வெளிநாட்டு முதலீட்டாளர்கள் அதிகம் முதலீடு செய்துள்ள பென்னி ஸ்டாக்ஸ்: இப்போ வாங்குனா லாபமா?

வெளிநாட்டு முதலீட்டாளர்கள் இந்திய சந்தையில் பென்னி ஸ்டாக்குகளை தேடி தற்போது அதிக முதலீடுகளை மேற்கொண்டுள்ளனர். இந்த பங்குகள், தங்கள் குறைந்த விலையுடன், உலகளாவிய முதலீட்டாளர்களின் நம்பிக்கையையும் ஒருங்கே கொண்டுள்ளன. இதனால், இவை வலுவான வளர்ச்சி வாய்ப்புகளைப் பெற்றுள்ளதாகக் கருதப்படுகிறது.

வெளிநாட்டு நிறுவன முதலீட்டாளர்கள் (FIIs), ஒரு நிறுவனத்தின் வளர்ச்சி வாய்ப்புகள், நிர்வாகத் தரநிலைகள் மற்றும் நீண்டகால அடிப்படைக் காரணிகள் ஆகியவற்றை ஆய்வு செய்த பின்னரே முதலீடு செய்வார்கள். எனவே, இத்தகைய சிறிய நிறுவனங்களில் அவர்களின் இருப்பு, சில்லறை முதலீட்டாளர்களுக்கும் நம்பிக்கையை விதைக்கிறது.

ஸ்ட்ராட்மாண்ட் இண்டஸ்ட்ரீஸ் லிமிடெட் (Stratmont Industries Ltd) : 1984 இல் மும்பையில் தொடங்கப்பட்ட ஸ்ட்ராட்மாண்ட் இண்டஸ்ட்ரீஸ் லிமிடெட், நிலக்கரி, எஃகு மற்றும் உலோக வர்த்தகம், உலோகப் பொருட்கள், டிஎம்டி பில்லெட்டுகள், ஃபெரோ அலாய்கள் மற்றும் தொழில்துறை உபகரணங்கள் தயாரித்தல் போன்ற பல்வேறு துறைகளில் செயல்படுகிறது. இது புதுப்பிக்கத்தக்க எரிசக்தி மற்றும் நிலக்கரி அடிப்படையிலான மின் திட்டங்கள், ரியல் எஸ்டேட் மேம்பாடு, சிவில் ஒப்பந்தப் பணிகள் மற்றும் பல்வேறு பொருட்கள், ரசாயனங்கள், மருந்துகள், ஆட்டோ பாகங்கள் வர்த்தகம் ஆகியவற்றிலும் ஈடுபட்டுள்ளது.

இந்த நிறுவனத்தின் சந்தை மதிப்பு ரூ. 195.89 கோடி. இதன் ஒரு பங்கு ரூ. 68.74 க்கு வர்த்தகமாகிறது. இதன் P/E விகிதம் 144x ஆக உள்ளது, இது தொழில்துறை P/E விகிதமான 39.8x ஐ விட அதிகம். நிறுவனத்தின் நிதி நிலை, 7.15 சதவீத ROCE, 7.8 சதவீத ROE மற்றும் 0.54 D/E விகிதம் ஆகியவற்றின் மூலம் சுட்டிக்காட்டப்படுகிறது.

ஜூன் 2025 நிலவரப்படி, 28.07 சதவீத பங்குகள், வெளிநாட்டு முதலீட்டாளர்களின் வசம் உள்ளன. பிரமோட்டர்களின் பங்குகள் 67.58 சதவீதமும், உள்நாட்டு நிறுவன முதலீட்டாளர்களின் பங்குகள் 0.03 சதவீதமும், பொதுமக்களின் பங்குகள் 4.33 சதவீதமும் உள்ளன.

லீடிங் லீச்ங் ஃபைனான்ஸ் & இன்வெஸ்ட்மெண்ட் (Leading leasing finance) : 1983 இல் மும்பையில் நிறுவப்பட்ட லீடிங் லீசிங் ஃபைனான்ஸ் அண்ட் இன்வெஸ்ட்மென்ட் கம்பெனி லிமிடெட், இந்தியாவில் முதலீடு, குத்தகை மற்றும் நிதிச் சேவைகளை வழங்குகிறது. இது தொழில்துறை நிறுவனங்களுக்கு நிதி வழங்குதல், பத்திர வர்த்தகம் மற்றும் உபகரணங்கள், இயந்திரங்கள், வாகனங்கள் மற்றும் வணிக மற்றும் தொழில்துறை நோக்கங்களுக்கான ரியல் எஸ்டேட் ஆகியவற்றுக்கான குத்தகை தீர்வுகளை வழங்குகிறது.

இதன் சந்தை மதிப்பு ரூ. 288.09 கோடி. ஒரு பங்கு ரூ. 5.30 க்கு வர்த்தகமாகிறது. நிறுவனத்தின் P/E விகிதம் 38.9x ஆக உள்ளது, இது தொழில்துறை P/E விகிதமான 22.9x ஐ விட அதிகம். நிறுவனத்தின் நிதி நிலை 7.82 சதவீத ROCE, 5.56 சதவீத ROE மற்றும் 3.99 D/E விகிதம் ஆகியவற்றால் சுட்டிக்காட்டப்படுகிறது.

