UBS கொடுத்த ரேட்டிங்.. அதளபாதாளத்திற்கு சென்ற டாடா பங்குகள்.. முதலீட்டாளர்கள் கண்ணீர்..!

முக்கிய உலகளாவிய ஆட்டோமொபைல் உற்பத்தியாளரான டாடா மோட்டார்ஸ் பங்குகள் இன்று ஆரம்ப வர்த்தகத்தில் கிட்டத்தட்ட 4.4% சரிந்து, ரூ.989.55ஐ எட்டியது. இந்த சரிவு தொடர்ந்து எட்டாவது நாளாக பங்குகளின் இழப்பைக் குறிக்கிறது. ஜூலை பிற்பகுதிக்குப் பிறகு முதல் முறையாக ரூ.1000 மதிப்பிற்கு கீழே தள்ளப்பட்டது.

இன்றைய பங்குச் சரிவு உலகளாவிய தரகு நிறுவனமான யூபிஎஸ் செக்யூரிட்டிஸின் சமீபத்திய அறிக்கையை சுட்டிக்காட்டப்பட்டுள்ளது. அதன்படி தரகு நிறுவனம் ஒரு பங்கின் இலக்கு விலை ரூ.825 உடன் பங்குகளில் 'விற்பனை' மதிப்பீட்டை பரிந்துரைத்திருந்தது. இந்த இலக்கு செவ்வாய்க்கிழமை இறுதி விலையில் இருந்து 20.3 சதவிகிதம் பின்னடைவைக் குறிக்கிறது. நிறுவனத்தின் சொகுசு கார் நிறுவனமான ஜாகுவார் லேண்ட் ரோவர் மற்றும் உள்நாட்டு பயணிகள் வாகனப் பிரிவில் உள்ள மார்ஜின் அழுத்தங்கள் காரணமாக மேலும் குறையும் சாத்தியம் இருப்பதாக தரகு நிறுவனம் யூபிஎஸ் கவலை தெரிவித்துள்ளது.

செமிகண்டக்டர் பற்றாக்குறையின் போது அதிக மார்ஜின் மாடல்களில் ஜாகுவார் லேண்ட் ரோவர் கவனம் செலுத்துவது அதன் சராசரி விற்பனை விலைகள் மற்றும் மொத்த வரம்புகளை கணிசமாக உயர்த்தியுள்ளது. இதனால், கடந்த 2020 நிதியாண்டில் £49,000 மற்றும் 26.7% இலிருந்து £72,000 ஆகவும், 2024 நிதியாண்டில் 31% ஆகவும் விற்பனை குறைக்கப்பட்டது. எனவே, ஜாகுவார் லேண்ட்ரோவர் அதன் போட்டியாளர்களிடமிருந்து வேறுபடுத்தி, சீனாவில் பலவீனமான செயல்திறனை காண்பித்தது. எனவே,இந்த பிரீமியம் மாடல்களுக்கான தேவை குறையத் தொடங்கியுள்ளது. தற்போதைய ஆர்டர்கள் கோவிட்-க்கு முந்தைய நிலைகளுக்குக் கீழே குறைந்துவிட்டன. இது ஜாகுவாரின் சமீபத்திய மந்தநிலையைக் குறிக்கிறது மற்றும் விரைவில் ரேஞ்ச் ரோவருக்கு தள்ளுபடிகள் உயரும் என்று எதிர்பார்க்கப்படுகிறது. நிறுவனத்தின் 2025ஆம் ஆண்டிற்கான முதல் காலாண்டு வருவாய் அறிக்கையின்படி, ஜாகுவார் லேண்ட் ரோவர் ஆர்டர்கள் சுமார் 104,000 யூனிட்டுகளாகக் குறைந்துள்ளது. அதேபோல், 2024ம் நிதியாண்டின் 4ஆம் காலாண்டில் 133,000 வாகனங்கள் குறைந்துள்ளன.

