வரலாற்று சாதனை படைத்த பஜாஜ் ஹவுசிங் IPO.. ரூ.3.2 லட்சம் கோடி வாவ்.. இன்று பங்குகள் ஒதுக்கீடு.!

பஜாஜ் ஹவுசிங் ஃபைனான்ஸ் நிறுவனத்தின் ரூ.6,560 கோடி ஐபிஓ ஆனது நேற்று பல சாதனைகளைப் படைத்தது. அதன்படி ஏலத்தின் இறுதி நாளில் ஐபிஓ 64 மடங்கு சந்தா செலுத்தப்பட்டது. இது இந்தியாவின் வளர்ந்து வரும் முதன்மை சந்தைகளின் வளர்ச்சியை காட்டுகிறது. இந்த ஐபிஓ கிட்டத்தட்ட ரூ.3.23 லட்சம் கோடி மதிப்புள்ள ஏலங்களை பெற்றது. இது இந்திய முதன்மை சந்தை வரலாற்றில் இதுவரை இல்லாத அளவுக்கு அதிகமாக உள்ளது.

முந்தைய சாதனையை கோல் இந்தியா நிறுவனம் வைத்திருந்தது, கடந்த 2010 அக்டோபரில் ரூ.15,500 கோடியை மொத்தம் ரூ.2.36 லட்சம் கோடி ஏலம் மூலம் பெற்றது. அப்போது ஐபிஓவிற்கும் 8.9 மில்லியன் விண்ணப்பங்கள் வந்திருந்த நிலையில் அது டாடா டெக்னாலஜிஸ் சாதனையை முறியடித்தது.

கடந்த ஆண்டு நவம்பரில் டாடா டெக்னாலஜிஸ் ரூ.3,042.5 கோடி ஐபிஓ 69 முறை சந்தா செலுத்தப்பட்டது, மொத்த ஏலம் ரூ.1.56 லட்சம் கோடி ஆகும். அதேபோல், பிரீமியர் எனர்ஜிஸ் நிறுவனத்தின் ரூ.2,830 கோடி பொது வெளியீடு கடந்த மாதம் ரூ.1.48 லட்சம் கோடிக்கும் அதிகமான ஏலங்களைப் பெற்றது. இதற்கிடையில், பஜாஜ் ஹவுசிங் ஐபிஓ 8.9 மில்லியன் விண்ணப்பங்களைப் பெற்று, டாடா டெக்னாலஜிஸ் வைத்திருந்த முந்தைய சாதனையான 7.36 மில்லியனை முறியடித்து புதிய சாதனை படைத்தது. கடந்த ஆண்டு நவம்பரில் எல்ஐசியின் 7.34 மில்லியன் விண்ணப்பங்களின் முந்தைய சாதனையை டாடா டெக்னாலஜிஸ் முறியடித்துள்ளது.

பஜாஜ் ஹவுசிங் ஃபைனான்ஸ் 727.6 மில்லியன் பங்குகளுக்கு எதிராக 46.3 பில்லியன் பங்குகளுக்கான ஏலங்களைப் பெற்றது. இது நிறுவன சாராத முதலீட்டாளர்கள் (NIIs) மற்றும் தகுதிவாய்ந்த நிறுவன வாங்குபவர்களின் (QIBs) வலுவான தேவையால் வந்தது. QIB பகுதி 209.36 மடங்கு சந்தா செலுத்தப்பட்டது. அதே சமயம் நிறுவனம் அல்லாத முதலீட்டாளர்கள் அல்லது அதிக மதிப்புள்ள தனிநபர்களுக்கு 41.51 மடங்கு சந்தா செலுத்தப்பட்டது. சில்லறை முதலீட்டாளர்கள் தங்களுக்கு ஒதுக்கப்பட்ட பங்குகளை விட 7.04 மடங்கு சந்தா செலுத்தியுள்ளனர். மேலும் பங்குதாரர்களுக்கு ஒதுக்கப்பட்ட பகுதி 17.5 மடங்கு சந்தா பெற்றுள்ளது.

இதற்கிடையில், பஜாஜ் ஹவுசிங் ஃபைனான்ஸ் ஐபிஓவுக்கான பங்கு ஒதுக்கீடு இன்று இறுதி செய்யப்படும் என எதிர்பார்க்கப்படுகிறது. முதலீட்டாளர்கள் மும்பை பங்குச் சந்தை பிஎஸ்இ அல்லது பதிவாளரின் இணையதளம் வழியாக தங்கள் ஒதுக்கீடு நிலையைச் சரிபார்க்கலாம். நிறுவனத்தின் பங்குகள் பட்டியலிடப்படாத சந்தையில் 96% பிரீமியத்துடன் செப்டம்பர் 16 அன்று பட்டியலிடப்படும்.

முதலீட்டாளர்கள் லாட்டரி அடிப்படையில் பங்குகளைப் பெறுவார்கள் மற்றும் முழு செயல்முறையும் பதிவாளரால் கண்காணிக்கப்பட்டது. ஒதுக்கீட்டுத் தேதியில், முதலீட்டாளர்கள் தங்களுக்கு ஒதுக்கப்பட்ட பங்குகளின் எண்ணிக்கையைப் பற்றி ஏலத்தில் தெரிந்து கொள்ளலாம்.

