தீபாவளி சிறப்பு வர்த்தகம் வரப்போகுது.. இந்த 6 பங்குகளில் காத்திருக்கும் ஜாக்பாட்..!!

ஒவ்வொரு ஆண்டும் தீபாவளி பண்டிகையின்போது, ​​பங்குச் சந்தையில் தீபாவளி சிறப்பு வர்த்தகம் நடத்தப்படுகிறது. மாலையில் குறிப்பிட்ட ஒரு மணி நேரம் மட்டுமே நடக்கும் சிறப்பு வர்த்தகம் இது. இம்முறை இந்த சிறப்பு வர்த்தகம் நவம்பர் 1ஆம் தேதி மாலை 6 மணி முதல் 7 மணி வரை நடைபெறும். இந்த சிறப்பு நேர வர்த்தகத்தில் எந்த பங்குகளை வாங்கலாம், எந்த பங்குகளை வாங்கினால் இனி வரும் காலங்களில் ஏற்றம் இருக்கும் என்பது குறித்து ஆய்வாளர்கள் சிலர் பரிந்துரை செய்துள்ளனர்.

தீபாவளி பண்டிகை நெருங்கி வருகிறது. இந்த நேரத்தில் ஷாப்பிங் செலவுகளும் அதிகரித்து வருகிறது. குறிப்பாக தங்கம் வாங்குவது மங்களகரமானது என்பது நம்பிக்கை. தீபாவளியன்று மேற்கொள்ளப்படும் எந்த வேலையும் வெற்றியைத் தரும் என்று இந்தியர்கள் நம்புகிறார்கள். தீபாவளி நாளில் பங்குச் சந்தையில் வியாபாரம் செய்தால், அடுத்த தீபாவளி வரை லாபம் கிடைக்கும் என்ற நம்பிக்கையும் உள்ளது. அதனால்தான், தீபாவளியன்று விடுமுறையாக இருந்தாலும், பங்குச் சந்தைகள் இந்த சிறப்பு வர்த்தகத்தை ஒரு மணி நேர இடைவெளியில் நடத்துகின்றன. இது ஒரு சிறப்பு அமர்வு என்றே சொல்லலாம்.

தீபாவளி சிறப்பு வர்த்தகம் ஒரு மணி நேரம் மட்டுமே நடத்தப்பட்டாலும், பரிவர்த்தனைகள் தீவிரமாக இருக்கும். குறியீடுகள் லாபம் மற்றும் இழப்புகளுக்கு இடையில் ஏற்ற இறக்கமாக இருக்கும். இந்த வர்த்தகத்தில் பங்குகள் பெரும்பாலும் வாங்கப்படுகின்றன. இந்நாளில் பங்குகளை வாங்கினால் அதிக லாபம் கிடைக்கும்.

இதற்கிடையில், ப்ரோக்கரேஜ் நிறுவனமான ஃபண்ட்ஸ் இந்தியா சில பங்குகளை தீபாவளி சிறப்பு வர்த்தகத்தில் வாங்க வேண்டிய பங்குகள் குறித்து அறிவுறுத்தியுள்ளது. இப்போது தீபாவளி அன்று இந்தப் பங்குகளில் முதலீடு செய்தால், அடுத்த தீபாவளி வரை நல்ல லாபத்தைத் தரும். எந்தப் பங்குகளை எந்த விலையில் வாங்கலாம்? இலக்கு விலை, ஸ்டாப் லாஸ் போன்ற தகவல்கள் இங்கே உள்ளன. மத்திய கிழக்கு நாடுகளில் அரசியல் மற்றும் புவிசார் அரசியல் பதட்டங்களின் பின்னணியில் சந்தைகளில் மந்தமான போக்கு காணப்படுகிறது. இந்த சூழலில் சில தரமான பங்குகளை சந்தை வல்லுநர்கள் பரிந்துரைத்துள்ளனர்.

கல்யாண் ஜூவல்லர்ஸ் நிறுவனத்தின் பங்குகளை வாங்கலாம். இதன் வாங்கும் விலை ரூ. 676. இலக்கு விலை ரூ. 846. அதாவது ஒப்பிடும்போது ஒரு வருடத்தில் சுமார் 25% லாபம் எதிர்பார்க்கலாம் என்று கூறப்படுகிறது.

சென்ட்ரல் டெபாசிட்டரி சர்வீசஸ் லிமிடெட் (CDSL) பங்குகளை வாங்கலாம். இதன் வாங்கும் விலை ரூ. 1461, இலக்கு விலை ரூ. 1845, இது தற்போதைய விலையை விட சுமார் 26 சதவீதம் அதிகமாகும்.

JSW எனர்ஜி லிமிடெட் நிறுவனத்தின் பங்குகளை வாங்கலாம். விலை ரூ. 670, இதன் இலக்கு விலை ரூ. 825 ஆகும். இது அதன் தற்போதைய விலையை விட 23 சதவீதம் அதிகம் ஆகும்.

ஃபெடரல் வங்கி நிறுவனத்தின் பங்குகளை வாங்கலாம். இதன் வாங்கும் விலை ரூ. 189, இதன் இலக்கு விலை ரூ. 325 ஆகும். இது அதன் தற்போதைய விலையை விட 24 சதவீதம் அதிகமாகும்

மேன்கைண்ட் பார்மா பங்குகளை வாங்கலாம். இதன் வாங்கும் விலை ரூ. 2566, இதன் இலக்கு விலை ரூ. 3158, இது அதன் தற்போதைய விலையை விட 23 சதவீதம் அதிகம் ஆகும்.

வெல்ஸ்பன் கார்ப்பரேஷன் நிறுவனத்தின் பங்குகளை வாங்கலாம். இதன் விலை ரூ. 681 ஆகும். இதன் இலக்கு விலை ரூ. 840. இது அதன் தற்போதைய விலையை விட சுமார் 23 சதவீதம் அதிகமாக இருக்கும் என மதிப்பிடப்பட்டுள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.