சரிவை பற்றி கவலைப்படாதீங்க.. இந்த 3 பங்குகளை வாங்கி போடுங்க.. லாபம் கன்ஃபார்ம்

டிரம்பின் பரஸ்பர வரி விதிப்பின் விளைவாக, சர்வதேச அளவில் வர்த்தக போர் வெடிக்கும் என்ற அபாயம் மற்றும் அமெரிக்கா மந்தநிலைக்குள் செல்லும் என்ற அச்சம் போன்ற காரணங்களால் சர்வதேச அளவில் பங்குச் சந்தைகள் பலத்த சரிவை சந்தித்து வருகின்றன. இந்திய பங்குச் சந்தைகளும் அதற்கு விதிவிலக்கு அல்ல. மும்பை பங்குச் சந்தையின் குறியீட்டு எண் சென்செக்ஸ் 3,900 புள்ளிகளுக்கு மேல் சரிந்தது. பெரும்பாலான பங்குகளின் விலை கடுமையாக சரிந்தது.

இது போன்ற சூழ்நிலைகளில் பெரும்பாலான முதலீட்டாளர்கள் முதலீடு செய்ய தயங்குவர். ஆனால் பொதுவாக பங்குச் சந்தை சரிவின்போது தான் துணிந்து முதலீடு செய்ய வேண்டும் என்று நிபுணர்கள் பரிந்துரை செய்கின்றனர். இந்நிலையில், அடுத்த 12 மாதங்களில் நல்ல ஆதாயம் தர வாய்ப்புள்ள சில்லரை விற்பனை, லாஜிஸ்டிக்ஸ், வர்த்தக வாகனம் ஆகிய 3 துறைகளை சேர்ந்த 3 நிறுவன பங்குகளை பங்கு தரகு நிறுவனங்கள் பரிந்துரை செய்துள்ளன. அந்த பங்குகளை பார்ப்போம்.

டிரெண்ட்
டாடா குழுமத்தை சேர்ந்த சில்லரை விற்பனை சங்கிலித்தொடர் நிறுவனம் டிரெண்ட். தரகு நிறுவனமான ஆன்டிகியுக், டிரெண்ட் நிறுவனம் தொடர்பான தனது மதிப்பீடான வாங்கலாம் என்பதை தொடர்ந்து பராமரிக்கிறது. அதேசமயம் டிரெண்ட் நிறுவன பங்கின் இலக்கு விலையை ரூ.6,801ஆக குறைத்து நிர்ணயம் செய்துள்ளது. முன்பு இலக்கு விலையை ரூ.7,363ஆக மதிப்பீட்டு இருந்தது.கடந்த வெள்ளிக்கிழமையன்று மும்பை பங்குச் சந்தையில் வர்த்தக முடிவில் இப்பங்கின் விலை ரூ.5,561.25ஆக இருந்தது.ஆக வரும் மாதங்களில் இப்பங்கின் விலை கடந்த வர்த்தக தின முடிவு விலையை காட்டிலும் 22 சதவீதம் உயரும் என எதிர்பார்க்கப்படுகிறது.

டெல்லிவரி
நாட்டின் மிகப்பெரிய முழுமையாக ஒருங்கிணைக்கப்பட்ட லாஜிஸ்டிக்ஸ் சேவை வழங்கும் நிறுவனம் டெல்லிவரி. இந்நிறுவனம் தற்சமயம் நாட்டில் மொத்தமுள்ள பின் கோடு உள்ள ஊர்களில் 97 சதவீத ஊர்களில் இந்நிறுவனம் சேவை வழங்கி வருகிறது. பங்கு தரகு நிறுவனமான எம்கே, டெல்லிவரி நிறுவனத்துக்க வாங்கலாம் என்ற மதிப்பீட்டை அளித்துள்ளது. மேலும் இப்பங்கின் இலக்கு விலையை ரூ.400ஆக நிர்ணயம் செய்துள்ளது. இது கடந்த வர்த்தக தினத்தில் முடிந்த இப்பங்கின் விலையிலிருந்து 55 சதவீதம் அதிகரிக்கும் என்பதை குறிக்கிறது.கடந்த வெள்ளிக்கிழமையன்று மும்பை பங்குச் சந்தையில் வர்த்தக முடிவில் இப்பங்கின் விலை ரூ.258.25ஆக இருந்தது.

அசோக் லேலண்ட்
அசோக் லேலண்ட் நாட்டின் முன்னணி பயணிகள் மற்றும் வர்த்தக வாகன தயாரிப்பு நிறுவனங்களில் ஒன்றாகும். தரகு நிறுவனமான இன்க்ரெட் ஈக்விடீஸ், அசோக் லேலண்ட் நிறுவன பங்குக்கு ADD என்ற மதிப்பீட்டை வாங்கலாம். அதாவது இந்த பங்குகளை கூடுதலாக வாங்கி சேர்க்கலாம். இப்பங்கின் விலையை ரூ.265ஆக நிர்ணயித்துள்ளது. இது கடந்த வெள்ளிக்கிழமையன்று மும்பை பங்குச் சந்தையில் வர்த்தக முடிவில் வர்த்தகம் செய்யப்பட்ட ரூ.205.35 என்ற விலையிலிருந்து 29 சதவீதம் அதிகரிக்கும் என்பதற்கான வாய்ப்புகளை குறிக்கிறது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.