ஜூன் 2025 நிலவரப்படி, 56 சதவீத பங்குகள், வெளிநாட்டு முதலீட்டாளர்கள் வசம் இருப்பது, அவர்களின் வலுவான நம்பிக்கையையும், அதன் வளர்ச்சி மற்றும் நீண்டகால வாய்ப்புகளையும் பிரதிபலிக்கின்றன. பொதுமக்களின் பங்குகள் 44.01 சதவீதமாக உள்ளன.

மிட்கான் கன்சல்டன்சி (mitcon consultancy &engineering): 1982 இல் புனேவில் நிறுவப்பட்ட மிட்கான் கன்சல்டன்சி & இன்ஜினியரிங் சர்வீசஸ் லிமிடெட், இந்தியாவில் ஆலோசனை, பயிற்சி மற்றும் திட்ட சேவைகளை வழங்குகிறது. இது புதுப்பிக்கத்தக்க எரிசக்தி, நிலைத்தன்மை, உயிரி எரிபொருட்கள், பசுமை வேதியியல், உள்கட்டமைப்பு, காற்றாலை மற்றும் சூரிய மின் திட்டங்கள், மேலும் துல்லியமான விவசாயம் மற்றும் சுற்றுச்சூழல் மேலாண்மைக்கான AI/ML தீர்வுகளில் நிபுணத்துவம் பெற்றது.

இதன் சந்தை மதிப்பு ரூ. 115.85 கோடி. ஒரு பங்கு ரூ. 66.51 க்கு வர்த்தகமாகிறது. இது முந்தைய நாள் முடிவில் ரூ. 67.93 ஆக இருந்தது. நிறுவனத்தின் P/E விகிதம் 29.3x ஆக உள்ளது, இது தொழில்துறை P/E விகிதமான 29.3x க்கு சமம். 4.59 சதவீத ROE, 8.17 சதவீத ROCE மற்றும் 0.89 D/E விகிதம் ஆகியவை நிறுவனத்தின் நிதி நிலையைக் காட்டுகின்றன.

ஜூன் 2025 நிலவரப்படி, 17.94 சதவீத FII பங்குகள், அதன் செயல்திறன் மற்றும் எதிர்கால கண்ணோட்டத்தில் வலுவான வெளிநாட்டு முதலீட்டாளர் நம்பிக்கையை எடுத்துக்காட்டுகிறது. அரசு பங்குகள் 4.64 சதவீதமும், உள்நாட்டு நிறுவன முதலீட்டாளர்களின் பங்குகள் 2.23 சதவீதமும், பொதுமக்களின் பங்குகள் 75.19 சதவீதமும் உள்ளன.

ஓரியண்ட் செரடெக் லிமிடெட் (orient ceratech ltd) :1971 இல் மும்பையில் நிறுவப்பட்ட ஓரியண்ட் செரடெக் லிமிடெட், இந்தியாவில் அலுமினிய ரீஃப்ராக்டரிகள், மோனோலித்திக் பொருட்கள் மற்றும் பாக்சைட் தாதுக்களை உற்பத்தி செய்து வர்த்தகம் செய்கிறது. இது பல்வேறு அலுமினிய மற்றும் முல்லைட் பொருட்கள், ரீஃப்ராக்டரி மோர்டார்கள் மற்றும் காஸ்டபிள்ஸ், செராமிக் மற்றும் சிலிக்கா ப்ரோப்பண்ட்ஸ், ஃபவுண்டரி பொருட்கள் மற்றும் செயற்கை agregates ஆகியவற்றை வழங்குகிறது.

இந்த நிறுவனம் மின் உற்பத்தி நிலையங்கள், குஜராத்தில் பாக்சைட் சுரங்கங்கள் மற்றும் அதன் தயாரிப்புகளை உலகளவில் ஏற்றுமதி செய்கிறது. இதன் சந்தை மதிப்பு ரூ. 440.75 கோடி. ஒரு பங்கு ரூ. 36.84 க்கு வர்த்தகமாகிறது. இது முந்தைய நாள் முடிவில் ரூ. 36.99 ஆக இருந்தது.

நிறுவனத்தின் P/E விகிதம் 39x ஆக உள்ளது, இது தொழில்துறை P/E விகிதமான 41.6x ஐ விடக் குறைவு. 3.54 சதவீத ROE, 6.17 சதவீத ROCE மற்றும் 0.25 D/E விகிதம் ஆகியவை நிறுவனத்தின் நிதி நிலையைக் காட்டுகின்றன.

ஜூன் 2025 நிலவரப்படி, 13.23 சதவீத FII பங்குகள், வலுவான வெளிநாட்டு முதலீட்டாளர் நம்பிக்கையையும், அதன் வளர்ச்சி மற்றும் நீண்டகால வாய்ப்புகளையும் பிரதிபலிக்கின்றன. நிறுவனரின் பங்குகள் 63.58 சதவீதமும், பொதுமக்களின் பங்குகள் 23.20 சதவீதமும் உள்ளன.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.