எஸ்பிஐ பேங்க் பேலன்ஸ்-ஐ வீட்டிலிருந்தே தெரிந்து கொள்ளலாம்.. எப்படி என்று தெரியுமா?

சென்னை: வங்கிக்கு சென்று, வங்கிக் கணக்கில் இருக்கும் பேலன்ஸ் விவரங்களைப் பற்றி தெரிந்து கொள்வது, பலருக்கும் சிக்கலானதாக இருக்கலாம். இந்த சிரமமான செயல்முறையினால், உங்களுடைய நேரம் வீணாவதோடு அந்த நாளில் உங்களுக்கு இருக்கும் பிற வேலைகளையும் செய்ய முடியாமல் போகலாம். எனவே ஆன்லைனிலேயே உங்கள் வங்கிக் கணக்கில் இருக்கும் பேலன்ஸ் விவரங்களை நீங்கள் தெரிந்து கொள்ள முடியும்.

இன்றைய தொழில்நுட்ப வளர்ச்சியின் உதவியுடன், நம் வங்கி கணக்கு விபரங்களை சரி பார்ப்பது மற்றும் அவற்றில் திருத்தங்களை செய்வது சுலபமாகிவிட்டது என்று தான் சொல்ல வேண்டும். முன்னர் கடினமாக மற்றும் நேரம் எடுக்கும் பணிகளாக தோன்றியவை, இப்போது உங்கள் கைக்குள் அடங்கிவிட்டன. அதாவது உங்கள் மொபைல் போன் மூலம் வீட்டிலிருந்தபடியே வங்கி சேவைகளைப் பெற முடியும். இந்தியாவின் மிகப்பெரிய வங்கிகளில் ஒன்றான ஸ்டேட் பேங்க் ஆப் இந்தியா, வாடிக்கையாளர்களுக்கு அவர்களின் பேலன்ஸ் விவரங்களை விரைவாகவும், வசதியாகவும் ஆன்லைன் மூலம் தெரிந்து கொள்ளும் விருப்பங்களை வழங்குகிறது. இதனை எப்படி பயன்படுத்துவது என்பதை இந்தப் பதிவில் பார்ப்போம்.

SBI பேங்க்-இன் பேலன்ஸ் விவரங்களை நீங்கள் கீழ்காணும் எந்த முறைகளை பயன்படுத்தி வேண்டுமானாலும் தெரிந்து கொள்ளலாம்.

SBI யோனோ ஆப் (SBI YONO App): இது SBI-யின் முக்கிய மொபைல் பேங்கிங் ஆப் ஆகும். உங்கள் MPIN (மொபைல் பேங்கிங் பின்) பயன்படுத்தி பதிவு செய்து உள்நுழையவும். உள்நுழைந்ததும், 'Accounts' பகுதிக்குச் செல்லவும், தற்போது உங்கள் பேலன்ஸ் விவரங்கள் காட்டப்படும்.

யோனோ லைட் SBI ஆப் (Yono Lite SBI app): இது YONO செயலியின் எளிமைப்படுத்தப்பட்ட பதிப்பாகும். முதலில் இந்த ஆப்-இல் உள்நுழையவும். உள்நுழைந்ததும், 'View balance' என்பதைக் கிளிக் செய்யவும்.

பிம் SBI பே ஆப் (BHIM SBI Pay App): இந்த ஆப் யுபிஐ பேமெண்ட் செய்வதற்கு பயன்படுகிறது. ஆனால் உங்கள் SBI பேங்க் பேலன்ஸையும் பார்க்கலாம். உங்கள் பின்னைப் பயன்படுத்தி உள்நுழையவும். உள்நுழைந்ததும், 'View balance' என்பதைக் கிளிக் செய்யவும்.

SMS சேவை: உங்கள் பதிவு செய்யப்பட்ட மொபைல் நும்பரிலிருந்து 09223766666 என்ற எண்ணுக்கு 'BAL' என்று டைப் செய்து SMS அனுப்பவும். உங்களின் தற்போதைய SBI பேங்க் பேலன்ஸ் உடன் பதிலைப் பெறுவீர்கள்.

SBI நெட் பேங்கிங்: SBI நெட் பேங்கிங் இணையதளமான https://retail.onlinesbi.sbi/retail/login.htm இல் உங்கள் சான்றுகளைப் பயன்படுத்தி உள்நுழையவும். உள்நுழைந்ததும், 'Accounts' பகுதிக்குச் செல்லவும், தற்போது உங்கள் பேலன்ஸ் விவரங்கள் காட்டப்படும்.

SBI வாட்ஸ்அப் பேங்கிங்: உங்கள் ஸ்மார்ட்போனில் [phone] என்ற எண்ணைச் சேமித்து, சாட்டில் 'Hi' என டைப் செய்யவும். நீங்கள் விருப்பங்களைப் பெறுவீர்கள், உங்கள் SBI பேலன்ஸ் விவரங்களைக் காண 'Get Balance' என்பதைத் தேர்ந்தெடுக்கவும்.

உங்கள் வசதிக்கேற்ப மொபைல் ஆப், இணையதளம் அல்லது வாட்ஸ்அப் போன்றவற்றைப் பயன்படுத்தி எளிதாகவும், விரைவாகவும் உங்கள் பேலன்ஸ் விவரங்களை அறிந்து கொள்ளலாம். இதன் மூலம் வங்கிக் கிளையில் நீண்ட வரிசையில் காத்திருக்கும் அவஸ்தையை தவிர்க்கலாம். மேலும், உங்கள் நேரத்தையும் மிச்சப்படுத்தலாம்.