உச்ச விலை தொட்ட 61 பங்குகள்..! சென்செக்ஸ் 41,673-ல் நிறைவு..!

இன்று சென்செக்ஸ் 41,571 புள்ளிகளில் வர்த்தகமாகத் தொடங்கி, 41,673 புள்ளிகளில் வர்த்தகம் நிறைவடைந்து இருக்கிறது. இது சென்செக்ஸின் புதிய வரலாற்று உச்சம் என்பதும் குறிப்பிடத்தக்கது. ஆக தொடர்ந்து சென்செக்ஸ் மூன்றாவது நாளாக புதிய உச்சத்தைத் தொட்டு வர்த்தகம் நிறைவடைந்து இருக்கிறது. நேற்றைய குளோசிங் புள்ளியை விட, இன்றைய குளோசிங் 115 புள்ளிகள் ஏற்றம் கண்டு இருக்கிறது. அதே போல, இன்று காலை நிஃப்டி 12,223 புள்ளிகளில் வர்த்தகமாகத் தொடங்கி 12,259 புள்ளிகளில் வர்த்தகம் நிறைவடைந்து இருக்கிறது.

சென்செக்ஸின் 30 பங்குகளில் 16 பங்குகள் ஏற்றத்திலும், 14 பங்குகள் இறக்கத்திலும் வர்த்தகமாயின. பிஎஸ்இ-ல் 2,665 பங்குகளில் வர்த்தகமாயின. அதில் 1,251 பங்குகள் ஏற்றத்திலும், 1,241 பங்குகள் இறக்கத்திலும், 173 பங்குகள் விலை மாற்றமின்றியும் வர்த்தகமாயின. 2,665 பங்குகளில் 61 பங்குகளின் விலை 52 வார அதிகத்திலும், 125 பங்குகளின் விலை 52 வார இறக்கத்திலும் வர்த்தகமாயின.

சென்செக்ஸ் புதிய உச்சங்களைத் தொட்டது போல, 61 பங்குகளும் தன் புதிய 52 வார உச்ச விலையைத் தொட்டு இருக்கின்றன. இந்த 61 பங்குகளில், உங்களுக்கு ஏதாவது சரிப்பட்டு வரும் என்றால் தீர ஆலோசித்து, நாளை (டிசம்பர் 20, 2019) வர்த்தகத்தின் போது, முதலீடு செய்ய பயன்படுத்திக் கொள்ளுங்கள்.

ஃபண்டமெண்டல்கள் பலவீனமாக இருக்கும் போது சந்தை மேற்கொண்டு ஏற்றம் காண்பது சிரமம் என்பதையும் மனதில் வைத்துக் கொண்டு வர்த்தகத்தை மேற்கொள்ளுங்கள். நல்ல லாபம் பார்க்க வாழ்த்துக்கள்.