உங்கள் டிரைவிங் லைசென்ஸ் தொலைந்து விட்டதா? அப்போ இந்த 2 வழிகளைப் பயன்படுத்துங்க!

இந்தியாவில் வாகனம் ஓட்டும் ஒவ்வொருவருக்கும் ஓட்டுனர் உரிமம் தேவை. அப்படி இருக்கையில் சில நேரங்களில் ஓட்டுநர் உரிமம் தொலைந்து விடும் வாய்ப்பும் உள்ளது. இந்த பிரச்சினையை இன்றைய டிஜிட்டல் யுகம் மாற்றியமைத்துள்ளது என்றால் அது மிகையாகாது. ஏனெனில் அனைத்து ஆவணங்களையும் தற்போது டிஜிட்டல் மயமாக்கி மொபைல்களில் சேமித்து வைத்திருக்கிறோம். இதனால் ஒரு சில நிமிடங்களிலேயே அதன் நகலை பெற்றுக் கொள்ளும் வசதி வந்துவிட்டது

வாகனம் ஓட்ட ஓட்டுனர் உரிமம் கட்டாயம்.. இருந்தாலும் சில எதிர்பாராத சமயங்களில் அதை மறந்து விடுவது அல்லது தொலைத்து விடுவது போன்ற சூழ்நிலைகள் ஏற்படலாம். இந்த இக்கட்டான சூழ்நிலையில் இருந்து நீங்கள் உடனடியாக உங்களை காப்பாற்றிக் கொள்ள முடியும்.

உங்களுடைய டிரைவிங் லைசென்ஸை டவுன்லோட் செய்வது எப்படி?: டிஜிட்டல் முறையில் உங்களுடைய டிரைவிங் லைசென்ஸ்-ஐ டவுன்லோட் செய்ய 2 வழிகளைப் பயன்படுத்தலாம். அதில் ஒன்று டிஜிலாக்கர். மற்றொன்று போக்குவரத்து துறையின் பரிவகான் இணையதளம்.

டிஜிலாக்கர்: டிஜிலாக்கர் இந்திய அரசால் தொடங்கப்பட்ட ஆப். இதன் மூலம் குடிமக்கள் தங்களுடைய முக்கியமான ஆவணங்களை டிஜிட்டல் காபியாக சேமித்து வைத்திருக்க முடியும். சேமித்து வைக்க டிஜிலாக்கர் மொபைல் அப்ளிகேஷனை டவுன்லோட் செய்ய வேண்டும். அதன் பிறகு அந்த அப்ளிகேஷனில் உங்களுடைய விவரங்களை பதிவு செய்ய வேண்டும். உங்கள் ஆதார் நம்பர் அல்லது மொபைல் நம்பரை பயன்படுத்தி பதிவு செய்யலாம்.

பின்னர் டாக்குமெண்ட்ஸ் பகுதிக்குச் சென்று டிரைவிங் லைசென்ஸ் என்பதை தேர்ந்தெடுத்து உங்களுடைய ஓட்டுநர் உரிமத்தின் நம்பர் மற்றும் பிறந்த தேதி ஆகிய விவரங்களை வழங்கி சேமிக்கலாம். இப்படி ஒரு ஏற்பாட்டை செய்து வைத்திருப்பதால் அவசர காலங்களில் தேவை என்றால் உடனடியாக டிரைவிங் லைசென்ஸை டவுன்லோட் செய்ய முடியும்.

Take a Poll

பரிவகான் இணையதளம்: பரிவகான் இணையதளத்திற்கு சென்று உங்கள் ஓட்டுனர் உரிமத்தின் டிஜிட்டல் காப்பியை ஆன்லைனில் டவுன்லோட் செய்ய முடியும். இந்த இணையதளத்திற்கு சென்ற பிறகு "ஆன்லைன் சர்வீசஸ்" என்ற பகுதிக்குச் செல்ல வேண்டும். அதன் பிறகு டிரைவிங் லைசென்ஸ் என்பதைத் தேர்ந்தெடுத்து உங்கள் ஓட்டுனர் உரிமத்தின் நம்பர் மற்றும் பிறந்த தேதியை வழங்கி டவுன்லோட் செய்யலாம்.

தற்போது உங்களுக்கு ஒரு குழப்பம் வரலாம்.. அது என்னவென்றால் இதற்கு ஏதேனும் கட்டணம் செலுத்த வேண்டுமா? என்று.. இதற்கு எந்தக் கட்டணமும் செலுத்தத் தேவையில்லை. உங்கள் ஓட்டுனர் உரிமம் எப்படி செல்லுபடியாகிறதோ? அதேபோல இந்த லைசென்ஸ் செல்லுபடியாகும். காவல் துறை அதிகாரிகள் இதையும் ஏற்றுக் கொள்வார்கள்.

நீங்கள் செய்ய வேண்டியவை: உங்களுடைய ஓட்டுனர் உரிமத்தின் டிஜிட்டல் பதிப்பை உங்கள் மொபைலில் அல்லது கம்ப்யூட்டரில் டவுன்லோட் செய்து வைக்க முடியும். தேவைப்பட்டால் டிஜிட்டல் காபியை ஜெராக்ஸ் எடுத்து உங்களுடன் எடுத்துச் செல்லலாம். ஆனால் யாருடனும் இந்த டிஜிட்டல் காப்பியை பகிராதீர்கள் ஒருவேளை உங்களுக்கு கார்டு தேவைப்பட்டால் அதற்கு போக்குவரத்து அலுவலகத்திற்கு சென்று பெற்றுக் கொள்ளலாம்.