ரூ.1.68 லட்சம் கோடி காலி.. பெரும் இழப்பினை கண்ட முதலீட்டாளர்கள்.. என்ன தான் நடக்குது?

இந்திய பங்கு சந்தையினை பொறுத்தவரையில் டாலரின் மதிப்பு உச்சம் தொட்டு வரும் நிலையில், பங்கு சந்தையானது சரிவினைக் கண்டு வருகின்றது.

டாப் 10 நிறுவனங்களில் 6 நிறுவனங்கள் அதன் சந்தை மதிப்பில் 1,68,260.37 கோடி ரூபாய் மதிப்பிலான சந்தை மதிப்பு சரிவினைக் கண்டுள்ளது.

இதில் முதலாவதாக அதிக இழப்பினை கண்டிருப்பது முன்னணி ஐடி நிறுவனமான டிசிஎஸ் தான்.

சென்செக்ஸ் சரிவு

கடந்த வாரத்தில் சென்செக்ஸ் 721.06 புள்ளிகள் அல்லது 1.32 சதவீதம் சரிவினைக் கண்டுள்ளது. இது தொடர்ந்து அதிகரித்து வரும் டாலரின் மதிப்பு, பணவீக்க அச்சம், உக்ரைன் பிரச்சனை, பத்திர சந்தை என பல காரணிகளுக்கு மத்தியில் பங்கு சந்தையானது சரிவினைக் கண்டுள்ளது.

டிசிஎஸ்

 

நாட்டின் முன்னணி ஐடி நிறுவனமான டாடா கன்சல்டன்ஸி சர்வீசஸ் நிறுவனத்தின் சந்தை மதிப்பானது 99,270.07 கோடி ரூபாய் குறைந்து, 10,95,355.32 கோடி ரூபாயாக சரிவினைக் கண்டுள்ளது.

இது ஜூன் காலாண்டில் அதன் வருவாயினை தவறவிட்ட நிலையில் தொடர்ந்து சரிவினைக் கண்டது.

இன்ஃபோசிஸ்

மற்றொரு ஐடி நிறுவனமான இன்ஃபோசிஸ் நிறுவனத்தின் சந்தை மதிப்பானது 35,133.64 கோடி ரூபாய் குறைந்து, 6,01,900.14 கோடி ரூபாயாக குறைந்துள்ளது.

இதே தனியார் துறையை சேர்ந்த முன்னணி வங்கியான ஹெச்டிஎஃப்சி வங்கியின் சந்தை மதிப்பு, 18,172.43 கோடி ரூபாய் குறைந்து, 7,57,659.72 கோடி ரூபாயாக குறைந்துள்ளது.

எஸ்பிஐ & ஹெச் டி எஃப் சி

எஸ்பிஐ வங்கியின் சந்தை மதிப்பானது 8433.76 கோடி ரூபாய் குறைந்து, 4,27,488.90 கோடி ரூபாயாக சரிவினைக் கண்டுள்ளது. இதே நிதி நிறுவனமான ஹெச் டி எஃப் சியின் சந்தை மூலதனம் 4091.62 கோடி ரூபாய் குறைந்து, 4,02,121.99 கோடி ரூபாயாக சரிவினைக் கண்டுள்ளது.

ஐசிஐசிஐ வங்கி

ஐசிஐசிஐ வங்கியின் சந்தை மதிப்பானது 3158.85 கோடி ரூபாய் குறைந்து, 5,22,498.11 கோடி ரூபாயாக சரிவினைக் கண்டுள்ளது.

எனினும் ஹிந்துஸ்தான் யூனிலீவர் லிமிடெட் நிறுவனத்தின் சந்தை மதிப்பானது 17,128.52 கோடி ரூபாய் அதிகரித்து, 6,03,551.26 கோடி ரூபாயாக அதிகரித்துள்ளது.

இதேபோல ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு, 6801.72 கோடி ரூபாய் அதிகரித்து, 16,24,681.08 கோடி ரூபாயாக அதிகரித்துள்ளது.

ஐடிசியின் சந்தை மதிப்பானது 1318.80 கோடி ரூபாய் அதிகரித்து, 3,62,327.81 கோடி ரூபாயாக அதிகரித்துள்ளது. லைஃப் இன்சூரன்ஸ் கார்ப்பரேஷன் நிறுவனத்தின் சந்தை மதிப்பு 316.25 கோடி ரூபாய் அதிகரித்து, 4,48,157.71 கோடி ரூபாயாக அதிகரித்துள்ளது.

டாப் 10 நிறுவனங்கள்

டிசிஎஸ், ஹெச் டி எஃப் சி வங்கி, ஹிந்துஸ்தான் யூனிலீவர் லிமிடெட், இன்ஃபோசிஸ், ஐசிஐசிஐ வங்கி, எல்ஐசி, எஸ்பிஐ, ஹெச் டி எஃப் சி மற்றும் ஐடிசி உள்ளிட்ட நிறுவனங்கள் டாப் 10 நிறுவனங்களின் பட்டியலில் உள்ளன.