டெட்லைன் நெருங்குது.. இ-ஃபைலிங் போர்ட்டலில் எப்படி ITR தாக்கல் செய்வது?

வருமான வரிக் கணக்கை (ITR) தாக்கல் செய்வதற்கான காலக்கெடு நெருங்கி வருவதால், இந்தியா முழுவதும் உள்ள வரி செலுத்துவோர் சரியான நேரத்தில் தங்கள் வருமானத்தை சமர்ப்பிக்கத் தயாராகி வருகின்றனர். அனைவரும் கடைசி நேரத்தில் ITR தாக்கல் செய்யும் பட்சத்தில், இ-ஃபைலிங் போர்ட்டலில் பிரச்சினை ஏற்படலாம். எனவே முன்கூட்டியே ITR செயல்முறையை முடிக்கவும். இந்தப் பதிவில் எப்படி ITR தாக்கல் செய்வது என்பதை விரிவாகப் பார்ப்போம்.

உங்கள் ITR-1 (Sahaj) படிவத்தை ஆன்லைனில் தாக்கல் செய்ய கீழே கொடுக்கப்பட்டுள்ள எளிய வழிமுறைகளைப் பின்பற்றலாம்.

ஸ்டெப் 1: வருமான வரித்துறையின் incometax.gov.in என்ற அதிகாரப்பூர்வ இ-ஃபைலிங் போர்ட்டலைப் பார்வையிடவும். உங்கள் பாஸ்வேர்ட் உடன், உங்கள் PAN, ஆதார் அல்லது பிற பயனர் ஐடியைப் பயன்படுத்தி உள்நுழையவும்.

ஸ்டெப் 2: அதில் இ-ஃபைலிங் பிரிவுக்கு செல்லவும். பட்டியலில் இருந்து, "Income Tax Returns" என்பதையும் பின்னர் "File Income Tax Return" என்பதையும் தேர்வு செய்யவும்.

ஸ்டெப் 3: நீங்கள் ITR தாக்கல் செய்யும் மதிப்பீட்டு ஆண்டைத் தேர்ந்தெடுக்கவும். எடுத்துக்காட்டாக, 2024 முதல் 2025. ஆன்லைன் முறையைத் தேர்வுசெய்து, "Continue" என்பதைக் கிளிக் செய்யவும்.

ஸ்டெப் 4: புதிதாக செயல்முறையைத் தொடங்க "Start New Filing" என்பதைத் தேர்ந்தெடுக்கவும்.

ஸ்டெப் 5: தனிநபர், இந்து பிரிக்கப்படாத குடும்பம் (HUF), அல்லது மற்றவர்கள் போன்ற வழங்கப்பட்ட விருப்பங்களிலிருந்து உங்கள் நிலையைத் தேர்வுசெய்து, "Continue" என்பதைக் கிளிக் செய்யவும்.

ஸ்டெப் 6: ஐடிஆர் 1 (சஹாஜ்) படிவத்தைத் தேர்ந்தெடுக்கவும், இது சம்பளம், ஒரு வீட்டுச் சொத்து, பிற ஆதாரங்கள், உதாரணமாக வட்டி போன்றவை மற்றும் ரூ. 5,000 வரை விவசாய வருமானம் உள்ள தனிநபர்களுக்காக வடிவமைக்கப்பட்டுள்ளது. தேவையான ஆவணங்களின் பட்டியலை மதிப்பாய்வு செய்து, "Continue" என்பதைக் கிளிக் செய்யவும்.

ஸ்டெப் 7: பொருத்தமான தேர்வுப்பெட்டியைத் தேர்ந்தெடுப்பதன் மூலம் உங்கள் ITR-ஐ தாக்கல் செய்வதற்கான காரணத்தைக் குறிப்பிடவும். தொடர "Continue" என்பதைக் கிளிக் செய்யவும்.