ஆனால், ஜாகுவார் லேண்ட் ரோவர் ஜூன் காலாண்டில் 7.3 பில்லியன் பவுண்டுகள் வருவாயை எட்டியது. அதன் சிறந்த முதல் காலாண்டு வருவாயை 2024 ஜூன் காலாண்டில் இருந்து 5% அதிகரித்து சாதனை படைத்தது. ஆண்டுக்கு ஆண்டு லாபம் அதிகரிப்பதற்கு சாதகமான அளவு, கலவை மற்றும் பொருள் செலவு மேம்பாடுகள் காரணமாக கூறப்படுகிறது. இது முந்தைய ஆண்டை ஒப்பிடும்போது அதிகரித்த சந்தைப்படுத்தல் செலவுகளால் ஓரளவு ஈடுசெய்யப்படுகிறது.

முதல் காலாண்டு அடிப்படையில், பங்குச் செயல்திறனில் கடுமையான வீழ்ச்சியை காட்டின. அதன்படி, ஆகஸ்ட் தொடக்கத்தில் அதன் 2025ம் நிதியாண்டின் முதல் காலாண்டு அறிக்கைகள் வெளியிடப்பட்டதிலிருந்து, பங்குகள் கீழ்நோக்கிய போக்கில் உள்ளன. சிறப்பான புள்ளிவிவரங்களைப் புகாரளித்த போதிலும், அதன் நிர்வாகம் 2025ம் நிதியாண்டின் எஞ்சியுள்ளவற்றை பற்றி மிக கவனமுடன் உள்ளனர். கடந்த ஆகஸ்டில் 4% சரிவுடன் முடிவடைந்த பங்கு, செப்டம்பரில் தொடர்ந்து வீழ்ச்சியடைந்து. இதுவரை 12% குறைந்துள்ளது. ஒரு பங்குக்கு ரூ.1,176 என்ற உச்சத்தில் இருந்து, இப்போது பங்கு 17% குறைந்துள்ளது.

ஜாகுவார் லேண்ட் ரோவர் (JLR)க்கான உற்பத்திக் கட்டுப்பாடுகளை இரண்டும் மற்றும் மூன்றாம் காலாண்டில் நிறுவனம் எதிர்பார்த்துள்ளது. ஏனெனில் வருடாந்திர கோடைகால ஆலை மூடல் மற்றும் ஒரு பெரிய அலுமினியம் சப்ளையர்களில் ஏற்பட்ட வெள்ளத்தால் விநியோக பாதித்துள்ளது. உள்நாட்டில், பண்டிகைக் காலத்தில் தேவை அதிகரிக்கும் என டாடா மோட்டார்ஸ் எதிர்பார்த்துள்ளது. ஆகஸ்ட் மாதத்தில் மொத்த பயணிகள் வாகன விற்பனை சுமார் 44,500 யூனிட்களாக இருந்தது. இது ஆண்டுக்கு ஆண்டு 3% குறைவு மற்றும் 1% மாத வீழ்ச்சியைக் குறிக்கிறது.

பயணிகள் வாகன உற்பத்தியாளர்கள் குறைக்கப்பட்ட நுகர்வோர் செலவினங்களை எதிர்கொண்டு வருகின்றனர். இதன் விளைவாக குறிப்பிடத்தக்க சரக்கு உருவாக்கம் ஏற்படுகிறது. டீலர்கள் ஏற்கனவே உள்ள பங்குகளை விற்க போராடுகின்றன. முன்னணி வாகன உற்பத்தியாளர்கள் விற்பனையாகாத சரக்குகளை குறைக்க பிரபலமான மாடல்களில் தள்ளுபடிகளை வழங்குகின்றனர்.இந்த தள்ளுபடிகள் விற்பனையை அதிகரிப்பதை நோக்கமாகக் கொண்டாலும், அவை லாப வரம்புகளை மோசமாக பாதிக்கும் என்ற கவலைகள் உள்ளன. டாடா மோட்டார்ஸ் சமீபத்தில் அனைத்து பெட்ரோல், டீசல் மற்றும் CNG கார்கள் மற்றும் SUVகள் மீது பண்டிகைக்கால தள்ளுபடியை ரூ.2.5 லட்சம் வரை உயர்த்தியுள்ளது. கூடுதலாக, நிறுவனம் பிரபலமான மாடல்களில் ரூ.45,000 வரை நுகர்வோர் பலன்களை வழங்கலாம் என்றும் கூறப்படுகிறது

இதற்கிடையில், தற்போதைய 11 மணி நிலவரப்படி டாடா மோட்டர்ஸ் பங்கு 5.33% சரிவுடன் ரூ.980.55 ஆக விற்பனையாகி வருகிறது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.