டெல்லி: பட்ஜெட் பெட்டியில் அப்படி என்ன தான் இருக்கிறது? பட்ஜெட் தாக்கல் செய்ய இந்திய நிதி அமைச்சர்கள் வரும் போது பெட்டி ஒன்றை எடுத்து வருவதை நாம் கவனித்து இருப்போம்.
2018-2019 நிதி ஆண்டிற்கான பட்ஜெட் இன்னும் இரண்டு நாட்களில் தாக்கல் செய்ய உள்ள நிலையில் பட்ஜெட் பெட்டி பற்றி உங்களுக்கு தெரியாத முக்கிய விவரங்களை இந்தக் கட்டுரையில் பார்ப்போம்.
ப சிதம்பரம் முதல் அருண் ஜேட்லி வரை
ப சிதம்பரம் முதல் அருண் ஜேட்லி வரை என நிதி அமைச்சர்கள் பட்ஜெட் தாக்கல் செய்யும் போது பெட்டிகளை எடுத்து வருவது என்பது நமக்கு ஒன்றும் புதிது அல்ல. 1947-ம் ஆண்டு முதல் நிதி அமைச்சர்கள் பட்ஜெட் தாக்கல் செய்ய வரும் போது பெட்டியை எடுத்து வருகின்றனர்.
உலகின் முதல் பட்ஜெட் பெட்டி
பட்ஜெட் பெட்டியானது முதலில் லெதர் எனப்படும் தோலால் உறுவாக்கப்பட்ட பெட்டியாகத் தான் இருந்தது. ஐக்கிய ராஜ்யங்களில் இந்தப் பட்ஜெட் பெட்டியானது 1860-ம் ஆண்டு முதல் பயன்படுத்தப்பட்டு வருகின்றது.
இந்திய பட்ஜெட்
இருந்தாலும் இந்திய பட்ஜெட்டில் எதற்காக இந்தப் பெட்டி என்று நீங்கள் கேட்பது எனக்குத் தெரிகிறது. இந்தியா சுதந்திரம் பெற்ற பிறகு முதன் முறையாக 1947-ம் ஆண்டுப் பட்ஜெட் தாக்கல் செய்யப்பட்டபோது மத்திய நிதி அமைச்சராக இருந்து ஆர் கே ஷண்முகம் செட்டி பட்ஜெட் பெட்டியை பயன்படுத்தினார்.
நினைவு
அதன் நினைவாகத் தற்போது வரை இந்தியாவின் மத்திய அமைச்சர்கள் மட்டும் இல்லாமல் பெரும்பாலான மாநில நிதி அமைச்சர்களும் பட்ஜெட் தாக்கல் செய்யும் போது பட்ஜெட் பெட்டியினைப் பயன்படுத்தி வருகின்றனர்.