ஸ்டெப் 8: வருமான வரித் துறையிடம் உள்ள தகவல்களின் அடிப்படையில் முன் நிரப்பப்பட்ட டேட்டாவை இந்த போர்டல் காண்பிக்கும். இந்த டேட்டாவை கவனமாக மதிப்பாய்வு செய்யவும். அதன் பின் தேவையான திருத்தங்களைச் செய்யவும். மேலும் தேவையான கூடுதல் தகவலை என்டர் செய்யவும்.

ஸ்டெப் 9: உங்கள் வருமான விவரங்களையும் மொத்த விலக்குகளையும் என்டர் செய்யவும். சம்பளம், வீட்டுச் சொத்து மற்றும் பிற ஆதாரங்களில் இருந்து வரும் வருமானம் இதில் அடங்கும். இந்த பிரிவை முடித்த பிறகு, "Continue" என்பதைக் கிளிக் செய்யவும்.

ஸ்டெப் 10: வழங்கப்பட்ட தகவலின் அடிப்படையில் போர்டல் உங்கள் வரியைக் கணக்கிடும். வரி இருந்தால், "Pay Now" விருப்பத்தைப் பயன்படுத்தி உடனடியாகச் செலுத்தி அபராதத்தைத் தவிர்க்கவும். நீங்கள் பணத்தைத் திரும்பப்பெற தகுதியுடையவராக இருந்தால், "Preview Return" என்பதைக் கிளிக் செய்யவும்.

ஸ்டெப் 11: நீங்கள் செலுத்த வேண்டிய வரி இருந்தால், நீங்கள் e-pay சேவைக்கு திருப்பி விடப்படுவீர்கள். பணம் செலுத்தும் செயல்முறையை முடித்து, ITR தாக்கல் செய்யும் பக்கத்திற்கு திரும்பவும்.

ஸ்டெப் 12: பணம் செலுத்திய பிறகு, உங்கள் விவரங்களை கடைசியாக ஒரு முறை மதிப்பாய்வு செய்ய "Preview Return" என்பதைக் கிளிக் செய்யவும். அனைத்து தகவல்களும் துல்லியமானவை என்பதை உறுதிப்படுத்தவும்.

ஸ்டெப் 13: "Preview and Submit Your Return" என்ற பக்கத்தில் உள்ள தேர்வுப்பெட்டியைத் தேர்ந்தெடுக்கவும். அதன் பின் செயல்முறையை தொடர, "Proceed to Preview" என்பதைக் கிளிக் செய்யவும். விவரங்களை கவனமாக மதிப்பாய்வு செய்து, "Proceed to Validation" என்பதைக் கிளிக் செய்யவும்.

ஸ்டெப் 14: "Complete your Verification" பக்கத்தில், ஆதார் OTP, நெட் பேங்கிங் அல்லது EVC போன்ற உங்கள் விருப்பமான சரிபார்ப்பு முறையைத் தேர்ந்தெடுக்கவும். அதன் பின் "Continue" என்பதைக் கிளிக் செய்யவும்.

ஸ்டெப் 15: நீங்கள் தேர்ந்தெடுத்த முறையைப் பயன்படுத்தி சரிபார்ப்பு செயல்முறையை முடிக்கவும். ஐடிஆர்-வி மூலம் சரிபார்க்க நீங்கள் தேர்வுசெய்தால், படிவத்தை அச்சிட்டு, கையொப்பமிட்டு, 30 நாட்களுக்குள் பெங்களூரில் உள்ள செயலாக்க மையத்திற்கு (CPC) அனுப்பவும்.

2024-2025 மதிப்பீட்டு ஆண்டிற்கான உங்கள் ITR ஐ தாக்கல் செய்வதற்கான காலக்கெடு ஜூலை 31, 2024 என்பதை நினைவில் கொள்ளுங்கள். கடைசி நிமிடம் வரை காத்திருக்க வேண்டாம். இன்றே உங்கள் வருமானத்தை தாக்கல் செய்யுங்கள்!