தீபாவளியன்று இந்திய பங்குச்சந்தைகள் செயல்படுமா? முகூரத் டிரேடிங் எந்த நாளில் நடக்கும்?

இந்த ஆண்டு தீபாவளி பண்டிகைக்கான பங்குச் சந்தை விடுமுறைகள் மற்றும் முகூரத் வர்த்தக அட்டவணை குறித்த முழு விவரங்கள் வெளியாகியுள்ளன. ஒவ்வொரு வருடமும் தீபாவளியன்று இந்து புத்தாண்டு (சாம்வத் 2082) தொடங்குவதைக் குறிக்கும் வகையில் சிறப்பு முகூரத் வர்த்தக அமர்வு நடைபெறும்.

இந்தியப் பங்குச் சந்தை இந்த தீபாவளி காலத்தில் தொடர்ந்து நான்கு நாட்கள் மூடப்பட்டிருக்கும். மும்பை பங்குச் சந்தை (BSE) மற்றும் தேசிய பங்குச் சந்தை (NSE) அக்டோபர் 19, 21, 22 ஆகிய தேதிகளிலும், வார இறுதி நாட்களிலும் செயல்படாது.

அக்டோபர் 19 ஞாயிற்றுக்கிழமை தன்தேரஸ், அக்டோபர் 21 தீபாவளி (லட்சுமி பூஜை), அக்டோபர் 22 பாலிப்ரதிபாதா ஆகிய நாட்களுடன் வார இறுதி நாட்களும் சேர்ந்து விடுமுறை நாட்களாகும். மல்டி-கம்மாடிட்டி எக்ஸ்சேஞ்ச் (MCX) மற்றும் கரன்சி டெரிவேடிவ்களும் இந்த நான்கு நாள் விடுமுறையைக் கடைப்பிடிக்கும் என அறிவிக்கப்பட்டுள்ளது.

தீபாவளி பங்குச் சந்தை விடுமுறை நாட்கள்:

• அக்டோபர் 21: தீபாவளி (லட்சுமி பூஜை)
• அக்டோபர் 22: பாலிப்ரதிபாதா

NSE மற்றும் BSE வெளியிட்ட சுற்றறிக்கைகளின்படி, தீபாவளி முகூரத் வர்த்தக அமர்வு அக்டோபர் 21 அன்று பிற்பகல் 1:45 மணி முதல் 2:45 மணி வரை நடைபெறும். வர்த்தக மாற்றங்கள் பிற்பகல் 2:55 மணி வரை அனுமதிக்கப்படும் என அறிவிக்கப்பட்டடுள்ளது.

இந்த நாளில் செய்யப்படும் அனைத்து வர்த்தகங்களும் தீர்வு கடமைகளுக்கு உட்பட்டவை என்று NSE அதன் சுற்றறிக்கையில் குறிப்பிட்டுள்ளது. வழக்கமாக மாலையில் நடைபெறும் இந்த ஒரு மணி நேர வர்த்தக அமர்வு, இந்த ஆண்டு பிற்பகலில் நடைபெறுகிறது.

இந்த அமர்வில் ஈக்விட்டிகள், கமாடிட்டி டெரிவேடிவ்கள், கரன்சி டெரிவேடிவ்கள், ஈக்விட்டி ஃப்யூச்சர்ஸ் & ஆப்ஷன்கள் மற்றும் செக்யூரிட்டிஸ் லெண்டிங் & பாரோயிங் (SLB) உள்ளிட்ட பல பிரிவுகளில் வர்த்தகம் மேற்கொள்ளலாம்.

வரலாற்று ரீதியாக, முகூரத் வர்த்தகம் பெரும்பாலும் நேர்மறையாகவே இருந்துள்ளது. கடந்த 16 ஆண்டுகளில் 13 முறை பெஞ்ச்மார்க் குறியீடுகள் ஏற்றத்தில் முடிந்துள்ளன, இருப்பினும் வர்த்தக அளவு குறைவாக இருக்கும். 2024 ஆம் ஆண்டில், பண்டிகை அமர்வில் BSE சென்செக்ஸ் 335 புள்ளிகள் (0.42%) உயர்ந்து 79,724 ஆகவும், நிஃப்டி 50 99 புள்ளிகள் (0.41%) அதிகரித்து 24,304 ஆகவும் இருந்தன.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.