இந்த தீபாவளிக்கு ஆக்சிஸ் பரிந்துரைக்கும் பட்டாசு பங்குகள்!! ராக்கெட் வேகத்துல லாபம் தருமாம்!!

ஆக்சிஸ் செக்யூரிட்டிஸ், இந்த ஆண்டு தீபாவளி பண்டிகையின் போது முதலீடு செய்ய தகுந்த பங்குகளின் பட்டியலை வெளியிட்டுள்ளது. இந்த தீபாவளிக்கு முதலீடு செய்து அடுத்த ஆண்டு நல்ல லாபம் தரும் என நம்பும் ஒன்பது பங்குகளை அடையாளம் கண்டுள்ளது.

கோடக் மஹிந்திரா வங்கி, ஃபெடரல் வங்கி, ஜே.எஸ்.டபிள்யூ எனர்ஜி, கோபோர்ஜ், டாம்ஸ் இண்டஸ்ட்ரீஸ், ஷாலட் ஹோட்டல்ஸ், ரெயின்போ சில்ட்ரன்ஸ் மெடிகேர், மிண்டா கார்ப் மற்றும் கேஇசி இன்டர்நேஷனல் ஆகியவை இந்த பட்டியலில் அடங்கும். தங்களது தீபாவளி முஹூரத் பிக்ஸ் குறிப்பில், இந்திய பொருளாதார வளர்ச்சி மீது ஆக்சிஸ் செக்யூரிட்டிஸ் நம்பிக்கை தெரிவித்துள்ளது.

இந்திய பொருளாதாரம் ஒரு "திருப்புமுனையில்" இருப்பதாக ஆக்சிஸ் செக்யூரிட்டிஸ் கணித்துள்ளது. வளர்ச்சிக்கு உகந்த நிதி மற்றும் பணவியல் கொள்கைகள், வட்டி விகித குறைப்பு மற்றும் நுகர்வு அதிகரிப்பு ஆகியவை இதில் அடங்கும் என்று எதிர்பார்க்கப்படுகிறது. 2026ஆம் நிதியாண்டின் மூன்றாவது காலாண்டில் இருந்து பரந்த அடிப்படையிலான வருவாய் மீட்சி தொடங்கும் என ஆக்சிஸ் செக்யூரிட்டிஸ் நம்புகிறது.

ரெயின்போ சில்ட்ரன்ஸ் மெடிகேர் லிமிடெட்: 'வாங்கலாம்' என்ற மதிப்பீட்டுடன், ரூ. 1,625 என்ற இலக்கு விலையை நிர்ணயித்துள்ளது. இது 23 சதவீத உயர்வைக் குறிக்கிறது. குழந்தை நல சேவையில் நிறுவனத்தின் தலைமைத்துவம் சிறப்பாக இருப்பதாக கூறுகிறது.

டாம்ஸ் இண்டஸ்ட்ரீஸ் லிமிடெட்: ரூ. 3,110 என்ற இலக்கு விலையுடன், 22 சதவீத உயர்வை ஆக்சிஸ் எதிர்பார்க்கிறது. எழுதுபொருள் மீதான ஜி.எஸ்.டி சீர்திருத்தங்கள் நுகர்வை அதிகரிக்கும் என்றும், நிறுவனத்தின் தொடர்ச்சியான திறன் விரிவாக்கம் அதிகரித்து வரும் தேவையை பூர்த்தி செய்யும் என்றும் ஆக்சிஸ் கருதுகிறது.

கேஇசி இன்டர்நேஷனல் லிமிடெட்: ரூ. 1,030 என்ற இலக்கு விலையை அறிக்கை குறிப்பிடுகிறது. இது 20 சதவீத உயர்வை காட்டுகிறது. ரூ. 34,409 கோடி மதிப்புள்ள ஆர்டர் புத்தகமும், ஒரு பெரிய டெண்டர் வாய்ப்பும், இந்த பொறியியல், கொள்முதல் மற்றும் கட்டுமான நிறுவனத்திற்கு வலுவான வருவாய் வாய்ப்புகளை வழங்குகின்றன.

ஷாலட் ஹோட்டல்ஸ் லிமிடெட்: ரூ. 1,120 என்ற இலக்கு விலையை ஆக்சிஸ் செக்யூரிட்டிஸ் நிர்ணயித்துள்ளது. இது 19 சதவீத உயர்வைக் குறிக்கிறது. நிறுவனத்தின் பன்முகப்படுத்தப்பட்ட போர்ட்ஃபோலியோ மற்றும் தீவிர விரிவாக்கத் திட்டங்கள் வளர்ச்சியைத் தூண்டும் என்று எதிர்பார்க்கப்படுகிறது.

மிண்டா கார்ப்பரேஷன் லிமிடெட்: ரூ. 690 என்ற இலக்கு விலையுடன், 19 சதவீத உயர்வை ஆக்சிஸ் செக்யூரிட்டிஸ் பார்க்கிறது. பிரீமியம் தயாரிப்புகள், புதிய தொழில்நுட்பம் மற்றும் வலுவான மூலதனச் செலவு திட்டங்கள் ஆகியவை மிண்டா கார்ப் வளர்ச்சியின் உந்துசக்தியாக இருக்கும் என எதிர்பார்க்கப்படுகிறது.

கோடக் மஹிந்திரா வங்கி லிமிடெட்: ரூ. 2,500 என்ற இலக்கு விலையை நிர்ணயித்துள்ளது. இது 17 சதவீத உயர்வை குறிக்கிறது. 2025-28 நிதியாண்டுகளில் 17 சதவீதம் என்ற கூட்டு வளர்ச்சி விகிதத்துடன் கூடிய வலுவான கடன் வளர்ச்சியையும், 2026 நிதியாண்டின் மூன்றாவது காலாண்டில் இருந்து அதிகரிக்கும் லாபத்தையும் ஆக்சிஸ் எதிர்பார்க்கிறது.

ஃபெடரல் வங்கி லிமிடெட்: ரூ. 240 என்ற இலக்கு விலையுடன், 16 சதவீத உயர்வை எதிர்பார்க்கிறது. வங்கியின் நிகர வட்டி வரம்பு (NIMs) கீழ்மட்டத்தை அடைந்து, நிதி ஆண்டின் இரண்டாம் பாதியில் இருந்து வளர்ச்சி மீட்சியுடன் மேம்படும் என்று ஆக்சிஸ் சுட்டிக்காட்டுகிறது.

ஜே.எஸ்.டபிள்யூ எனர்ஜி லிமிடெட்: ரூ. 625 என்ற இலக்கு விலையுடன், 15 சதவீத உயர்வை ஆக்சிஸ் பார்க்கிறது. இந்நிறுவனம் 30.5 GW மின் உற்பத்தித் திறனைக் கொண்டுள்ளது. மேலும், புதுப்பிக்கத்தக்க ஆற்றல் மற்றும் சேமிப்புத் தீர்வுகளில் வலுவான கவனம் செலுத்துகிறது.

கோபோர்ஜ் லிமிடெட்: ரூ. 1,980 என்ற இலக்கு விலையை ஆக்சிஸ் நிர்ணயித்துள்ளது. இது 15 சதவீத உயர்வைக் குறிக்கிறது. $1.6 பில்லியன் மதிப்புள்ள ஆர்டர் புத்தகம் வலுவான வருவாய் வாய்ப்புகளை வழங்குகிறது. மேலும், மூலோபாய கையகப்படுத்துதல்கள் அதன் செயல்பாட்டு திறன்களை மேம்படுத்தும்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.