ஆஷிஷ் கச்சோலியா முதலீட்டை அதிகரித்துள்ள ஸ்மால் கேப் மல்டிபேக்கர் பங்கு: உங்க லிஸ்ட்ல இருக்கா?

தலால் ஸ்ட்ரீட்டின் "பிக் வேல்" என்று அறியப்படும் ஆஷிஷ் கச்சோலியா, கடந்த செப்டம்பர் காலாண்டில் மேன் இண்டஸ்ட்ரீஸ் நிறுவனத்தில் தனது பங்குகளை கிட்டத்தட்ட இருமடங்காக உயர்த்தியுள்ளார்.

ட்ரெண்ட்லைன் நிறுவனத்தின் பங்குதாரர் தரவுகளின்படி, ஆஷிஷ் கச்சோலியா இரண்டாவது காலாண்டில் மேன் இண்டஸ்ட்ரீஸ் நிறுவனத்தின் கூடுதலாக 9,14,634 பங்குகளை வாங்கியுள்ளார். இதன் மூலம் அந்த ஸ்மால்-கேப் பங்கில் அவரது ஒட்டுமொத்த பங்கு 3.04% ஆக உயர்ந்துள்ளது. கச்சோலியா, மார்ச் 2024 முதல் இந்த நிறுவனத்தில் பங்குகளை வைத்திருக்கிறார்.

செப்டம்பர் 2025 நிலவரப்படி, ஆஷிஷ் கச்சோலியாவின் போர்ட்ஃபோலியோவில் 42 பங்குகள் உள்ளன. அவற்றின் மொத்த மதிப்பு சுமார் ரூ.2,088 கோடி. இதில் ஷைலி இன்ஜினியரிங் பிளாஸ்டிக்ஸ் நிறுவனத்தில் அதிகபட்ச பங்குகளை (14.79 லட்சம் பங்குகள்) வைத்துள்ளார். இது 3.22% பங்குக்கு சமம், இதன் மதிப்பு ரூ.366.2 கோடி.

இதைத் தொடர்ந்து சஃபாரி இண்டஸ்ட்ரீஸ் இந்தியா நிறுவனத்தில் 9 லட்சம் பங்குகள் (1.84% பங்கு, ரூ190 கோடி மதிப்பு) மற்றும் பாலு ஃபோர்ஜ் இண்டஸ்ட்ரீஸ் நிறுவனத்தில் 18.66 லட்சம் பங்குகள் (1.64% பங்கு, ரூ.117 கோடி மதிப்பு) உள்ளன என ட்ரெண்ட்லைன் தகவல் தெரிவிக்கிறது.

நடப்பு நிதியாண்டின் முதல் காலாண்டில், சந்தை சரிவை சாதகமாக்கி, ஒன்பது புதிய பங்குகளை தனது போர்ட்ஃபோலியோவில் கச்சோலியா சேர்த்துள்ளார். இந்த புதிய பங்குகளில் DU டிஜிட்டல் குளோபல், இன்பினியம் பார்மசெம், C2C அட்வான்ஸ்டு சிஸ்டம்ஸ், BEW இன்ஜினியரிங், கான்கார்ட் கண்ட்ரோல் சிஸ்டம்ஸ், குவாலிடெக் லேப்ஸ், ஸ்ரீ OSFM ஈ-மொபிலிட்டி, மெகாதெர்ம் இன்டக்ஷன் மற்றும் நாமன் இன்-ஸ்டோர் இந்தியா டிபிஐ கார்ன் ஆகியவை அடங்கும்.

மேன் இண்டஸ்ட்ரீஸ் பங்கு விலை சமீபத்திய சரிவிலிருந்து மீண்டு வருகிறது. செப்டம்பர் பிற்பகுதியில் ஏற்பட்ட பெரும் விற்பனைக்குப் பிறகு, அக்டோபரில் இந்நிறுவனத்தின் பங்குகள் மீண்டும் பலம் பெற்றுள்ளன. இந்திய பங்கு மற்றும் பரிவர்த்தனை வாரியம் (செபி) இந்நிறுவனத்தையும் அதன் மூன்று மூத்த அதிகாரிகளையும் இரண்டு ஆண்டுகளுக்கு பங்குச் சந்தையில் வர்த்தகம் செய்ய தடை விதித்து, ஒவ்வொருவருக்கும் ரூ25 லட்சம் அபராதம் விதித்திருந்தது.

எனினும், செபியின் உத்தரவுக்கு தடை விதிக்குமாறு செக்யூரிட்டிஸ் அப்பீலட் டிரிப்யூனல் (SAT) ஒப்புதல் அளித்ததையடுத்து, நிறுவனத்தின் பங்குகள் மீண்டு வந்தன. அக்டோபர் 13 அன்று மேன் இண்டஸ்ட்ரீஸ் வெளியிட்ட அறிக்கையில், "அக்டோபர் 10, 2025 அன்று, SAT, செப்டம்பர் 29, 2025 அன்று நிறுவனம் மற்றும் மூன்று பிற அறிவிப்புகளுக்கு எதிராக செபி பிறப்பித்த உத்தரவு முழுவதையும் நிறுத்தி வைத்துள்ளது," எனத் தெரிவிக்கப்பட்டுள்ளது.

ஜூன் காலாண்டில் நிறுவனத்தின் நிகர லாபம் கடந்த ஆண்டின் ரூ19 கோடியிலிருந்து 45.2% அதிகரித்து ரூ 27.6 கோடியாக உயர்ந்துள்ளது. செயல்பாட்டு வருவாய் கடந்த ஆகஸ்ட் மாதத்தின் ரூ 749 கோடியிலிருந்து 0.9% குறைந்து ரூ742.1 கோடியாக இருந்தது.

நிறுவனம் தனது நிதி ஆண்டு 26-க்கான வருவாய் வளர்ச்சி இலக்கை சுமார் 20% ஆக மீண்டும் உறுதிப்படுத்தியது. நடப்பு நிதியாண்டின் இரண்டாவது பாதியில் வலுவான உற்பத்தி அட்டவணை மற்றும் நிலையான ஆர்டர் வரத்து காரணமாக, திறன் பயன்பாடு மேம்படும் என எதிர்பார்க்கப்படுகிறது. இதனால் இரண்டாவது பாதியில் வலுவான வளர்ச்சி ஏற்படும் என நம்பப்படுகிறது.கடந்த மூன்று ஆண்டுகளில் இந்தப் பங்கின் விலை 352% உயர்ந்துள்ளது. ஐந்து ஆண்டுகளில் 504% அதிகரித்துள்ளது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.