உங்கள் மொபைல் நம்பரை வேற நெட்வொர்க் மாற்றுகிறீர்களா? இந்த 5 டிப்ஸ் உங்களுக்கு ரொம்ப முக்கியம்..!!

நீங்கள் எந்த மொபைல் நெட்வொர்க்கிற்கும் போர்ட் செய்யும் முன் சில விஷயங்களை முன்கூட்டியே தெரிந்து கொள்வது நல்லது. உங்கள் தற்போதைய நெட்வொர்க்கில் இருந்து நீங்கள் மற்றொரு நெட்வொர்க்கிற்கு போர்ட் செய்வதற்கு முன் சில சோதனைகளைச் செய்ய வேண்டும். எனவே நீங்கள் ஒரு நெட்வொர்க்கில் இருந்து மற்றொரு நெட்வொர்க்கிற்கு போர்ட் செய்வதற்கு முன் பின்வரும் ஐந்து முக்கிய விஷயங்களை மனதில் கொள்ளுங்கள்.

1) உங்கள் போர்ட்டின் நெட்வொர்க் கவரேஜை அறிந்து கொள்ளுங்கள்: நீங்கள் எந்த டெலிகாம் நெட்வொர்க்கிற்கும் போர்ட் செய்வதற்கு முன், அந்த நெட்வொர்க் கவரேஜ் உங்கள் பகுதியில் நன்றாக உள்ளதா? என்பதை சரிபார்க்கவும். உங்கள் பகுதியில் வலுவான சிக்னல் இருந்தால் மட்டுமே டேட்டா வேகம் மற்றும் அழைப்பு தரத்தை பெற முடியும். ஆனால் சில தொலைதூர பகுதிகளில் சிக்னல் குறைவாக இருக்கும் மற்றும் நெட்வொர்க் கவரேஜ் தோல்வியடையும்.

2) திட்டம் மற்றும் நன்மைகளை ஒப்பிடுங்கள்:உங்கள் தற்போதைய நெட்வொர்க் மற்றும் போர்ட்டட் நெட்வொர்க்கிற்கு இடையே உள்ள திட்டங்களையும் நன்மைகளையும் ஒப்பிட்டு பாருங்கள். ப்ரீபெய்ட் அல்லது போஸ்ட்பெய்டு திட்டங்களின் விலை மற்றும் பலன்களை ஒப்பிடுங்கள். அவற்றில் OTT சந்தா, அன்லிமிடெட் கால்ஸ், டேட்டா பேக் உள்ளதா என சரிபார்க்கவும்.

உங்கள் தற்போதைய தொலைத்தொடர்பு நிறுவனத்தை விட சிறந்த பிளான்கள் இருந்தால் மட்டுமே நெட்வொர்க்கை போர்ட் செய்ய முடிவு செய்யுங்கள்.

3) போர்டிங் செயல்முறை மற்றும் எவ்வளவு நேரம் எடுக்கும் என்பதை அறிந்து கொள்ளுங்கள்:எந்தவொரு நெட்வொர்க்கிற்கும் போர்ட்டிங் பொதுவாக சில மணிநேரங்கள் முதல் ஏழு நாட்கள் வரை ஆகும். இது அந்தந்த தொலைத்தொடர்பு நிறுவனங்களில் மாறுபடும். எனவே இதில் நீங்கள் தற்காலிக பிரச்சனையை சந்திக்க நேரிடும். எனவே போர்டிங் செயல்முறை எடுக்கும் நேரம் உங்களுக்குத் தெரிந்தால், அதுவரை உங்கள் பழைய நெட்வோர்க்கை செயலில் வைத்திருக்கலாம்.

4) நீங்கள் போர்டிங்கிற்கு தகுதியானவரா என்பதை முன்கூட்டியே தெரிந்து கொள்ளுங்கள்:உங்கள் எண்ணை எந்த நெட்வொர்க்கிற்கும் போர்ட் செய்வதற்கு முன் நீங்கள் சிம் வாங்கி குறைந்தது 90 நாட்களுக்கு நீங்கள் செயலில் இருக்க வேண்டும். மேலும் தற்போதுள்ள நெட்வொர்க் ஆபரேட்டருடன் நிலுவையில் உள்ள நிலுவை எதுவும் இருக்கக்கூடாது. போர்டிங்கிற்காக அடையாள சான்றிதழை சமர்பிக்க வேண்டும்.

5) போர்டிங் கட்டணங்கள் மற்றும் சிம் செயல்படுத்தும் செயல்முறையை அறிந்து கொள்ளுங்கள்:பொதுவாக ஒரு நெட்வொர்க்கில் இருந்து மற்றொரு நெட்வொர்க்கிற்கு போர்ட் செய்ய 19 ரூபாய் செலவாகும். ஆனால் ஏர்டெல் போன்ற சில நெட்வொர்க்குகள் தங்கள் விளம்பரத்திற்காக இலவசமாக போர்ட் செய்கின்றன. நீங்கள் போர்ட் செயல்முறைகளை செய்த பின் புதிய சிம் கார்டைப் பெறுவீர்கள். மேலும் சில மணிநேரங்களில் புதிய சிம் செயல்படுத்தல் வெற்றிகரமாக நடைபெறும்.