புதிய உச்சத்தில் மின்னும் 67 பங்குகள்..!

இந்திய பங்குச் சந்தைகள், இந்தியப் பொருளாதாரம் குறித்த செய்திகளை, அத்தனை சீரியஸாக எடுத்துக் கொள்ளவில்லை எனவும் சொல்லி இருந்தோம். அதோடு சந்தை ஃபண்டமெண்டல் செய்திகளை கண்டு கொள்ளாமல் ஏற்றம் கண்டு வருவதையும் கவனத்தில் எடுத்துக் கொள்ளச் சொன்னோம்.

அதோடு, சென்செக்ஸ் 30 இண்டெக்ஸை, டெக்னிக்கலாகப் பார்க்கும் போது, கடந்த வெள்ளிக்கிழமைக்கு ஒரு டோஜி உருவாகி இருக்கிறது. எனவே சென்செக்ஸ், மேற்கொண்டு ஏற்றம் காண்பது கொஞ்சம் சிரமமான விஷயமாகத் தெரிவதாகச் சொல்லி இருந்தோம். நாம் கணித்தது போலவே சென்செக்ஸ் புதிய உச்சங்களைத் தொடாமல், இறக்கம் கண்டு வர்த்தகம் நிறைவடைந்து இருக்கிறது. அதோடு இறக்க டிரெண்டையும் உறுதி செய்து இருக்கிறது.

சென்செக்ஸின் 30 பங்குகளில் 18 பங்குகள் ஏற்றத்திலும், 12 பங்குகள் இறக்கத்திலும் வர்த்தகமாயின. பிஎஸ்இ-ல் 2,721 பங்குகள் வர்த்தகமாயின. அதில் 1,118 பங்குகள் ஏற்றத்திலும், 1,410 பங்குகள் இறக்கத்திலும், 193 பங்குகள் விலை மாற்றமின்றியும் வர்த்தகமாயின. 2,721 பங்குகளில் 67 பங்குகளின் விலை 52 வார அதிகத்திலும், 118 பங்குகளின் விலை 52 வார இறக்கத்திலும் வர்த்தகமாயின.

இன்று சென்செக்ஸ் புதிய உச்சம் தொடாமல் மெல்லிய இறக்கம் கண்ட போதிலும், புதிய உச்சங்களைத் தொட்ட 67 பங்குகளின் விவரங்களை இங்கே கொடுத்து இருக்கிறோம். இந்த 67 பங்குகளில், ஏதாவது பங்குகள், உங்களுக்கு தகுந்தாற் போல் இருந்தால், தீர ஆலோசித்து, முதலீடுகளை மேற்கொள்ளுங்கள்.