணிற்குப் பின் நம்பர் அல்லது ரகசிய எண் அனுப்பிவைக்கப்படும். அதனைக் கடவுச்சொல்லாகப் பயன்படுத்தி விவரங்களை அடையலாம்.

ஈ-பாஸ்புக்கை எவ்வாறு உருவாக்கி டவுன்லோட் செய்வது?

நீங்கள் லாகின் (Login) செய்ததும் அல்லது இணையதளத்தில் நுழைந்ததும், முகப்புப் பகுதியில் ஈ-பாஸ்புக் என்ற மெனுவை அழுத்தவும். இதன் பின் பின்வரும் படிகளைத் தொடரவும்.

படிகள்

1. நீங்கள் வேலை செய்யும் நிறுவனக் குறியீட்டு எண்ணை நிரப்பவும்
2. உங்களுடைய பிஎஃப் கணக்கு எண்ணை நிரப்பவும்
3. உங்களுடைய சம்பளக்கணக்குப் பட்டியலில் உள்ளவாறு பெயரை நிரப்பவும்
4. அங்கே கொடுக்கப்பட்டுள்ள வார்த்தைகளை நிரப்பவும்
5. கெட் பின் என்ற தொடர்பை அழுத்தவும்
6. பின் நம்பர் கிடைத்தவுடன் அதனைக் கொடுக்கப்பட்டுள்ள இடத்தில் நிரப்பவும்
7. விவரம் தரும் தொடர்பை அழுத்தவும்

ஒருவர் தேவைப்படும் பொழுதெல்லாம் தங்களுடைய கணக்கில் இருக்கும் இருப்பைப் பார்த்துக்கொள்ள முடியும்.

 

பாஸ்புக் இல்லை என்றால்?

உங்கள் கணக்கில் விவரங்கள் இல்லாத பட்சத்தில், அதற்கான விண்ணப்பத்தினை அங்கே கொடுக்கப்பட்டுள்ள தொடர்பில் உருவாக்கினால், உங்கள் பாஸ்புக் தயாரானதும் உங்களுக்குக் குறுஞ்செய்தி (SMS) மூலம் தெரிவிக்கப்படும். பின்னர் நீங்கள் உங்கள் ஈ-பாஸ்புக்கை டவுன்லோட் செய்துகொள்ள முடியும்.

யுஏஎன் நம்பர்

பிஎப் தொகை

சமுக வளைதள இணைப்புகள்

இனி உங்கள் தமிழ் குட்ரிட்டன்ஸ் தளத்தை பேஸ்புக், கூகிள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.

கிளிக் பண்ணுங்க.. ஷேர் பண்ணுங்க..