வருமான வரி செலுத்துவோருக்கு புதிய APP வந்தாச்சு.. இனி ஒரே க்ளிக்கில் எல்லாத் தகவலும் கிடைக்கும்!

நீங்கள் வருமான வரி செலுத்தும் நபரெனில் இது உங்களுக்கு ஒரு நல்ல செய்திதான். ஏனெனில் இந்திய வருமான வரித்துறை (The Income Tax department) வரி செலுத்துவோருக்கென AIS for Taxpayers எனும் ஒரு புதிய மொபைல் ஃபோன் APP ஐ அறிமுகம் செய்துள்ளது.

இதன் மூலம் வரி செலுத்துவோர் அவர்களின் வருடாந்திர தகவல் அறிக்கை (ஏஐஎஸ்) / வரி செலுத்துவோர் தகவல் விவரம் (டிஐஎஸ்) போன்ற விவரங்களை பெறலாம் என வருமான வரித் துறை தெரிவித்துள்ளது.

மேலும் கிடைத்த தகவல்களை அடிப்படையாகக் கொண்டு இந்த செயலியில் வரி செலுத்துவோருக்கு விரிவான தகவல் வழங்கும் என கூறப்படுகிறது.

அனைத்து தகவல்களும் ஒரே இடத்தில்!

வரி செலுத்துவோர் தங்கள் டிடிஎஸ்/டிசிஎஸ் (TDS/TCS), வட்டி, டிவிடெண்ட், பங்கு பரிவர்த்தனைகள், வரி செலுத்துதல் மற்றும் வருமான வரியை திரும்பப் பெறுதல் (Tax Returns) போன்ற அனைத்து தகவல்களையும் இந்த செயலியின் மூலம் இனி எளிதாக அறிந்து கொள்ளலாம் என வருமான வரித் துறை தெரிவித்துள்ளது.

இந்த செயலியைப் (APP) பெறுவது எப்படி?

1. AIS for Taxpayers செயலியை ஆப் ஸ்டோரில் இருந்து ஆண்ட்ராய்டு மற்றும் ஆப்பிள் போன் பயனர்கள் டவுன்லோட் செய்து கொள்ளலாம்.

2. பின்னர் பயனர்கள் தங்களின் விவரங்களைப் பதிவு செய்து கொள்ள வேண்டும்.
3. இதற்கு பான் கார்டு எண்ணை பயனர்கள் பயன்படுத்த வேண்டியுள்ளது. மொபைல் எண் மற்றும் மின்னஞ்சல் முகவரிக்கு வரும் ஓடிபி எண்ணை உள்ளிட்டு பயனர்கள் இதில் தங்களை ரெஜிஸ்டர் செய்து கொள்ளலாம்.
4. அதனைத் தொடர்ந்து பயனர்கள் 4 டிஜிட் கொண்ட ரகசிய எண்ணை உள்ளிட வேண்டும். அதன்பின் இந்த செயலியை பயனர்கள் பயன்படுத்தலாம். இதனை ஏஐஎஸ் வலைதளத்திலும் பயன்படுத்த முடியும்.
5. Google Play Store மற்றும் App Store இல் இது இலவசமாகவே கிடைக்கிறது.

செயலியின் நோக்கம்!

மத்திய நேரடி வரிகள் வாரியம் (CBDT) இதுகுறித்து வெளியிட்டுள்ள அறிக்கையில், 'AIS அல்லது TIS பற்றிய தகவல்களை வரி செலுத்துவோருக்கு வழங்குவதே இந்த செயலியின் நோக்கம் ஆகும் எனத் கூறப்பட்டுள்ளது.

முக்கிய தகவல்கள்

இது வரி செலுத்துவோர் தொடர்பான பல்வேறு ஆதாரங்களில் இருந்து சேகரிக்கப்பட்ட தகவல்களை வழங்குகிறது. அதில் TDS/TCS, வட்டி, ஈவுத்தொகை, பங்கு பரிவர்த்தனைகள், வரி செலுத்துதல்கள், வருமான வரித் திருப்பிச் செலுத்துதல், AIS/TIS இல் உள்ள பிற விஷயங்களுடன் தொடர்புடைய தகவல்களைப் பார்க்க வரி செலுத்துவோர் இந்த மொபைல் ஆப்பை பயன்படுத்தலாம் என்று கூறப்பட்டுள்ளது.

Chatbot சேவை

டிடிஎஸ் குறித்த கருத்துகளை வரி செலுத்துவோர் இதன் மூலம் வழங்கப்படும், அதை பயனர்கள் PDF அறிக்கையாக ஒருங்கிணைக்கவும் முடியும் என கூறப்படுகிறது.

பயனர்களுக்கு ஏதேனும் சந்தேகங்கள் இருப்பின் இந்த செயலியில் உள்ள சாட்பாட் மூலம் பயனர்கள் தங்களது சந்தேகங்களுக்கு பதில் பெறலாம்.

Link for Apple users : https://apps.apple.com/in/app/ais-for-taxpayers/id1571076423
Link for Android Users : https://play.google.com/store/apps/details?id=io.lntinfotech.AIStaxpayer&hl=en_US