இன்றும் புதிய உச்சத்தில் நிறைவடைந்த சென்செக்ஸ்!

சென்செக்ஸ் ஓப்பனிங் குளோசிங்

நேற்று மாலை, சென்செக்ஸ் 38,799 புள்ளிகளில் வர்த்தகம் நிறைவடைந்தது. இன்று காலை சென்செக்ஸ் 38,948 புள்ளிகளில், வர்த்தகமாகத் தொடங்கி, அதிகபட்சமாக 39,008 புள்ளிகளைத் தொட்டது. 39,000 புள்ளிகளுக்கு மேல் சென்செக்ஸ் இன்று நிறைவடையுமா? என எதிர்பார்த்த முதலீட்டாளர்களுக்கு ஏமாற்றமே மிஞ்சியது. ஆனால், பெரிய ஏமாற்றங்களைக் கொடுக்காமல், வர்த்தக நேர முடிவில், நேற்றைய குளோசிங்கை விட 44 புள்ளிகள் அதிகரித்து, 38,843 புள்ளிகளுக்கு வர்த்தகம் நிறைவடைந்து இருக்கிறது.

பி எஸ் இ பங்குகள்

சென்செக்ஸின் 30 பங்குகளில் 15 பங்குகள் ஏற்றத்திலும், 15 பங்குகள் இறக்கத்திலும் வர்த்தகமாயின. பிஎஸ்இ-யில் மொத்தம் 2,977 பங்குகள் வர்த்தகமாயின. அதில் 1,355 பங்குகள் விலை ஏற்றத்திலும், 1,472 பங்குகள் விலை இறக்கத்திலும், 150 பங்குகள் விலை மாற்றமின்றியும் வர்த்தகமாயின. ஒட்டு மொத்தமாக, மும்பை பங்குச் சந்தையில், 220 பங்குகள் தங்களின் 52 வார விலை உச்சத்தைத் தொட்டு இருக்கின்றன.

 

பங்கு விலை விவரங்கள்

டாடா மோட்டார்ஸ், பஜாஜ் ஃபைனான்ஸ், எஸ் பி ஐ, டெக் மஹிந்திரா, ஏஷியன் பெயிண்ட்ஸ் போன்ற பங்குகள் விலை ஏற்றத்தில் வர்த்தகமாயின. கெயில், ஸ்ரீ சிமெண்ட்ஸ், சன் பார்மா, என் டி பி சி, ஹீரோ மோட்டோகார்ப் போன்ற பங்குகள் விலை இறக்கத்தில் வர்த்தகமாயின.

ஆசிய & ஐரோப்பிய சந்தைகள் நிலை என்ன

இன்று 25 ஆகஸ்ட் 2020 , லண்டனின் எஃப் டி எஸ் இ 0.14 % ஏற்றத்தில் வர்த்தகமாகிக் கொண்டு இருக்கிறது. பிரான்சின் சி ஏ சி பங்குச் சந்தை 0.82 % ஏற்றத்திலும், ஜெர்மனியின் டி ஏ எக்ஸ் பங்குச் சந்தை 0.71 % ஏற்றத்திலும் வர்த்தகமாகிக் கொண்டு இருக்கிறது. சிங்கப்பூரின் எஸ் ஜி எக்ஸ் நிஃப்டி, ஹாங்காங்கின் ஹேங்செங், தாய்லாந்தின் எஸ் இ டி காம்போசைட், சீனாவின் ஷாங்காய் காம்போசைட் தவிர மற்ற எல்லா ஆசிய பங்குச் சந்தைகளும் ஏற்றத்தில் வர்த்தகமாயின.