லாபம் பார்க்க ஒரு நல்ல வாய்ப்பு..! 52 வார உச்ச விலை தொட்ட72 பங்குகள் விவரம்..!

இந்தியாவின் முக்கிய எட்டு துறைகளின் வளர்ச்சி சரிந்து இருக்கிறது. தொழில் துறை வளர்ச்சியும் அதே போல சரிவு கண்டு கொண்டிருக்கிறது. இந்த இரண்டு செய்திகளுமே, இந்தியா, இன்னும் பொருளாதார மந்த நிலையில் இருப்பதை வெளிச்சம் போட்டு காட்டி இருக்கிறது. பற்றாக்குறைக்கு, சர்வதேச காரணிகளான, அமெரிக்க டாலருக்கு நிகரான இந்திய ரூபாய் மதிப்பு மீண்டும் 72 ரூபாயைக் கடந்து வர்த்தகமாவது, ஒரு பேரல் பிரண்ட் கச்சா எண்ணெய் விலை 61.32 டாலருக்கு வர்த்தகமாகி வருவது எல்லாமும் கூட இந்திய சந்தையை அச்சுறுத்திக் கொண்டு இருக்கிறது.

திங்கட்கிழமை மாலை, சென்செக்ஸ் 40,345 புள்ளிகளில் வர்த்தகம் நிறைவடைந்தது. இன்று காலை சென்செக்ஸ் 40,346 புள்ளிகளில் வர்த்தகமாகத் தொடங்கி, 40,116 புள்ளிகளில் நிறைவடைந்து இருக்கிறது. நேற்றைய குளோசிங் புள்ளியை விட, இன்றைய குளோசிங் 229 புள்ளிகள் இறக்கம் கண்டு இருக்கிறது. அதே போல, இன்று காலை நிஃப்டி 11,908 புள்ளிகளில் வர்த்தகமாகத் தொடங்கி வர்த்தக நேர முடிவில் 11,840 புள்ளிகளுக்கு வர்த்தகம் நிறைவடைந்தது. நேற்றைய குளோசிங் புள்ளியை விட இன்றைய குளோசிங் 73 புள்ளிகள் சரிந்து இருக்கிறது.

சென்செக்ஸின் 30 பங்குகளில் 05 பங்குகள் ஏற்றத்திலும், 25 பங்குகள் இறக்கத்திலும் வர்த்தகமாயின. பிஎஸ்இ-யில் 2,738 பங்குகள் வர்த்தகமாயின. அதில் 957பங்குகள் ஏற்றத்திலும், 1,613 பங்குகள் இறக்கத்திலும், 168 பங்குகள் விலை மாற்றமின்றியும் வர்த்தகமாயின. 2,738 பங்குகளில் 72 பங்குகளின் விலை 52 வார அதிகத்திலும், 140 பங்குகளின் விலை 52 வார இறக்கத்திலும் வர்த்தகமாயின.

இங்கு தன் புதிய 52 வார உச்ச விலையைத் தொட்ட 72 பங்குகளின் விவரங்களைக் கொடுத்து இருக்கிறோம். இதை பங்கு பரிந்துரையாக கருதக் கூடாது. இந்த பங்குகளில், முதலீடு செய்யலாமா வேண்டாமா என தீர விசாரித்து, அந்த நிறுவனங்களைப் பற்றித் தெரிந்து கொண்டு, முதலீடு செய்யுங்கள்.