வெளிநாட்டு முதலீட்டாளர்கள் முதலீட்டை குவித்துள்ள மல்டிபேக்கர் பங்குகள்!! சின்ன கல்லு பெத்த லாபம்!!

2025 ஆம் ஆண்டில், வெளிநாட்டு நிறுவன முதலீட்டாளர்கள் (FIIs) தங்கள் முதலீட்டு வியூகங்களில் சில குறிப்பிடத்தக்க மாற்றங்களைச் செய்துள்ளனர். பரந்த சந்தை அளவில் FII முதலீடுகள் குறைந்திருந்தாலும், குறிப்பிட்ட சில பங்குகள் வெளிநாட்டு முதலீட்டாளர்களின் கவனத்தை ஈர்த்துள்ளன.

குறிப்பாக, கடந்த மார்ச் முதல் ஜூன் மாதங்களுக்கு இடையில், சிறந்த வருவாய் ஈட்டிய ஐந்து நிறுவனங்களில் FII முதலீடுகள் அதிகரித்துள்ளன. இந்த நிறுவனங்கள் வாகனத் தளங்கள், பாதுகாப்பு மின்னணுவியல் மற்றும் உரங்கள் போன்ற பல்வேறு துறைகளைச் சார்ந்தவை. இந்த காலகட்டத்தில், ஒரு சில பங்குகள் முதலீட்டாளர்களுக்கு 188% வரை லாபத்தை ஈட்டித் தந்துள்ளன.

கார் டிரேட் டெக் (CarTrade Tech Ltd) : மார்ச் 2025-ல் 60.96% ஆக இருந்த FII முதலீடுகள், ஜூன் 2025-ல் 67.30% ஆக அதிகரித்தன. ஒரு வருடத்தில் 145% லாபத்தை ஈட்டிய இந்த நிறுவனத்தின் சந்தை மதிப்பு ரூ.11,539 கோடி ஆகும். வாகனத் துறையில் நுகர்வோர், OEM உற்பத்தியாளர்கள், டீலர்கள், வங்கிகள் மற்றும் காப்பீட்டாளர்களை இணைக்கும் டிஜிட்டல் சூழலை உருவாக்குகிறது.

சைலி பிளாஸ்டிக்ஸ் (Shaily Engineering Plastics Ltd) : மார்ச் மாதத்தில் 7.39% ஆக இருந்த வெளிநாட்டு முதலீடுகள், ஜூன் மாதத்தில் 9.71% ஆக உயர்ந்தன. இந்த நிறுவனப் பங்கு ஒரு வருடத்தில் 118% வருவாயை அளித்தது. இதன் சந்தை மதிப்பு ரூ. 10,133 கோடியாக உள்ளது.

அப்போலோ மைக்ரோ சிஸ்டம்ஸ் (Apollo Micro Systems Ltd): இந்த நிறுவனத்தில் FII முதலீடுகள் கணிசமாக அதிகரித்துள்ளன. மார்ச் மாதத்தில் வெறும் 0.93% ஆக இருந்த முதலீடுகள், ஜூன் மாதத்தில் 7.16% ஆக உயர்ந்தன. இதன் பங்கு ஒரு வருடத்தில் 219% உயர்ந்து, சந்தை மதிப்பு ரூ.10,974 கோடியை எட்டியது. இந்த நிறுவனம் ஏவுகணை, நீர்மூழ்கி ஏவுகணை, விமானவியல் மற்றும் கப்பல் சார்ந்த அமைப்புகளுக்கான மின்னணுவியல் மற்றும் எந்திரவியல் அமைப்புகளை உருவாக்குகிறது.

Mutual Fund முதலீட்டில் எவ்வளவு லாபம் கிடைக்கும்? இதை பாருங்க

பாராதீப் பாஸ்பேட்ஸ் (Paradeep Phosphates Ltd): மார்ச் மாதத்தில் 7.18% ஆக இருந்த FII முதலீடுகள், ஜூன் மாதத்தில் 13.97% ஆக உயர்ந்தன. இந்த நிறுவனம் ஒரு வருடத்தில் 117% லாபத்தை அளித்தது. இதன் சந்தை மதிப்பு ரூ. 15,935 கோடியாக உள்ளது. யூரியா, DAP, NPK உரங்கள் மற்றும் ஜிப்சம் அடிப்படையிலான பொருட்களை உற்பத்தி செய்கிறது.

ஃபோர்ஸ் மோட்டார்ஸ் (Force Motors Ltd): மார்ச் மாதத்தில் 8.35% ஆக இருந்த FII முதலீடுகள், ஜூன் மாதத்தில் 9.77% ஆக அதிகரித்தன. இந்த நிறுவனப் பங்கு ஒரு வருடத்தில் 118% லாபத்தை அளித்து, சந்தை மதிப்பு ரூ. 21,791 கோடியை எட்டியது. Force Motors நிறுவனம் இலகுரக மற்றும் சிறிய வர்த்தக வாகனங்கள், பயன்பாட்டு வாகனங்கள் மற்றும் உயர் தொழில்நுட்ப வாகன பாகங்களை உற்பத்தி செய்கிறது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.