5 ஆண்டுகளில் 1205% Profit கொடுத்த மல்டிபேக்கர் பங்கு.. முதலீடுகளை குவித்த ஆஷிஷ் கச்சோலியா..!!

ரசாயனத் துறையைச் சேர்ந்த ஸ்மால் கேப் வகைப் பங்கான ஃபினியோடெக் கெமிக்கல் (Fineotex Chemical Limited) பங்குகள், கடந்த ஐந்து ஆண்டுகளில் அதன் பங்குதாரர்களுக்கு 1205 சதவிகிதம் வருமானம் கொடுத்த நிலையில் மல்டிபேக்கர் பங்காக மாறியுள்ளது. இந்த நிறுவனத்தில் பிரபல ஏஸ் முதலீட்டாளரான ஆஷிஷ் கச்சோலியா ரூ. 106.2 கோடி மதிப்புள்ள 2.74 சதவீதம் (அதாவது 31,35,568 பங்குகள்) பங்குகளை வைத்துள்ளார்.

இந்த நிறுவனத்தில் ஆஷிஷ் கச்சோலியா மட்டுமின்றி வெளிநாட்டு நிறுவன முதலீட்டாளர்களுக்கும் இந்த பங்குகளில் பெரும் பங்குகளை வைத்துள்ளனர். நடப்பு நிதியாண்டின் முதல் காலாண்டில் எஃப்ஐஐகள் நிறுவனத்தில் 3.14 சதவீத பங்குகளை வைத்திருந்த நிலையில், இரண்டாவது காலாண்டில் அது 3.28 சதவீதமாக அதிகரித்துள்ளது.

இந்நிறுவனத்தின் பங்குக் கண்ணோட்டத்தைப் பார்த்தால், இன்றைய வர்த்தகத்தில் ஃபினியோடெக் கெமிக்கல் லிமிடெட் நிறுவனத்தின் பங்கு விலை சுமார் 0.9 சதவீதம் குறைந்து ரூ. 340ல் முடிந்தது. 52 வாரங்களில் அதிகபட்சமாக ரூ. 458.85 ஆகவும், 52 வாரங்களில் குறைந்தபட்சமாக ரூ. 303.80 அக உள்ளது.

இந்தப் பங்கு கடந்த வாரத்தில் சுமார் 1 சதவிகிதம் இழந்துள்ளது, கடந்த மாதத்தில் இந்தப் பங்கு சுமார் 5 சதவிகிதம் உயர்ந்துள்ளது. அதேபோல் இந்தப் பங்கு கடந்த ஆறு மாதங்களில் சுமார் 10 சதவிகிதம் இழந்துள்ளது. கடந்த ஆண்டில் இந்தப் பங்கு சுமார் 0.06 சதவிகிதம் உயர்ந்துள்ளது. அதேபோல், கடந்த ஐந்து ஆண்டுகளில் 1205 லாபம் அதன் பங்குதாரர்களுக்கு வழங்கப்பட்டது. தற்போது இந்த நிறுவனத்தின் சந்தை மதிப்பு சுமார் ரூ. 3930 கோடி ஆகும்.

நிறுவனத்தின் விவரத்திற்கு வரும்போது, ​​ஃபினியோடெக் கெமிக்கல் லிமிடெட், நாட்டில் ஜவுளி ரசாயனங்களை உற்பத்தி செய்யும் ஒரே நிறுவனமாகப் புகழ் பெற்று விளங்குகிறது. இந்த நிறுவனம் முக்கியமாக ஜவுளி, ஆடைத் தொழில்கள், நீர் சுத்திகரிப்புத் தொழில், தோல் தொழில், கட்டுமானத் தொழில், பெயிண்ட் தொழில், வேளாண் இரசாயனத் தொழில் உள்ளிட்ட பல்வேறு தொழில்களுக்கான சிறப்பு செயல்திறன் இரசாயனங்களை உற்பத்தி செய்கிறது.

இந்த நிறுவனம் 1979 இல் சுரேந்திர திப்ரேவாலாவால் நிறுவப்பட்டது. மேலும் இந்த நிறுவனம் மும்பையின் நிதி தலைநகரில் தனது செயல்பட்டு வருகிறது. இந்த நிறுவனத்தில் ஜூன் 2024 வரை மொத்தம் 205 ஊழியர்கள் பணிபுரிகின்றனர்.