முதலீட்டாளர்கள் பிஎஸ்இ மூலமாகவோ அல்லது பதிவாளரின் இணையதளத்தைப் பார்வையிடுவதன் மூலமாகவோ ஒதுக்கீடு நிலையைச் சரிபார்க்கலாம். முதலில் பிஎஸ்இ இணையதளத்தில் ஒதுக்கீட்டு நிலையை எப்படி சரிபார்க்கலாம்

ஸ்டெப் 1: BSE இணையதளமான (https://www.bseindia.com/investors/appli_check.aspx) பார்வையிடவும்

ஸ்டெப் 2: பின்னர் ஐபிஓ பெயரை தேர்ந்தெடுக்கவும்,

ஸ்டெப் 3: ஒதுக்கீடு நிலையைச் சரிபார்க்க விண்ணப்ப எண் அல்லது பான் எண்ணை உள்ளிடவும்.

இந்த ஐபிஓவில் லிங்க் இன்டைம் இந்தியா என்ற பதிவாளர் மூலம் பஜாஜ் ஹவுசிங் ஃபைனான்ஸ் IPO ஒதுக்கீட்டின் நிலையைச் சரிபார்க்கலாம்.

ஸ்டெப் 1: Kfin Technologies இணையதளமான (https://rtiop.kfintech.com/ipostatus/) பார்வையிடவும்

ஸ்டெப் 2: பஜாஜ் ஹவுசிங் ஃபைனான்ஸ் ஐபிஓவைத் தேர்ந்தெடுக்கவும்

ஸ்டெப் 3: பான் விவரங்களை உள்ளிட்டு, ஒதுக்கீட்டு நிலையை சரிபார்க்கலாம்.

நிறுவனத்தின் பங்குகள் செப்டம்பர் 16 அன்று எக்ஸ்சேஞ்ச்களில் பட்டியலிடப்படும் என்று எதிர்பார்க்கப்படுகிறது. பட்டியலிடப்படாத சந்தையில், நிறுவனத்தின் பங்குகள் ரூ.69 ஜிஎம்பியுடன் வர்த்தகம் செய்யப்படுகின்றன. இது வெளியீட்டு விலையில் 96% பிரீமியமாக உள்ளது.

பஜாஜ் ஹவுசிங் ஃபைனான்ஸ் ஐபிஓ சந்தா வெளியீட்டு தொடக்கத்திற்கு முன்னதாக, நிறுவனம் ஜேபி மோர்கன், மோர்கன் ஸ்டான்லி, நோமுரா மற்றும் எச்டிஎஃப்சி மியூச்சுவல் ஃபண்ட் உள்ளிட்ட மார்க்கீ ஆங்கர் முதலீட்டாளர்களிடமிருந்து ரூ.1,758 கோடி திரட்டியுள்ளது.

பொதுச் சலுகையிலிருந்து கிடைக்கும் நிகர வருமானம், நிறுவனத்தின் எதிர்கால வணிகத் தேவைகளைப் பூர்த்தி செய்ய, கடன் வழங்குவதற்காக நிறுவனத்தின் மூலதனத் தளத்தை அதிகரிக்கப் பயன்படுத்தப்படும்.

பஜாஜ் ஹவுசிங் ஃபைனான்ஸ் என்பது செப்டம்பர் 2015 முதல் நேஷனல் ஹவுசிங் வங்கியில் பதிவுசெய்யப்பட்ட டெபாசிட்-எடுக்காத ஹவுசிங் ஃபைனான்ஸ் ஆகும். இது குடியிருப்பு மற்றும் வணிக சொத்துக்களை வாங்குவதற்கும் புதுப்பிப்பதற்கும் பொருத்தமான நிதி தீர்வுகளை வழங்குகிறது. இந்தியாவில் உள்ள RBI ஆல் இது ஒரு உயர்-அடுக்கு NBFC என அடையாளம் காணப்பட்டு வகைப்படுத்தப்பட்டுள்ளது மற்றும் அதன் விரிவான அடமான தயாரிப்புகளில் வீட்டுக் கடன்கள், சொத்துக்கு எதிரான கடன்கள், குத்தகை வாடகை தள்ளுபடி மற்றும் டெவலப்பர் நிதியுதவி ஆகியவை அடங்கும்.

நிறுவனம் முதன்மையாக தனிப்பட்ட சில்லறை வீட்டுக் கடன்களில் கவனம் செலுத்துகிறது. பல்வேறு வணிக மற்றும் டெவலப்பர் கடன்களால் இயங்குகிறது. வீடு வாங்குபவர்கள் முதல் பெரிய டெவலப்பர்கள் வரை வாடிக்கையாளர்களுக்கு சேவை செய்கிறது.

2023-24 நிதியாண்டில், நிறுவனம் சுமார் ரூ. 1,731 கோடி நிகர லாபத்தை ஈட்டியுள்ளது. இது நிதியாண்டில் ரூ. 1,258 கோடியிலிருந்து 38% வளர்ச்சியைக் குறிக்கிறது. இதே காலகட்டத்தில் நிகர வருமானம் ஆண்டுக்கு ஆண்டு 34% அதிகரித்து ரூ.7,618 கோடியாக உள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.