உங்கள் CIBIL கம்மியா இருக்கா? இதோ அதிகரிக்க உதவும் 5 கிரெடிட் கார்டுகள்..!!

வங்கியில் குறிப்பாக கடன் பெற CIBIL ஸ்கோரை சிறப்பாக பராமரிப்பது அவசியம். உங்கள் சிபில் ஸ்கோர் குறைவாக இருந்தால், குறைந்த வட்டி விகித கிரெடிட் கார்டுகளைப் பயன்படுத்தி உங்கள் CIBIL ஸ்கோரை அதிகரிக்கலாம். இவற்றுக்கு ஆரம்ப ஆண்டுக் கட்டணங்கள் கிடையாது. இவை முற்றிலும் ஃபிக்ஸட் டெபாசிட்டுகள் மீது வங்கிகள் வழங்கும் கிரெடிட் கார்டுகள் ஆகும். இதன் மூலம் சிபில் ஸ்கோரை அதிகரிக்க செய்யலாம்.

பொதுவாக உங்கள் சிபில் ஸ்கோர் 600க்கு குறைவாக இருந்தால், அது மோசமான கிரெடிட் ஸ்கோராகக் கருதப்படுகிறது. அதிகப்படியான கிரெடிட் கார்டு பயன்பாடு மற்றும் சரியான நேரத்தில் கடனை செலுத்தாதது போன்ற காரணிகள் உங்கள் சிபில் ஸ்கோரை பாதிக்கலாம். ஒன்று, உங்கள் சிபில் ஸ்கோர் குறைவாக இருந்தால், அதை மேம்படுத்தலாம். குறைந்த வட்டி வசூலிக்கும் கிரெடிட் கார்டுகளைப் பெற்று, அவற்றை சரியான நேரத்தில் திருப்பிச் செலுத்துவதன் மூலம், உங்கள் சிபில் ஸ்கோர் மேம்படும். குறைந்த வட்டி விகிதங்களைக் கொண்ட கிரெடிட் கார்டுகள் கொடுக்கப்பட்டுள்ளன.

எஸ்பிஐ உன்னதி கிரெடிட் கார்டு: இந்த கார்ட் முதல் 4 ஆண்டுகளுக்கு வருடாந்திர கட்டணம் இல்லை. ஐந்தாம் ஆண்டு முதல் புதுப்பித்தல் கட்டணமாக 499 செலுத்த வேண்டும். வட்டி விகிதங்கள் ஆண்டுக்கு 2.50% முதல் 30% வரை இருக்கும். இந்த கார்டு மூலம் கான்டெக்ட்லெஸ் பரிவர்த்தனைகளை மேற்கொள்ளலாம். இந்த கார்டில் ஆட்-ஆன் வசதியும் உள்ளது. இந்த அட்டை மூலம் செய்யப்படும் செலவுகளை EMI ஆக மாற்றலாம். 2.5 லட்சத்திற்கு மேல் ஃபிக்ஸட் டெபாசிட்டுகளை செலுத்திய பிறகு இந்த கிரெடிட் கார்டைப் பெறலாம்.

ஆக்சிஸ் வங்கி இன்ஸ்டா ஈஸி கிரெடிட் கார்டு: இந்த கிரெடிட் கார்டுக்கு அணுகல் கட்டணம் இல்லை. வருடாந்திர கட்டணமும் இல்லை. ஆண்டுக்கு குறைந்தபட்சம் 2.50% முதல் அதிகபட்சம் 34.49% வரை வட்டி விகிதங்கள் இருக்கும். இங்கு 100% கடன் வரம்பு வரை பணம் எடுக்கும் வசதி உள்ளது. அனைத்து எரிபொருள் செலவுகளிலும் 1% கூடுதல் கட்டணம் தள்ளுபடி வசதி உள்ளது.

எஸ்பிஐ அட்வான்டேஜ் பிளஸ் கிரெடிட் கார்டு: இந்த கிரெடிட் கார்டுக்கு 500. ஆண்டு கட்டணம் செலுத்த வேண்டும். புதுப்பித்தல் கட்டணம் ரூ.500 ஆக உள்ளது. வட்டி விகிதங்கள் ஆண்டுக்கு 2.25% முதல் 27% வரை இருக்கும். FlexPay அம்சம் மூலம் 2500 வரை பெறலாம். அதிகமாக இருக்கும் செலவுகளை EMI ஆக மாற்றலாம். FD தொகையில் 85% வரை கிரெடிட் வரம்பைப் பெறலாம்.

எச்டிஎஃப்சி மணிபேக் கிரெடிட் கார்டு: இந்த அட்டையில் அணுகல் கட்டணம் மற்றும் ஒரு நபருக்கு ஆண்டுக் கட்டணம் ரூ.500 ஆக உள்ளது. வட்டி விகிதங்கள் மாதத்திற்கு 3.49% ஆக உள்ளது.இங்கே SmartEMI அம்சத்தின் மூலம் செலவுகளை EMI-களாக மாற்றலாம். 150 ரூபாய்க்கு மேல் ஒவ்வொரு பரிவர்த்தனைக்கும் 2 ரூபாய் ரிவார்டு புள்ளிகளைப் பெறலாம். குறிப்பிட்ட காலத்திற்குள் திருப்பிச் செலுத்தவில்லை என்றால், ரூ. 750 வரை தாமதமாகப் பணம் செலுத்தும் கட்டணம் விதிக்கப்படும்.

ஐடிஎஃப்சி ஃபர்ஸ்ட் வாவ் கிரெடிட் கார்டு: இந்த கார்டுக்கு வருடாந்திர கட்டணம் அணுகல் கட்டணம் இல்லை. வட்டி விகிதங்கள் மாதாந்திர சதவீதம் 0.75 முதல் 3.65 சதவீதம் வரை இருக்கும். இது ஆண்டுக்கு 9% முதல் 43.8% ஆக இருக்கும். இந்த கிரெடிட் கார்டைப் பெற வருமானச் சான்று தேவையில்லை. ரிவார்டு புள்ளிகளுக்கு காலாவதி தேதி இல்லை. கிரெடிட் ஸ்கோரை அதிகரிக்க இது முக்கிய பங்களிக்கின்றன என்று கூறலாம்.